ಹತ್ತನೇ ಕ್ಲಾಸಿನಲ್ಲಿ ಡುಮ್ಕಿ ಹೊಡೆದಿದ್ದ ವಿದ್ಯಾರ್ಥಿ ಇಂದು ತೆಲುಗಿನ ಪ್ರಖ್ಯಾತ ನಟ.!

ಇವರೇ... ಅವರು.!

ಹತ್ತನೇ ಕ್ಲಾಸ್ ನಲ್ಲಿ ಫೇಲ್ ಆದರೂ, ಅಭಿನಯದಿಂದ ತೆಲುಗು ಚಿತ್ರರಂಗದಲ್ಲಿ ಪಾಸ್ ಆಗಿರುವ ನಟ ರಾನಾ ದಗ್ಗುಬಾಟಿ. ಶ್ರೀಮಂತ ಕುಟುಂಬದಲ್ಲಿ ಹುಟ್ಟಿ ಬೆಳೆದ ರಾನಾ ದಗ್ಗುಬಾಟಿಗೆ ವಿದ್ಯೆ ತಲೆಗೆ ಹತ್ತುತ್ತಿರಲಿಲ್ಲ. ಹೀಗಾಗಿ, 10th ಪರೀಕ್ಷೆಯಲ್ಲಿ ಫೇಲ್ ಆಗಿದ್ದರಂತೆ. ಹಾಗಂತ ಖುದ್ದು ರಾನಾ ದಗ್ಗುಬಾಟಿ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ.

ರಾನಾ ದಗ್ಗುಬಾಟಿ ಮಾತು

''ಕ್ಲಾಸ್ 10 ನಲ್ಲಿ ನಾನು ಫೇಲ್ ಆಗಿದ್ದೆ. ಸಹಜವಾಗಿ ಆ ಸಮಯದಲ್ಲಿ ನಾನು ಕುಗ್ಗಿ ಹೋಗಿದ್ದೆ. ಫೇಲ್ಯೂರ್ ಮತ್ತು ಕನ್ ಫ್ಯೂಶನ್ ಜಾಸ್ತಿ ಇದ್ದಿದ್ರಿಂದ, ನನ್ನನ್ನ ನಾನು ಅರ್ಥ ಮಾಡಿಕೊಳ್ಳೋಕೆ ಶುರು ಮಾಡಿದೆ. ಜೀವನದಲ್ಲಿ ನಾನು ಏನು ಮಾಡಬೇಕು ಎಂಬುದನ್ನ ಅರಿತೆ. ಸಿನಿಮಾ ಮಾಡಲು ನನಗೆ ಇಷ್ಟ ಇತ್ತು. ಆಗ ನನಗೆ ಯಾವುದೇ ಗ್ಯಾರೆಂಟಿ ಇರಲಿಲ್ಲ. ಆದ್ರೀಗ, ಹಿಂದೆ ತಿರುಗಿ ನೋಡಿದ್ರೆ, ನಾನು ಸರಿಯಾಗಿರುವುದನ್ನೇ ಆಯ್ಕೆ ಮಾಡಿಕೊಂಡಿದ್ದೇನೆ ಅನಿಸುತ್ತದೆ'' ಎಂದು ಸಂದರ್ಶನದಲ್ಲಿ ರಾನಾ ದಗ್ಗುಬಾಟಿ ಹೇಳಿದ್ದಾರೆ.

ತಂತ್ರಜ್ಞಾನದಲ್ಲಿ ಆಸಕ್ತಿ

''ನಾನು ಓದಿನಲ್ಲಿ ಅಷ್ಟಕಷ್ಟೆ. ಆದರೂ, ಕಂಪ್ಯೂಟರ್ ಮತ್ತು ತಂತ್ರಜ್ಞಾನದಲ್ಲಿ ಬಹಳ ಆಸಕ್ತಿ ಇತ್ತು. ವಿ.ಎಫ್.ಎಕ್ಸ್ ಕಂಪನಿಯೊಂದರ ಮೂಲಕ ನಾನು ವೃತ್ತಿ ಜೀವನ ಆರಂಭಿಸಿದೆ. ಭಾರತದ ಚಿತ್ರಗಳಿಗೆ ವಿ.ಎಫ್.ಎಕ್ಸ್ ನ ಅಳವಡಿಸುವುದು ನನಗೆ ಕನಸಾಗಿತ್ತು'' ಎಂದಿದ್ದಾರೆ ರಾನಾ ದಗ್ಗುಬಾಟಿ

ಗುರಿಯನ್ನ ಮರೆತಿಲ್ಲ

''ಭಾವನೆಗಳಲ್ಲಾಗಲಿ, ಆರೋಗ್ಯದಲ್ಲಾಗಲಿ ಜೀವನದಲ್ಲಿ ನಾನು ಸಾಕಷ್ಟು ಏಳು-ಬೀಳು ಕಂಡಿದ್ದೇನೆ. ಆದ್ರೆ, ಗುರಿಯನ್ನ ಯಾವತ್ತೂ ಮರೆತಿಲ್ಲ'' ಅಂತ ರಾನಾ ದಗ್ಗುಬಾಟಿ ಹೇಳಿದ್ದಾರೆ.