ವಾವ್.. ಡಾ.ರಾಜ್ ಕುಮಾರ್ ಬಗ್ಗೆ 'ಬಾಹುಬಲಿ' ನಟ ರಾನಾ ಬಾಯಿಂದ ಬಂದಿದ್ದು ಎಂಥಾ ಮಾತು.!

ಡಾ.ರಾಜ್ ಕುಮಾರ್ ಅಭಿಮಾನಿ ರಾನಾ.!

''ನಾನು ಡಾ.ರಾಜ್ ಕುಮಾರ್ ಅವರ ಅತಿ ದೊಡ್ಡ ಅಭಿಮಾನಿ'' ಎಂದು ಇತ್ತೀಚೆಗಷ್ಟೇ ಸಂದರ್ಶನವೊಂದರಲ್ಲಿ ನಟ ರಾನಾ ದಗ್ಗುಬಾಟಿ ಹೇಳಿದ್ದಾರೆ. ಡಾ.ರಾಜ್ ಕುಮಾರ್ ಚಿತ್ರಗಳನ್ನು ನೋಡಿ, ಅವರ ಫ್ಯಾನ್ ಆಗಿದ್ದಾರಂತೆ 'ಬಾಹುಬಲಿ' ನಟ ರಾನಾ ದಗ್ಗುಬಾಟಿ.

'ಭಕ್ತ ಪ್ರಹ್ಲಾದ' ಸ್ಫೂರ್ತಿ

ನಟ ರಾನಾ ದಗ್ಗುಬಾಟಿ ಸದ್ಯ 'ಹಿರಣ್ಯ ಕಶ್ಯಪ' ಎಂಬ ಸಿನಿಮಾ ಮಾಡಲು ಮುಂದಾಗಿದ್ದಾರೆ. ಈ 'ಹಿರಣ್ಯ ಕಶ್ಯಪ' ಚಿತ್ರಕ್ಕೆ ಡಾ.ರಾಜ್ ಕುಮಾರ್ ಮತ್ತು ಪುನೀತ್ ರಾಜ್ ಕುಮಾರ್ ಅಭಿನಯದ 'ಭಕ್ತ ಪ್ರಹ್ಲಾದ' ಚಿತ್ರವೇ ಸ್ಫೂರ್ತಿ. 1983 ರಲ್ಲಿ ತೆರೆಕಂಡ ಕನ್ನಡದ 'ಭಕ್ತ ಪ್ರಹ್ಲಾದ' ಚಿತ್ರವನ್ನು ರಾನಾ ದಗ್ಗುಬಾಟಿ ಕಣ್ತುಂಬಿಕೊಂಡಿದ್ದಾರಂತೆ.

ಕನ್ನಡ ಚಿತ್ರವೇ ರೆಫರೆನ್ಸ್.!

''ನಾನು ಈಗ 'ಹಿರಣ್ಯ ಕಶ್ಯಪ' ಚಿತ್ರದಲ್ಲಿ ಅಭಿನಯಿಸುತ್ತಿದ್ದೇನೆ. ಏನಾದರೂ ರೆಫರ್ ಮಾಡಬೇಕು ಅಂದ್ರೆ, ನಾನು ಸೀದಾ ಡಾ.ರಾಜ್ ಕುಮಾರ್ ಅಭಿನಯದ 1983 ರಲ್ಲಿ ತೆರೆಕಂಡ 'ಭಕ್ತ ಪ್ರಹ್ಲಾದ' ಚಿತ್ರವನ್ನು ನೋಡುತ್ತೇನೆ'' ಎಂದು ಸಂದರ್ಶನದಲ್ಲಿ ಹೇಳಿದ್ದಾರೆ ನಟ ರಾನಾ ದಗ್ಗುಬಾಟಿ.

ಪುನೀತ್ ರಾಜ್ ಕುಮಾರ್ ಕೂಡ ಗೊತ್ತು.!

''ನನಗೆ ಪುನೀತ್ ರಾಜ್ ಕುಮಾರ್ ಕೂಡ ಬಹಳ ವರ್ಷಗಳಿಂದ ಗೊತ್ತು. ಅವರ ಸಿನಿಮಾಗಳನ್ನು ನೋಡುವುದು ನನಗೆ ಇಷ್ಟ'' ಎಂದು ಅಣ್ಣಾವ್ರು ಮತ್ತು ಅಣ್ಣಾವ್ರ ಮಗನ ಬಗ್ಗೆ ರಾನಾ ದಗ್ಗುಬಾಟಿ ಹಾಡಿ ಹೊಗಳಿದ್ದಾರೆ.

ಯಶ್ ಬಗ್ಗೆಯೂ ಕಾಮೆಂಟ್.!

''ಕೆ.ಜಿ.ಎಫ್' ಮೂಲಕ ನಟ ಯಶ್ ದೊಡ್ಡ ಮೈಲಿಗಲ್ಲು ತಲುಪಿದ್ದಾರೆ. ನಾವು ಕೂಡ ಅದನ್ನೇ 'ಬಾಹುಬಲಿ' ಮತ್ತು 'ದಿ ಘಾಝಿ ಅಟ್ಯಾಕ್' ಮೂಲಕ ಮಾಡಿದ್ವಿ'' ಅಂತ ಹೇಳುವ ಮೂಲಕ ಕನ್ನಡ ಚಿತ್ರರಂಗದ ನಟರ ಬಗ್ಗೆ ಸಂದರ್ಶನದಲ್ಲಿ ರಾನಾ ದಗ್ಗುಬಾಟಿ ಮಾತನಾಡಿದ್ದಾರೆ.