ಪವಿತ್ರ ಲೋಕೇಶ್, ಸುಚೇಂದ್ರ ಪ್ರಸಾದ್ ನಡುವೆ ಆಗಿದಿದ್ದೇನು? ಯಾರು ಈ ನರೇಶ್!

ಪವಿತ್ರ ಲೋಕೇಶ್-ಸುಚೇಂದ್ರ ಪ್ರಸಾದ್ ಎರಡನೇ ಮದುವೆ!

2007ರಲ್ಲಿ ಸಹ ನಟರಾದ ಸುಚೇಂದ್ರ ಪ್ರಸಾದ್ ಮತ್ತು ಪವಿತ್ರ ಲೋಕೇಶ್​ ವಿವಾಹವಾಗಿದ್ದಾರೆ. ಇನ್ನು ಇಬ್ಬರೂ ಕೂಡ ಪೋಷಕ ಪಾತ್ರಗಳಲ್ಲಿ ನಟಿಸುತ್ತಾ ಬಂದಿದ್ದಾರೆ. 2007ರಲ್ಲಿ ಮದುವೆಯಾದ ಈ ಜೋಡಿಗೆ ಇದು ಎರಡನೆಯ ಮದುವೆ. ಅಂದರೆ ಇಬ್ಬರಿಗೂ ಕೂಡ ಇದು ಎಡನೆಯ ಮದುವೆ. ಇವರಿಗೆ ಇಬ್ಬರು ಮುದ್ದಾದ ಮಕ್ಕಳು ಸಹ ಇದ್ದಾರೆ. ಇಬ್ಬರ ಮಕ್ಕಳ ಜೊತೆಗೆ ಸಳ ಸುಂದರ ಜೀವನ ನಡೆಸುತ್ತಿದ್ದ ಇವರ ನಡುವೆ ಈಗ ಬಿರುಕು ಮೂಡಿರುವ ಸುದ್ದಿ ಹಬ್ಬಿದೆ.

ದಾಂಪತ್ಯದಲ್ಲಿ ಬಿರುಕು ಮುಡಿದ್ದೇಕೆ?

ಕೆಲವೊಂದು ಮಾಹಿತಿಗಳ ಪ್ರಕಾರ ಕೆಲ ವರ್ಷಗಳಿಂದ ಸುಚೇಂದ್ರ ಪ್ರಸಾದ್​ ಹಾಗೂ ಪವಿತ್ರ ಲೋಕೇಶ್​ ಪ್ರತ್ಯೇಕವಾಗಿ ಜೀವನ ನಡೆಸುತ್ತಿದ್ದಾರೆ ಎನ್ನುವ ಮಾಹಿತಿ ಇದೆ. ಅವರಿಬ್ಬರ ದಾಂಪತ್ಯದಲ್ಲಿ ಬಿರುಕು ಮೂಡುವುದಕ್ಕೆ ಸುಚೇಂದ್ರ ಪ್ರಸಾದ್​ ಅವರ ಕೋಪವೇ ಕಾರಣ ಎನ್ನುವ ಗುಸು-ಗುಸು ಕೂಡ ಕೇಳಿ ಬರುತ್ತಿದೆ. ಹಲವು ವರ್ಷಗಳಿಂದ ಈ ಜೋಡಿ ದೂರ ದೂರ ವಾಸ ಮಾಡುತ್ತಿದ್ದಾರೆ ಎನ್ನುವ ಸುದ್ದಿ ಈಗ ಬೆಳಕಿಗೆ ಬಂದಿದೆ.

ಇಷ್ಟ ಪಟ್ಟು ಮದುವೆ ಆದ ಜೋಡಿ!

ಸುಚೇಂದ್ರ ಪ್ರಸಾದ್​ ಅಪ್ಪಟ ಕನ್ನಡದ ನಟ. ಸ್ಪಷ್ಟವಾಗಿ ಕನ್ನಡ ಮಾತನಾಡಿ ನಟಿಸುವವರು ಯಾರಾದರೂ ಇದ್ದರೆ ಅದು ಸುಚೇಂದ್ರ ಪ್ರಸಾದ್ ಮಾತ್ರ​. ಸಿನಿಮಾಗಳಲ್ಲಿ ಅಷ್ಟೇ ಅಲ್ಲ, ವೈಯಕ್ತಿಕವಾಗಿಯೂ ಕನ್ನಡ ಅಂದರೆ ಅವರಿಗೆ ಗೌರವ. ಬೇರೆ ಯಾವ ಭಾಷೆಯನ್ನು ಸುಚೇಂದ್ರ ಪ್ರಸಾದ್​ ಬಳಸಲ್ಲ. ಕನ್ನಡ ಮತ್ತು ತೆಲುಗು ಚಿತ್ರಗಳಲ್ಲಿ ಪವಿತ್ರ ಲೋಕೇಶ್ ಪೋಷಕ ಪಾತ್ರಗಳನ್ನು​​ ನಿರ್ವಹಿಸುತ್ತಿದ್ದಾರೆ. 150 ಕ್ಕೂ ಹೆಚ್ಚು ಕನ್ನಡ ಚಿತ್ರಗಳಲ್ಲಿ ನಟಿಸಿದ್ದಾರೆ. ಸಿನಿಮಾಗಳ ಮೂಲಕವೇ ಪರಸ್ಪರ ಭೇಟಿ ಆಗಿ ಮದುವೆ ಆಗಿದ್ದಾರೆ ಈ ಜೋಡಿ.

ನರೇಶ್​ ಯಾರು?

ಪವಿತ್ರ ಲೋಕೇಶ್ ಅವರೆ ಜೊತೆಗೆ ನಟ ನರೇಶ್ ಹೆಸರು ಕೇಳಿ ಬರುತ್ತಿದೆ. ಈ ನರೇಶ್, ತೆಲುಗಿನ ಸೂಪರ್​ ಸ್ಟಾರ್​ ಕೃಷ್ಣ ಅವರ ಮಗ. ಮಹೇಶ್​ ಬಾಬು ತಂದೆ ಕೃಷ್ಣ ಅವರ ಎರಡನೇ ಹೆಂಡತಿ ಮಗ ಈ ನರೇಶ್​. ಕೃಷ್ಣ ಅವರ ಎರಡನೇ ಹೆಂಡತಿ ವಿಜಯ ನಿರ್ಮಲ. ವಿಜಯ ನಿರ್ಮಲ ಮತ್ತು ಅವರ ಮೊದಲ ಪತಿ ಕೆ.ಎಸ್​ ಮೂರ್ತಿ ಅವರ ಮಗ ನರೇಶ್. ಕೆ.ಎಸ್​ ಮೂರ್ತಿ ಜೊತೆ ಡಿವೋರ್ಸ್ ಪಡೆದು ಕೃಷ್ಣ ಅವರನ್ನು ಮದುವೆಯಾಗಿದ್ದರು ವಿಜಯ ನಿರ್ಮಲ.