Don't Miss!
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Automobiles Mahindra Thar: ಸುಲಭವಾಗಿ ಆಫ್ರೋಡ್ ಕಿಂಗ್ ಖರೀದಿಸಬೇಕೆ?: ಆನ್ರೊಡ್ ಬೆಲೆ, EMI ಸಂಪೂರ್ಣ ಮಾಹಿತಿ!
- News ನೇಹಾ ಕೊಲೆಗೆ ಸಿಎಂ ತೀವ್ರ ಖಂಡನೆ: ಕೊಲೆಗಾರನಿಗೆ ಶಿಕ್ಷೆ ಕುರಿತು ಸಿದ್ದರಾಮಯ್ಯ ಹೇಳಿದ್ದೇನು?
- Technology Vivo: ಶೀಘ್ರದಲ್ಲೇ ವಿವೋ Y38 5G ಸ್ಮಾರ್ಟ್ಫೋನ್; ವಿನ್ಯಾಸ ಮತ್ತು ಫೀಚರ್ಸ್ ಲೀಕ್
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಟಿ, ಶಾಸಕಿ ರೋಜಾ ಗೆ ಸಂಕಷ್ಟ: ಆಂಧ್ರ ಹೈಕೋರ್ಟ್ನಿಂದ ನೊಟೀಸ್
ಖ್ಯಾತ ನಟಿ, ರಾಜಕಾರಣಿ ರೋಜಾ, ಹೂಗಳಿಂದಲೇ ಇಕ್ಕಟ್ಟಿಗೆ ಸಿಲುಕಿದ್ದಾರೆ. ಅವರಿಗೆ ನ್ಯಾಯಾಲಯವು ನೊಟೀಸ್ ಜಾರಿ ಮಾಡಿದ್ದು, ಉತ್ತರಿಸುವಂತೆ ಸೂಚಿಸಿದೆ.
Recommended Video
ವೈಎಸ್ಆರ್ ಕಾಂಗ್ರೆಸ್ ಪಕ್ಷದಿಂದ ಚುನಾವಣೆ ಗೆದ್ದು ಶಾಸಕಿಯೂ ಆಗಿರುವ ರೋಜಾ, ಇತ್ತೀಚೆಗೆ ವಿಡಿಯೋ ಒಂದನ್ನು ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು. ಇದೇ ವಿಡಿಯೋದಿಂದಾಗಿ ಅವರು ನ್ಯಾಯಾಲಯದಿಂದ ನೊಟೀಸ್ ಎದುರಿಸುವಂತಾಗಿದೆ.
ಶಾಸಕಿ ರೋಜಾ ಅವರನ್ನು ಏಪ್ರಿಲ್ 21 ರಂದು ಕುಡಿಯುವ ನೀರಿನ ಕೊಳಾಯಿ ಉದ್ಘಾಟನೆಗೆಂದು ಆಮಂತ್ರಿಸಲಾಗಿತ್ತು. ಲಾಕ್ಡೌನ್ ನಡುವೆಯೂ ಕಾರ್ಯಕ್ರಮ ರೋಜಾ ತೆರಳಿದ್ದರು. ಅಲ್ಲಿ ಅಭಿಮಾನಿಗಳು ತಮಗೆ ಕೋರಿದ ಸ್ವಾಗತದ ವಿಡಿಯೋವನ್ನು ರೋಜಾ ಹಂಚಿಕೊಂಡಿದ್ದರು. ಈ ವಿಡಿಯೋ ವಿವಾದದ ಕೇಂದ್ರಬಿಂದುವಾಗಿದೆ.
ರೋಜಾ ಕಾಲಿಗೆ ಹೂ ಹಾಕಿದ್ದ ಅಭಿಮಾನಿಗಳು
ವಿಡಿಯೋದಲ್ಲಿರುವಂತೆ, ರೋಜಾ ಅವರು ಉದ್ಘಾಟನೆಗೆ ಬಂದಾಗ ಅವರ ಪಕ್ಕ ಸಾಲಾಗಿ ನಿಂತ ಜನರು ರೋಜಾ ಅವರು ಬರುತ್ತಿದ್ದ ದಾರಿಗೆ ಹೂವು ಹಾಕುತ್ತಿದ್ದರು. ಆ ವಿಡಿಯೋವನ್ನು ರೋಜಾ ಹಂಚಿಕೊಂಡಿದ್ದರು. ಇದು ಭಾರಿ ಟೀಕೆಗೆ ಗುರಿಯಾಗಿತ್ತು.
ವಕೀಲ ಕಿಶೋರ್ ಇಂದ ದೂರು ದಾಖಲು
ಅದೇ ವಿಡಿಯೋ ಆಧಾರವಾಗಿಟ್ಟುಕೊಂಡು ಶಾಸಕಿ ರೋಜಾ ಲಾಕ್ಡೌನ್ ಉಲ್ಲಂಘನೆ ಮಾಡಿದ್ದಾರೆಂದು ವಕೀಲ ಕಿಶೋರ್ ಎಂಬುವರು ನ್ಯಾಯಾಲಯದಲ್ಲಿ ದಾವೆ ಹೂಡಿದ್ದರು, ವಿಚಾರಣೆ ನಡೆದು ಇದೀಗ ನ್ಯಾಯಾಲಯವು ರೋಜಾ ಅವರಿಗೆ ನೊಟೀಸ್ ಜಾರಿ ಮಾಡಿದೆ. ನ್ಯಾಯಾಲಯಕ್ಕೆ ರೋಜಾ ಉತ್ತರ ನೀಡಬೇಕಾಗಿದೆ.
ಸಾಮಾಜಿಕ ಅಂತರ ನಾಪತ್ತೆ
ವಿಡಿಯೋದಲ್ಲಿರುವಂತೆ ಸಾಕಷ್ಟು ಮಂದಿ ಕಾರ್ಯಕ್ರಮದಲ್ಲಿ ನೆರೆದಿದ್ದು, ಸಾಮಾಜಿಕ ಅಂತರ ಇಲ್ಲವಾಗಿತ್ತು. ಕಾರ್ಯಕ್ರಮಕ್ಕೆ ಬಂದವರು ಮಾಸ್ಕ್ ಸಹ ಧರಿಸಿರಲಿಲ್ಲ. ಅಲ್ಲದೆ, ರೋಜಾ ಕಾಲಿಗೆ ಹೂವು ಹಾಕುತ್ತಿರುವುದು ಸಹ ಅತಿರೇಕ ಎಂದು ಸಾಮಾಜಿಕ ಜಾಲತಾಣದಲ್ಲಿ ಕಮೆಂಟ್ಗಳು ಬಂದಿದ್ದವು. ವಿಡಿಯೋದಿಂದ ವಿವಾದ ಉಂಟಾದ ಕಾರಣ ವಿಡಿಯೋವನ್ನು ರೋಜಾ ಡಿಲೀಟ್ ಮಾಡಿದ್ದಾರೆ.
ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿರುವ ರೋಜಾ
ಇನ್ನು ರೋಜಾ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಸಕ್ರಿಯರಾಗಿದ್ದಾರೆ. ಕೊರೊನಾ ಸಮಯದಲ್ಲಿ ತಾವು ಮಾಡುತ್ತಿರುವ ಸಹಾಯ, ಸ್ಯಾನಿಟೈಸೇಶನ್ ಕಾರ್ಯ, ಅಧಿಕಾರಿಗಳೊಂದಿಗೆ ಸಭೆಗಳು ಎಲ್ಲವನ್ನೂ ಅವರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿದ್ದಾರೆ.
ಕನ್ನಡದಲ್ಲಿಯೂ ಅನೇಕ ಸಿನಿಮಾಗಳಲ್ಲಿ ನಟಿಸಿದ್ದಾರೆ
ನಟಿಯಾಗಿದ್ದ ರೋಜಾ, ಕನ್ನಡದಲ್ಲಿಯೂ ಅನೇಕ ಸಿನಿಮಾಗಳಲ್ಲಿ ನಟಿಸಿದ್ದರು. ಕಲಾವಿದ, ಸುಂದರ ಕಾಂಡ, ಗಡಿಬಿಡಿ ಗಂಡ, ಪ್ರೇಮೋತ್ಸವ, ಇಂಡಿಪೆಂಡೆನ್ಸ್ ಡೇ, ಪರ್ವ, ಮೌರ್ಯ ಸಿನಿಮಾಗಳು ಅವುಗಳಲ್ಲಿ ಕೆಲವು. ತೆಲುಗು-ತಮಿಳು ಸಿನಿರಂಗದಲ್ಲೂ ಅವರು ಖ್ಯಾತರು.