ಜ್ಯೂ. ಎನ್‌ಟಿಆರ್ ಧರಿಸಿರೋ ಈ ಟೀ-ಶರ್ಟ್ ಬೆಲೆ ಕೇಳಿ ಅಭಿಮಾನಿಗಳು ಶಾಕ್!

ತಾರಕ್ ಧರಿಸಿದ್ದ ಟೀ-ಶರ್ಟ್ ಬೆಲೆ 24 ಸಾವಿರ ರೂ.?

ನಟ, ನಟಿಯರು ಬಹುತೇಕ ಬ್ರ್ಯಾಂಡೆಡ್‌ ವಸ್ತುಗಳನ್ನೇ ಬಳಸುತ್ತಾರೆ. ಬಟ್ಟೆ, ಶೂ, ವಾಚ್ ಹೀಗೆ ಅವರು ಬಳಸುವ ಪ್ರತಿಯೊಂದು ಬ್ರ್ಯಾಂಡೆಡ್‌ ಹಾಗೂ ದುಬಾರಿ ವೆಚ್ಚದಾಗಿರುತ್ತದೆ. ಇನ್ನು ಅಭಿಮಾನಿಗಳು ತಮ್ಮ ನೆಚ್ಚಿನ ನಟ ನಟಿಯರು ಬಳಸುವ ವಸ್ತುಗಳ ಬೆಲೆ ತಿಳಿದುಕೊಳ್ಳಲು ಇಷ್ಟಪಡುತ್ತಾರೆ. 'ಬಿಂಬಿಸಾರ' ಸಿನಿಮಾ ಪ್ರೀ ರಿಲೀಸ್ ಈವೆಂಟ್‌ಗೆ ತಾರಕ್‌ ಧರಿಸಿ ಬಂದಿದ್ದ ಟೀ-ಶರ್ಟ್ ಬೆಲೆ ಆನ್‌ಲೈನ್‌ನಲ್ಲಿ 24,000 ರೂ. ಎಂದು ಗೊತ್ತಾಗಿ ಅಚ್ಚರಿಗೊಂಡಿದ್ದಾರೆ.

ಕೋಟ್ಯಾಂತರ ಬೆಲೆಯ ವಾಚ್ ಧರಿಸಿದ್ದ ತಾರಕ್

ತಾರಕ್‌ಗೆ ದುಬಾರಿ, ಬ್ರ್ಯಾಂಡೆಡ್‌ ಆಕ್ಸಸರೀಸ್‌ ಕ್ರೇಜ್‌ ಜಾಸ್ತಿ. ಈ ಹಿಂದೆ 'ಆರ್‌ಆರ್‌ಆರ್' ಸಿನಿಮಾ ಕಾರ್ಯಕ್ರಮದಲ್ಲಿ ಯಂಗ್‌ ಟೈಗರ್ ಎನ್‌ಟಿಆರ್‌ ಬರೋಬ್ಬರಿ 3 ಕೋಟಿ 99 ಲಕ್ಷ ರೂ. ಬೆಲೆಯ ವಾಚ್‌ ಧರಿಸಿದ್ದರು ಎಂದು ಸುದ್ದಿಯಾಗಿತ್ತು. ಅದಕ್ಕಿಂತ ಹಿಂದೆ ಒಮ್ಮೆ 1.70 ಕೋಟಿ ರೂ. ಬೆಲೆಗೆ ವಾಚ್ ಧರಿಸಿ ಕಾಣಿಸಿಕೊಂಡಿದ್ದರು.

ಶುಕ್ರವಾರ 'ಬಿಂಬಿಸಾರ' ಸಿನಿಮಾ ತೆರೆಗೆ

ನಂದಮೂರಿ ಕಲ್ಯಾಣ್‌ ರಾಮ್ ನಟನೆಯ ಫ್ಯಾಂಟಸಿ ಆಕ್ಷನ್ ಸಿನಿಮಾ 'ಬಿಂಬಿಸಾರ' ಸಿನಿಮಾ ಇದೇ ಶುಕ್ರವಾರ ವಿಶ್ವದಾದ್ಯಂತ ರಿಲೀಸ್ ಆಗಲಿದೆ. ಕಲ್ಯಾಣ್‌ ರಾಮ್‌ ತಮ್ಮದೇ ಬ್ಯಾನರ್‌ನಲ್ಲಿ ಈ ಸಿನಿಮಾ ನಿರ್ಮಿಸಿದ್ದು, ರಾಜ 'ಬಿಂಬಿಸಾರ'ನ ಪಾತ್ರದಲ್ಲಿ ಬಣ್ಣ ಹಚ್ಚಿದ್ದಾರೆ.

ಪ್ಯಾನ್ ಇಂಡಿಯಾ ಸಿನಿಮಾಗಳಲ್ಲಿ ತಾರಕ್

'ಆರ್‌ಆರ್‌ಆರ್‌' ನಂತರ ಬ್ಯಾಕ್‌ ಟು ಬ್ಯಾಕ್ ಪ್ಯಾನ್‌ ಇಂಡಿಯಾ ಸಿನಿಮಾಗಳಿಗೆ ಜ್ಯೂ. ಎನ್‌ಟಿಆರ್ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ. ಕೊರಟಾಲ ಶಿವ ನಿರ್ದೇಶನದ ಸಿನಿಮಾ ನಂತರ ಪ್ರಶಾಂತ್ ನೀಲ್‌ ನಿರ್ದೇಶನದಲ್ಲಿ ಯಂಗ್ ಟೈಗರ್ ಘರ್ಜಿಸಲಿದ್ದಾರೆ. ಇನ್ನು ಹೆಸರಿಡದ ಒಂದೆರಡು ಸಿನಿಮಾಗಳು ಮಾತುಕತೆ ಹಂತದಲ್ಲಿವೆ.