ಭಾರಿ ಬೇಡಿಕೆ: ಗಗನ ಮುಟ್ಟಿದ ಕೆಜಿಎಫ್ 2 ತೆಲುಗು ರೈಟ್ಸ್ ಬೆಲೆ!

ಕೆಜಿಎಫ್ 2 ಹಕ್ಕಿಗೆ ಭಾರಿ ಬೇಡಿಕೆ

ಇದೀಗ ತೆಲುಗು ಮಾಧ್ಯಮಗಳೇ ವರದಿ ಮಾಡಿರುವಂತೆ. ಕೆಜಿಎಫ್ 2 ಪ್ರಸಾರ ಹಕ್ಕಿಗಾಗಿ ಭಾರಿ ಬೇಡಿಕೆ ಉಂಟಾಗಿದೆಯಂತೆ. ವಿತರಣೆ ಹಕ್ಕು ಈಗಾಗಲೇ ವಾರಾಹಿ ಮೂವೀಸ್ ಪಾಲಾಗಿದ್ದು. ಡಿಜಿಟಲ್ ಹಾಗೂ ಸ್ಯಾಟಲೈಟ್‌ ಹಕ್ಕು ಬರೋಬ್ಬರಿ 60 ಕೋಟಿ ರೂಪಾಯಿಗೆ ಮಾರಾಟವಾಗಲಿದೆ ಎನ್ನಲಾಗುತ್ತಿದೆ.

ಮೊದಲ ಸಿನಿಮಾಕ್ಕೆ ಐದು ಕೋಟಿ ನೀಡಲಾಗಿತ್ತು

ಕೆಜಿಎಫ್ ಮೊದಲ ಚಾಪ್ಟರ್ ಅನ್ನು ಐದು ಕೋಟಿಗೆ ಮಾತ್ರವೇ ಖರೀದಿಸಿದ್ದ ವಿತರಕರು ಭಾರಿ ಹಣ ಸಂಪಾದಿಸಿದರು. ಆದರೆ ಈ ಬಾರಿ ಕೇವಲ ಗುಂಟೂರು ವ್ಯಾಪ್ತಿಯಲ್ಲಿ ಬಿಡುಗಡೆ ಮಾಡಲು ಐದು ಕೋಟಿಗೂ ಹೆಚ್ಚು ಹಣ ನೀಡಲು ವಿತರಕರು ತಯಾರಾಗಿದ್ದಾರೆ ಎನ್ನಲಾಗುತ್ತಿದೆ.

ತೆಲುಗು ರಾಜ್ಯಗಳಲ್ಲಿ ಕೆಜಿಎಫ್ 2 ಗೆ ಭಾರಿ ಬೇಡಿಕೆ

ಕೆಜಿಎಫ್ ಸಿನಿಮಾ ಸರಣಿಗೆ ಎರಡೂ ತೆಲುಗು ರಾಜ್ಯಗಳಲ್ಲಿ ಭಾರಿ ಬೇಡಿಕೆ ಇದ್ದು, ಅಭಿಮಾನಿಗಳು ಕೆಜಿಎಫ್ 2 ಸಿನಿಮಾಕ್ಕಾಗಿ ಕಾಯುತ್ತಿದ್ದಾರೆ. ಯಶ್ ಸಹ ತಮ್ಮದೇ ರಾಜ್ಯದ ಸ್ಟಾರ್ ನಟ ಎಂಬಂತೆ ತೆಲುಗಿನ ಸಿನಿಪ್ರೇಮಿಗಳು ಭಾವಿಸಿದ್ದು, ಕೆಜಿಎಫ್ ಸಹ ತಮ್ಮದೇ ಸಿನಿಮಾ ಎಂಬಂತೆ ಸ್ವೀಕರಿಸಲು ತಯಾರಾಗಿದ್ದಾರೆ.

ತೆಲುಗಿನಲ್ಲಿ ವರಾಹಿ ಮೂವೀಸ್

ಇನ್ನು ಕೆಜಿಎಫ್ 2 ಸಿನಿಮಾವನ್ನು ತೆಲುಗಿನಲ್ಲಿ ವರಾಹಿ ಮೂವೀಸ್, ಹಿಂದಿಯಲ್ಲಿ ಫರ್ಹಾನ್ ಅಖ್ತರ್‌ ರವರ ಎಕ್ಸೆಲ್ ಎಂಟರ್ಟೈನ್‌ಮೆಂಟ್, ಮಲಯಾಳಂ ನಲ್ಲಿ ಪೃಥ್ವಿರಾಜ್ ಪ್ರೊಡಕ್ಷನ್ಸ್, ತಮಿಳಿನಲ್ಲಿ ಎಎ ಫಿಲಮ್ಸ್‌ ನವರು ಬಿಡುಗಡೆ ಮಾಡಲಿದ್ದಾರೆ. ಕನ್ನಡದಲ್ಲಿ ನಿರ್ಮಾಪಕ ವಿಜಯ್ ಕಿರಗಂದೂರು ಅವರ ಹೊಂಬಾಳೆ ಫಿಲ್ಮ್ಸ್ ಮೂಲಕ ಬಿಡುಗಡೆ ಆಗಲಿದೆ.