ಪ್ರಭಾಸ್ ಅಭಿಮಾನಿಗಳಿಗೆ ಹಬ್ಬ: 2021 ರಲ್ಲಿ ಎರಡು ಸಿನಿಮಾ ಬಿಡುಗಡೆ!?

ರಾಧೆ-ಶ್ಯಾಮ್ ಸಿನಿಮಾ ಬಿಡುಗಡೆ ಆಗಲಿದೆ

ಹೌದು, ಮಾರ್ಚ್ ತಿಂಗಳಲ್ಲಿ ರಾಧೆ-ಶ್ಯಾಮ್ ಸಿನಿಮಾ ಬಿಡುಗಡೆ ಆಗಲಿದೆ. ವರ್ಷಾಂತ್ಯದ ವೇಳೆಗೆ ಪ್ರಶಾಂತ್ ನೀಲ್ ನಿರ್ದೇಶಿಸಲಿರುವ 'ಸಲಾರ್' ಸಿನಿಮಾ ಬಿಡುಗಡೆ ಆಗುವ ಸಾಧ್ಯತೆ ಇದೆ. ಹೀಗೆ ಒಂದೇ ವರ್ಷದಲ್ಲಿ ಪ್ರಭಾಸ್ ನಟನೆಯ ಎರಡು ಸಿನಿಮಾ ಬಿಡುಗಡೆ ಆಗಿ 11 ವರ್ಷವಾಗಿದೆ. ಕೊನೆಯದಾಗಿ 2009 ರಲ್ಲಿ ಪ್ರಭಾಸ್ ನಟನೆಯ ಎರಡು ಸಿನಿಮಾ ಬಿಡುಗಡೆ ಆಗಿದ್ದವು.

ನಿಯಮ ಮುರಿಯಲಿದ್ದಾರೆ ಪ್ರಭಾಸ್

ಒಂದು ಸಿನಿಮಾ ಒಪ್ಪಿಕೊಂಡ ಮೇಲೆ ಅದು ಮುಗಿಯುವವರೆಗೂ ಬೇರೆ ಸಿನಿಮಾಗಳಲ್ಲಿ ನಟಿಸುವುದಿಲ್ಲ ಪ್ರಭಾಸ್. ಇದನ್ನು ಬಹಳ ವರ್ಷಗಳಿಂದಲೂ ಪಾಲಿಸಿಕೊಂಡು ಬಂದಿದ್ದಾರೆ ಪ್ರಭಾಸ್. ಆದರೆ ಮೊದಲ ಬಾರಿಗೆ ಸ್ವಯಂ ನಿಯಮವನ್ನು ಮುರಿದು ಒಟ್ಟಿಗೆ ಎರಡು ಸಿನಿಮಾಗಳಲ್ಲಿ ನಟಿಸಲಿದ್ದಾರೆ ಪ್ರಭಾಸ್.

ಎರಡು ಸಿನಿಮಾದಲ್ಲಿ ಒಟ್ಟಿಗೆ ನಟನೆ?

ಹೌದು, ಆದಿಪುರುಷ್ ಸಿನಿಮಾದ ಚಿತ್ರೀಕರಣದ ಜೊತೆ-ಜೊತೆಗೆ 'ಸಲಾರ್' ಸಿನಿಮಾದಲ್ಲಿ ನಟಿಸಲಿದ್ದಾರೆ ಪ್ರಭಾಸ್. ವರ್ಷಾಂತ್ಯದ ವೇಳೆಗೆ ಸಲಾರ್ ಸಿನಿಮಾ ಬಿಡುಗಡೆ ಆಗುವ ಸಂಭವ ಇದೆ. ಆದಿಪುರುಷ್ ದೊಡ್ಡ ಬಜೆಟ್‌ನ ಭಾರಿ ಕ್ಯಾನ್ವಾಸ್ ಸಿನಿಮಾ ಆಗಿರುವ ಕಾರಣ ಆ ಸಿನಿಮಾದ ಚಿತ್ರೀಕರಣ ಹಾಗೂ ಬಿಡುಗಡೆ ತಡವಾಗುವ ಸಾಧ್ಯವಾಗಿದೆ.

Recommended Video

Shivanna ಹೆಸರಿಗೆ ಮಸಿ ಬಳಿಯುವ ಕೆಲಸ ಮಾಡುತ್ತಿದ್ದಾರೆ ಕಿಡಿಗೇಡಿಗಳು | Filmibeat Kannada

ದೀಪಿಕಾ ಪಡುಕೋಣೆ ಜೊತೆ ನಟನೆ

ಆದಿಪುರುಷ್, ಸಲಾರ್ ಜೊತೆಗೆ ಮತ್ತೊಂದು ಬಹುಮುಖ್ಯ ಸಿನಿಮಾವನ್ನು ಪ್ರಭಾಸ್ ಒಪ್ಪಿಕೊಂಡಿದ್ದಾರೆ. ನಾಗ್ ಅಶ್ವಿನ್ ನಿರ್ದೇಶಿಸುತ್ತಿರುವ ಫ್ಯಾಂಟಸಿ ಕತೆ ಹೊಂದಿರುವ ಸಿನಿಮಾದಲ್ಲಿ ಸಹ ಪ್ರಭಾಸ್ ನಟಿಸಲಿದ್ದಾರೆ. ಈ ಸಿನಿಮಾದಲ್ಲಿ ದೀಪಿಕಾ ಪಡುಕೋಣೆ ಹಾಗೂ ಅಮಿತಾಬ್ ಬಚ್ಚನ್ ನಟಿಸಲಿದ್ದಾರೆ.