Don't Miss!
- Lifestyle 2024: ಮದುವೆ, ಗಾಡಿ ಖರೀದಿ, ಗೃಹ ಪ್ರವೇಶ ಹೀಗೆ ಶುಭ ಕಾರ್ಯಕ್ಕೆ ಏಪ್ರಿಲ್ನಲ್ಲಿರುವ ಶುಭ ದಿನಾಂಕಗಳಿವು
- Finance 2023 ಡಿಸೆಂಬರ್ ವೇಳೆಗೆ 160 ಲಕ್ಷ ಕೋಟಿ ರೂ. ದಾಟಿದ ಸರ್ಕಾರದ ಸಾಲ!
- Automobiles Vande Bharat: ವಂದೇ ಭಾರತ್ ಸ್ಲೀಪರ್ ವಿಶೇಷತೆಗಳು: ಇಂಟೀರಿಯರ್ಗೆ ಫಿದಾ ಆಗ್ತೀರ!
- News Karnataka Lok Sabha: 28 ಕ್ಷೇತ್ರಗಳ ಜಾತಿವಾರು ಅಭ್ಯರ್ಥಿಗಳು ಯಾರು? ಮಾಹಿತಿ ಇಲ್ಲಿದೆ
- Sports IPL 2024: ವಿರಾಟ್ ಕೊಹ್ಲಿ ಕೆಕೆಆರ್ ಡಗೌಟ್ ನೋಡಿದ್ರೆ ಉರಿದು ಬೀಳ್ತಾರೆ; ಆರ್ಸಿಬಿ ಮಾಜಿ ಕ್ರಿಕೆಟಿಗ
- Technology iPhone: ಆಪಲ್ ಅಂತಿಮವಾಗಿ ಐಫೋನ್ 12 ಬಳಕೆದಾರರಿಗೆ ಗುಡ್ ನ್ಯೂಸ್ ನೀಡಿಯೇ ಬಿಟ್ಟಿತು! ಏನದು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಒತ್ತಡದ ನಡುವೆಯೂ RRR ಚಿತ್ರೀಕರಣದಿಂದ ಬಿಡುವು ಪಡೆದ ಜೂ.ಎನ್ಟಿಆರ್
ಬಹುನಿರೀಕ್ಷಿತ ಸಿನಿಮಾ ಆರ್ಆರ್ಆರ್ ಚಿತ್ರೀಕರಣ ಭರದಿಂದ ಸಾಗಿದೆ. ಕೊರೊನಾ ಲಾಕ್ಡೌನ್ ಕಾರಣದಿಂದ ಸಿನಿಮಾ ಈಗಾಗಲೇ ತಡವಾಗಿದೆ. ನಟ-ನಟಿಯರ ಡೇಟ್ಸ್ಗಳು ವ್ಯತ್ಯಾಸವಾಗಿವೆ. ಹಾಗಾಗಿ ಶೀಘ್ರವಾಗಿ ಚಿತ್ರೀಕರಣ ಮುಗಿಸುವ ಧಾವಂತದಲ್ಲಿದೆ ಚಿತ್ರತಂಡ.
ಸುಮಾರು ಒಂದು ತಿಂಗಳಿಂದಲೂ ಆರ್ಆರ್ಆರ್ ಚಿತ್ರೀಕರಣ ಭರದಿಂದ ಸಾಗಿದೆ. ನಟರಾದ ಜೂ.ಎನ್ಟಿಆರ್, ರಾಮ್ಚರಣ್ ತೇಜಾ ಇನ್ನೂ ಹಲವರು ಚಿತ್ರೀಕರಣದಲ್ಲಿ ಭಾಗವಹಿಸಿದ್ದಾರೆ. ರಾತ್ರಿ-ಹಗಲೆನ್ನದೆ ಚಿತ್ರೀಕರಣ ಸಾಗುತ್ತಿದೆ.
ಇಷ್ಟೊಂದು ಒತ್ತಡದ ನಡುವೆ ಚಿತ್ರೀಕರಣ ನಡೆಯುತ್ತಿರುವ ಸಂದರ್ಭದಲ್ಲಿಯೇ ನಟ ಎನ್ಟಿಆರ್ ಹಠಾತ್ತನೆ ಚಿತ್ರೀಕರಣದಿಂದ ಬ್ರೇಕ್ ತೆಗೆದುಕೊಂಡಿದ್ದಾರೆ. ಹೌದು, ಚಿತ್ರೀಕರಣದಿಂದ ಬ್ರೇಕ್ ತೆಗೆದುಕೊಂಡಿರುವ ಜೂ.ಎನ್ಟಿಆರ್ ವಾರದ ಬಳಿಕ ಮತ್ತೆ ಚಿತ್ರೀಕರಣಕ್ಕೆ ಬರಲಿದ್ದಾರೆ.
ಕುಟುಂಬದ ಕಾರಣಕ್ಕೆ ಚಿತ್ರೀಕರಣದಿಂದ ಬ್ರೇಕ್
ಜೂ.ಎನ್ಟಿಆರ್ ಬ್ರೇಕ್ ತೆಗೆದುಕೊಂಡಿರುವುದು ಕುಟುಂಬದ ಕಾರಣಕ್ಕೆ. ಕೊರೊನಾ ಸಮಯದಲ್ಲಿ ಮನೆ ಬಿಟ್ಟು ಹೊರಗೆ ಹೋಗದೇ ಇದ್ದ ಕುಟುಂಬವನ್ನು ಜಾಲಿ ಪ್ರವಾಸಕ್ಕೆ ಕರೆದುಕೊಂಡು ಹೋಗುತ್ತಿದ್ದಾರೆ ಜೂ.ಎನ್ಟಿಆರ್ ಹಾಗಾಗಿ ಚಿತ್ರೀಕರಣದಿಂದ ಬಿಡುವು ಪಡೆದುಕೊಂಡಿದ್ದಾರೆ.
ಮಕ್ಕಳು ಪತ್ನಿಯೊಂದಿಗೆ ದುಬೈಗೆ ಜೂ.ಎನ್ಟಿಆರ್
ಮಕ್ಕಳಾದ ಭಾರ್ಗವ್ ರಾಮ್, ಅಭಯ್ ರಾಮ್ ಹಾಗೂ ಪತ್ನಿ ಲಕ್ಷ್ಮಿಯನ್ನು ದುಬೈ ಗೆ ಪ್ರವಾಸಕ್ಕೆ ಕರೆದುಕೊಂಡು ಹೋಗುತ್ತಿದ್ದಾರೆ. ನವೆಂಬರ್ 22 ಕ್ಕೆ ಮತ್ತೆ ಚಿತ್ರೀಕರಣಕ್ಕೆ ಹಾಜರಾಗಲಿದ್ದಾರೆ ನಟ ಜೂ.ಎನ್ಟಿಆರ್. ನಂತರ ಅವರ ಭಾಗದ ಚಿತ್ರೀಕರಣ ಮುಂದುವರೆಯಲಿದೆ.
ಸ್ಟಾರ್ಗಳ ನೆಚ್ಚಿನ ತಾಣವಾಗಿದೆ ದುಬೈ
ದುಬೈ ಹಲವು ಸ್ಟಾರ್ಗಳ ನೆಚ್ಚಿನ ಪ್ರವಾಸಿ ಸ್ಥಳವಾಗಿದೆ. ಸಂಜಯ್ ದತ್, ಮೋಹನ್ಲಾಲ್, ಶಾರುಖ್ ಖಾನ್, ಮಹೇಶ್ ಬಾಬು ಹಾಗೂ ಕುಟುಂಬ ಸಹ ದುಬೈಗೆ ತೆರಳಿದ್ದರು. ಈಗ ಜೂ.ಎನ್ಟಿಆರ್ ಸಹ ದುಬೈ ಗೆ ತೆರಳುತ್ತಿದ್ದಾರೆ.
ಭರದಿಂದ ಸಾಗುತ್ತಿದೆ ಚಿತ್ರೀಕರಣ
ಆರ್ಆರ್ಆರ್ ಸಿನಿಮಾದ ಚಿತ್ರೀಕರಣ ಭರದಿಂದ ಸಾಗಿದೆ. ಜೂ.ಎನ್ಟಿಆರ್ ರಾತ್ರಿ ಸಮಯ ಕೊರೆಯುವ ಚಳಿಯಲ್ಲಿ ಚಿತ್ರೀಕರಣದಲ್ಲಿ ಭಾಗವಹಿಸಿರುವ ವಿಡಿಯೋ ಇತ್ತೀಚೆಗಷ್ಟೆ ವೈರಲ್ ಆಗಿತ್ತು. ಆರ್ಆರ್ಆರ್ ಸಿನಿಮಾದಲ್ಲಿ ರಾಮ್ ಚರಣ್ ತೇಜಾ, ಆಲಿಯಾ ಭಟ್, ಒಲಿವಿಯಾ ಮೋರಿಸ್, ಅಜಯ್ ದೇವಗನ್ ಸಹ ನಟಿಸುತ್ತಿದ್ದಾರೆ.