ಪುಷ್ಪ ಭಾಗ 2: ವಿಶೇಷ ಸಂಗತಿಗಳು ಇಲ್ಲಿವೆ!

3 ಕೋಟಿ ಸಂಭಾವನೆ ಪಡೆಯುತ್ತಾರ ರಶ್ಮಿಕಾ!

ಪುಷ್ಪ ಚಿತ್ರದ ಬಗ್ಗೆ ಹೆಚ್ಚಾಗಿ ಹರಿದಾಡುತ್ತಿರುವ ಸುದ್ದಿಗಳಲ್ಲಿ ರಶ್ಮಿಕಾ ಮಂದಣ್ಣ ಅವರ ಸಂಭಾವನೆ ಸದ್ಯ ಮೂರು ಕೋಟಿಗೆ ಏರಿದೆಯಂತೆ. ಪುಷ್ಪ ಚಿತ್ರದ ಬಳಿಕ ರಶ್ಮಿಕಾ ಮಂದಣ್ಣ ಅವರ ಸಂಭಾವನೆ ಮೂರು ಕೋಟಿಗೆ ಏರಿದೆ. ಹಾಗಾಗಿ ಪುಷ್ಪ ದಿ ರೂಲ್ ಚಿತ್ರಕ್ಕೆ ರಶ್ಮಿಕಾ ಮಂದಣ್ಣ ಅವರು ಮೂರು ಕೋಟಿ ಸಂಭಾವನೆ ಪಡೆಯಲಿದ್ದಾರೆ ಎನ್ನುವ ಕುತೂಹಲ ಮೂಡಿದೆ.

ಪುಷ್ಪ2 ವೆಬ್‌ ಸರಣಿ ಆಗಬೇಕಿತ್ತು!

ಈ ಚಿತ್ರದ ಕಥಾ ಹಂದರಕ್ಕಾಗಿ ನಿರ್ದೇಶಕ ಸುಕುಮಾರ್‌ ಹೆಚ್ಚಿನ ಸಮಯ ತೆಗೆದುಕೊಂಡು, ರಕ್ತ ಸಂಶೋಧನೆ ಮಾಡಿದ್ದಾರೆ. ಹಾಗಾಗಿ ಈ ಕಥೆಯನ್ನು ವೆಬ್‌ ಸರಣಿ ಮಾಡಲು ಸುಕುಮಾರ್‌ ಸಜ್ಜಾಗಿದ್ದರಂತೆ. ಅದರೆ ಸಿನಿಮಾ ಮಾಡಿ ಗೆದ್ದು ಬೀಗಿದೆ ಚಿತ್ರ ತಂಡ. ಈ ಬಗ್ಗೆ ಸ್ವತಃ ಸುಕುಮಾರ್‌ ಅವರು ಈ ಹಿಂದೆ ಹೇಳಿಕೊಂಡಿದ್ದರು.

ಪುಷ್ಪ ಒಂದರ ಯಶಸ್ಸು, ಪುಷ್ಪ 2 ಚಿತ್ರ ಕಥೆ ಬದಲಾವಣೆಗೆ ಕಾರಣ!

ಚಿತ್ರದ ನಿರ್ದೇಶಕ ಸುಕುಮಾರ್‌ ಪುಷ್ಪ ಭಾಗ ಒಂದಕ್ಕಾಗಿ ಹೆಚ್ಚುವರಿ ದೃಶ್ಯಗಳನ್ನು ಚಿತ್ರೀಕರಣ ಮಾಡಿದ್ದಾರೆ. ಅದೇ ದೃಶ್ಯಗಳನ್ನು ಭಾಗ ಎರಡಕ್ಕೆ ಬಳಸಿಕೊಳ್ಳುತ್ತಾರೆ ಎನ್ನಲಾಗಿತ್ತು. ಆದರೆ ಈಗ ಸಂಪೂರ್ಣ ಚಿತ್ರವನ್ನು ಮತ್ತೆ ಶೂಟ್ ಮಾಡಲು ಸುಕುಮಾರ್‌ ನಿರ್ಧರಿಸಿದ್ದಾರಂತೆ. ಪುಷ್ಪ ಮೊದಲ ಭಾಗ ಅದ್ದೂರಿ ಯಶಸ್ಸು ಕಂಡ ಬೆನ್ನಲ್ಲೇ ಭಾಗ ಎರಡನ್ನು ವಿಭಿನ್ನವಾಗಿ ಮಾಡಲು ಕಥೆಯಲ್ಲಿ ಬದಲಾವಣೆ ಮಾಡಿಕೊಂಡಿದ್ದಾರಂತೆ.

2022 ಡಿಸೆಂಬರ್‌ನಲ್ಲಿ ಪುಷ್ಪ2 ರಿಲೀಸ್!

ಪುಷ್ಪ ಭಾಗ ಒಂದು ಚಿತ್ರ 2021ರ ಡಿಸೆಂಬರ್‌ನಲ್ಲಿ ತೆರೆಗೆ ಬಂತು. ಇನ್ನು ಪುಷ್ಪ 2 ರಿಲೀಸ್ ಯಾವಾಗ ಎನ್ನುವ ಬಗ್ಗೆ ಕುತೂಹಲಗಳು ಮೂಡಿವೆ. ಈ ಚಿತ್ರ ಇದೇ ವರ್ಷ ಅಂದರೆ 2022ರ ಡಿಸೆಂಬರ್‌ನಲ್ಲಿ ತೆರೆಗೆ ಬರಲಿದೆ ಎನ್ನಲಾಗುತ್ತಿದೆ. ಆದರೆ ಚಿತ್ರೀಕರಣ ಮುಗಿದ ಬಳಿಕವೇ ಚಿತ್ರದ ರಿಲೀಸ್‌ ಯಾವಾಗ ಎನ್ನುವ ಬಗ್ಗೆ ಅಂದಾಜು ಸಿಗಲಿದೆ.