ತೆಲುಗಿನ ಸ್ಟಾರ್ ನಟನಾದರೂ ಮಹೇಶ್ ಬಾಬುಗೆ ತೆಲುಗು ಓದಲು, ಬರೆಯಲು ಬರಲ್ಲ

ಸ್ಟಾರ್ ಕಿಡ್ ಮಹೇಶ್ ಬಾಬು

ಮಹೇಶ್ ಬಾಬು ತಂದೆ ಕೃಷ್ಣ ತೆಲುಗಿನ ಜನಪ್ರಿಯ ನಟ ಮತ್ತು ನಿರ್ಮಾಪಕ. 350ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಕೃಷ್ಣ ನಟಿಸಿದ್ದಾರೆ. ಸಹೋದರು ರಮೇಶ್ ಬಾಬು ಕೂಡ ನಟ ಮತ್ತು ನಿರ್ಮಾಪಕ. ಸಿನಿಮಾ ಹಿನ್ನಲೆಯಿಂದ ಬಂದ ಮಹೇಶ್ ಬಾಬುಗೆ ಸಿನಿಮಾ ಎಂಟ್ರಿ, ನಟನೆ ಕಷ್ಟ ಎನಿಸಿದ್ದಿಲ್ಲ.

ತಮಿಳು ನಟರಾದ ಕಾರ್ತಿ ಮತ್ತು ವಿಜಯ್ ಬಾಲ್ಯದ ಸ್ನೇಹಿತರು

ಮಹೇಶ್ ಬಾಬು ಜನಿಸಿದ್ದು ತಮಿಳುನಾಡಿನ ಚೆನ್ನೈನಲ್ಲಿ. ಮಹೇಶ್ ಬಾಬು ತನ್ನ ಬಾಲ್ಯವನ್ನು ಕಳೆದಿದ್ದು ಮದ್ರಾಸ್‌ನಲ್ಲಿ. ವಿದ್ಯಾಭ್ಯಾಸ ಕೂಡ ಮದ್ರಾಸ್‌ನಲ್ಲೇ ಮುಗಿಸಿದ್ದರು. ವಿಶೇಷ ಎಂದರೆ ತಮಿಳಿನ ಸ್ಟಾರ್ ನಟ ಕಾರ್ತಿ ಮತ್ತು ಮಹೇಶ್ ಬಾಬು ಇಬ್ಬರು ಒಂದೇ ಶಾಲೆಯಲ್ಲಿ ಓದಿದ್ದು. ಇನ್ನು ದಳಪತಿ ವಿಜಯ್ ಕೂಡ ಮಹೇಶ್ ಬಾಬು ಅವರ ಆಪ್ತ ಗೆಳೆಯ. ಇಬ್ಬರೂ ಒಂದೇ ಕಾಲೇಜಿನಲ್ಲಿ ಓದಿದ್ದು. ಚಿತ್ರರಂಗಕ್ಕೆ ಎಂಟ್ರಿ ಕೊಡುವ ಮೊದಲು ಇಬ್ಬರು ಉತ್ತಮ ಸ್ನೇಹಿತರು ಮತ್ತು ಒಟ್ಟಿಗೆ ಆಟಗಳನ್ನು ಆಡುತ್ತಿದ್ದರು.

ಹೆಚ್ಚು ಸಂಭಾವನೆ ಪಡೆಯುವ ನಟರಲ್ಲಿ ಒಬ್ಬರು

ಭಾರತೀಯ ಸಿನಿಮಾರಂಗದಲ್ಲಿ ಅತೀ ಹೆಚ್ಚು ಸಂಭಾವನೆ ಪಡೆಯುವ ಕೆಲವೇ ಕೆಲವು ನಟರಲ್ಲಿ ಮಹೇಶ್ ಬಾಬು ಕೂಡ ಒಬ್ಬರು. ಮತ್ತು ರಾಷ್ಟ್ರೀಯ ಬ್ರ್ಯಾಂಡ್ ಅನ್ನು ಅನುಮೋದಿಸುವ ದಕ್ಷಿಣ ಕೆಲವೇ ನಟರಲ್ಲಿ ಮಹೇಶ್ ಬಾಬು ಕೂಡ ಒಬ್ಬರು. ಇನ್ನು ಮಹೇಶ್ ಬಾಬು ನಟನೆಯ ಹೆಚ್ಚು ಸಿನಿಮಾಗಳು 18 ಸಿನಿಮಾಗಳು ಹಿಂದೆಗೆ ಡಬ್ ಆಗಿ ಬಿಡುಗಡೆಯಾಗಿದೆ.

ತೆಲುಗು ಓದಲು, ಬರೆಯಲು ಕಲಿಯಲಿಲ್ಲ ಮಹೇಶ್ ಬಾಬು

ಮಹೇಶ್ ಬಾಬು ಈ ಹಿಂದೆ ನೀಡಿದ ಸಂದರ್ಶನದಲ್ಲಿ ತೆಲುಗು ಓದಲು ಮತ್ತು ಬರೆಯಲು ಬರಲ್ಲ ಎನ್ನುವ ವಿಚಾರವನ್ನು ಬಹಿರಂಗ ಪಡಿಸಿದ್ದರು. "ಚೆನ್ನೈನಲ್ಲಿ ಹುಟ್ಟಿ ಬೆಳೆದ ನಾನು ತೆಲುಗು ಓದಲು ಮತ್ತು ಬರೆಯಲು ಕಲಿಯಲಿಲ್ಲ" ಎಂದಿದ್ದರು. ಆದರೆ ತೆಲುಗು ನಿರರ್ಗಳವಾಗಿ ಮಾತನಾಡುತ್ತಾರೆ, ಸಿನಿಮಾ ಡೈಲಾಗ್‌ಗಳನ್ನು ಹೇಳುತ್ತಾರೆ.

Recommended Video

ಬ್ರಾಹ್ಮಣರನ್ನು ಅಪಮಾನಿಸಿದ್ದಕ್ಕೆ ಚೇತನ್ ವಿರುದ್ಧ FIR ದಾಖಲಿಸಿದ ಪೊಲೀಸ್ | Filmibeat Kannada

ಸರ್ಕಾರು ವಾರಿ ಪಾಟ ಸಿನಿಮಾದಲ್ಲಿ ಬ್ಯುಸಿ

ಮಹೇಶ್ ಬಾಬು ಕೊನೆಯದಾಗಿ ಸರಿಲೇರು ನೀಕೆವ್ವರು ಸಿನಿಮಾದಲ್ಲಿ ನಟಿಸಿದ್ದರು. ಆರ್ಮಿ ಅಧಿಕಾರಿ ಪಾತ್ರದಲ್ಲಿ ಮಹೇಶ್ ಬಾಬು ಮಿಂಚಿದ್ದರು. ಈ ಸಿನಿಮಾ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿದ್ದು ಬಾಕ್ಸ್ ಆಫೀಸ್ ನಲ್ಲಿ 260 ಕೋಟಿ ರೂ. ಗಳಿಕೆ ಮಾಡಿದೆ ಎನ್ನುವ ಸುದ್ದಿ ಇದೆ. ಸದ್ಯ ಸರ್ಕಾರು ವಾರಿ ಪಾಟ ಸಿನಿಮಾದಲ್ಲಿ ಮಹೇಶ್ ಬಾಬು ಬ್ಯುಸಿಯಾಗಿದ್ದಾರೆ.