ಈ ಚಿತ್ರಕ್ಕೆ ಹೆದರಿ ಪೋಸ್ಟ್‌ಪೋನ್ ಆಯ್ತಾ ಸಮಂತಾ 'ಶಾಕುಂತಲಂ'? ಈಗ ಬಂದ್ರೂ ಸಮಸ್ಯೆ, ಆಗ ಬಂದ್ರೂ ಸಮಸ್ಯೆನೇ!

ಹೊಸ ಬಿಡುಗಡೆ ದಿನಾಂಕಗಳಿವು, ಆ ದಿನಗಳೂ ಇರಲಿದೆ ಪೈಪೋಟಿ

ಇನ್ನು ಚಿತ್ರತಂಡ ಶಾಕುಂತಲಂ ಚಿತ್ರದ ನೂತನ ಬಿಡುಗಡೆ ದಿನಾಂಕವನ್ನು ಬಹಿರಂಗಪಡಿಸುತ್ತಿಲ್ಲವಾದರೂ ತೆಲುಗು ಮಾಧ್ಯಮಗಳು ಈ ಚಿತ್ರ ಏಪ್ರಿಲ್ 7 ಅಥವಾ 14ರಂದು ತೆರೆಗೆ ಬರಬಹುದು ಎಂಬ ಮಾಹಿತಿಯನ್ನು ಹಂಚಿಕೊಂಡಿವೆ. ಇನ್ನು ಏಪ್ರಿಲ್ 7ರಂದು ರವಿತೇಜಾ ನಟನೆಯ ರಾವಾಣಸುರ ಹಾಗೂ ಏಪ್ರಿಲ್ 14ರಂದು ಉಗ್ರಂ ಚಿತ್ರಗಳು ಬಿಡುಗಡೆಯಾಗಲಿದ್ದು, ಆ ದಿನಗಳಂದು ಶಾಕುಂತಲಂ ಬಿಡುಗಡೆಯಾದರೆ ದೊಡ್ಡ ಪೈಪೋಟಿಯನ್ನು ಎದುರಿಸಲೇಬೇಕಾಗುತ್ತದೆ.

ಪಠಾಣ್‌ಗೆ ಹೆದರಿ ಮುಂದಕ್ಕೆ ಹೋಯ್ತಾ ಶಾಕುಂತಲಂ?

ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಶಾಕುಂತಲಂ ಪೋಸ್ಟ್‌ಪೋನ್ ಆಗಲು ಕಾರಣವೇನು ಎಂಬ ಚರ್ಚೆ ದೊಡ್ಡ ಮಟ್ಟದಲ್ಲಿ ಜರುಗುತ್ತಿದ್ದು, ಶಾರುಖ್ ಖಾನ್ ನಟನೆಯ ಪಠಾಣ್ ಚಿತ್ರ ಕೂಡ ಚಿತ್ರ ಮುಂದಕ್ಕೆ ಹೋಗಲು ಒಂದು ಕಾರಣ ಎಂದು ಹೇಳಲಾಗ್ತಿದೆ. ಹೌದು, ಪಠಾಣ್ ದೇಶದಾದ್ಯಂತ ಒಳ್ಳೆಯ ಪ್ರದರ್ಶನವನ್ನು ಕಾಣುತ್ತಿದ್ದು, ತೆಲುಗು ರಾಜ್ಯಗಳಲ್ಲಿಯೂ ಬಿಗಿಹಿಡಿತವನ್ನು ಹೊಂದಿದೆ. ಹೀಗಾಗಿ ಈ ಸಮಯದಲ್ಲಿ ಶಾಕುಂತಲಂ ತೆರೆಗೆ ಬಂದರೆ ಚಿತ್ರಮಂದಿರಗಳನ್ನು ಎದುರಿಸಬೇಕಾಗುತ್ತದೆ, ಅದರಲ್ಲೂ ಮಲ್ಟಿಪ್ಲೆಕ್ಸ್ ಶೋಗಳು ನಿರೀಕ್ಷಿಸಿದ ಮಟ್ಟದಲ್ಲಿ ಸಿಗುವುದಿಲ್ಲ ಎಂಬ ಕಾರಣದಿಂದಾಗಿ ಚಿತ್ರವನ್ನು ಪೋಸ್ಟ್‌ಪೋನ್ ಮಾಡಲಾಗಿದೆ ಎನ್ನಲಾಗುತ್ತಿದೆ.

ಶಾಕುಂತಲಂ ಮಾತ್ರವಲ್ಲ ಧಮ್ಕಿ ಕೂಡ ಪೋಸ್ಟ್‌ಪೋನ್!

ಇನ್ನು ಶಾಕುಂತಲಂ ಮಾತ್ರವಲ್ಲದೇ ಫೆಬ್ರವರಿ 17ರಂದು ವಿಶ್ವಕ್ ಸೇನ್ ನಿರ್ದೇಶನದ ಹಾಗೂ ನಟನೆಯ ಧಮ್ಕಿ ಚಿತ್ರ ಕೂಡ ಬಿಡುಗಡೆಯಾಗುವುದಾಗಿ ಘೋಷಿಸಲ್ಪಟ್ಟಿತ್ತು. ಆದರೆ ಈ ಚಿತ್ರವೂ ಸಹ ಕಂಪ್ಯೂಟರ್ ಗ್ರಾಫಿಕ್ಸ್ ಕೆಲಸಗಳು ಮುಗಿಯದ ಕಾರಣ ಪೋಸ್ಟ್‌ಪೋನ್ ಆಗಿದೆ ಎಂದು ತಿಳಿಸಲಾಗಿದ್ದು, ಈ ಚಿತ್ರವೂ ಸಹ ಬೇಸಿಗೆ ಸಮಯಕ್ಕೆ ತೆರೆಗೆ ಬರುವ ಸಾಧ್ಯತೆಗಳಿವೆ. ಈ ಚಿತ್ರ ಮುಂದೂದಲ್ಪಟ್ಟ ಸುದ್ದಿಯ ಬಗ್ಗೆ ಕೂಡ ಪ್ರತಿಕ್ರಿಯಿಸಿದ್ದ ಸಿನಿ ರಸಿಕರು ಇದೆಲ್ಲಾ ಪಠಾಣ್ ಎಫೆಕ್ಟ್ ಎಂದಿದ್ದರು.