ನಿರ್ದೇಶಕ ವೆಟ್ರಿಮಾರನ್ ಹಿಂದೆ ಬಿದ್ದ ಜೂ.ಎನ್‌ಟಿಆರ್, ಕಥೆ ಮಸ್ತಾಗಿದೆಯಂತೆ!

ಜೂ.ಎನ್‌ಟಿಆರ್‌ಗೆ ವೆಟ್ರಿಮಾರನ್ ನಿರ್ದೇಶನ!

ತಮಿಳಿನ ಸ್ಟಾರ್ ನಿರ್ದೇಶಕ ವೆಟ್ರಿಮಾರನ್ ಜೂನಿಯರ್ ಎನ್‌ಟಿಆರ್‌ಗೆ ಸಿನಿಮಾ ಮಾಡಲಿದ್ದಾರೆ ಎನ್ನುವ ಸುದ್ದಿ ಹಬ್ಬಿದೆ. ಹೌದು ವೆಟ್ರಿಮಾರನ್ ಮತ್ತು ಜೂನಿಯರ್ ಎನ್‌ಟಿಆರ್ ಕಾಂಬಿನೇಶನ್‌ನಲ್ಲಿ ಪ್ಯಾನ್ ಇಂಡಿಯಾ ಸಿನಿಮಾ ಬರಲಿದೆ. ಈ ಚಿತ್ರಕ್ಕಾಗಿ ಈಗಾಗಲೇ ವೆಟ್ರಿಮಾರನ್ ಅದ್ಭುತವಾದ ಕಥೆಯನ್ನು ಮಾಡಿಕೊಂಡಿದ್ದಾರಂತೆ, ಈ ಕಥೆ ಜೂನಿಯರ್ ಎನ್‌ಟಿಆರ್‌ಗೂ ಬಹಳ ಇಷ್ಟವಾಗಿದೆಯಂತೆ.

ವೆಟ್ರಿಮಾರನ್, ಜೂ.ಎನ್‌ಟಿಆರ್ ಕಾಂಬಿನೇಷನ್!

ವೆಟ್ರಿಮಾರನ್ ಭಾರತೀಯ ಸಿನಿಮಾರಂಗದ ಉತ್ತಮ ನಿರ್ದೇಶಕರಲ್ಲಿ ಒಬ್ಬರು. ವೆಟ್ರಿಮಾರನ್ ಸಿನಿಮಾಗಳು ಎಂದರೆ ಬೇರೆ ಚಿತ್ರಗಳಿಂದ ಸದಾ ಭಿನ್ನವಾಗಿಯೇ ಇರುತ್ತವೆ. 'ಆಡುಕಳಂ', 'ವಿಸಾರಣೈ', 'ಕಾಕ ಮೊಟ್ಟ', 'ಅಸುರನ್' ಅಂತಹ ಅದ್ಭುತ ಸಿನಿಮಾಗಳನ್ನು ಮಾಡಿದ್ದಾರೆ. ಇನ್ನು ಜೂನಿಯರ್ ಎನ್‌ಟಿಆರ್ ಕೂಡ ಅದ್ಬುತ ಕಲಾವಿದ. ಹಾಗಾಗಿ ಇವರ ಕಾಂಬಿನೇಷನ್‌ನಲ್ಲಿ ಸಿನಿಮಾ ಬಂದರೆ ಮತ್ತಷ್ಟು ಇತಿಹಾಸಗಳನ್ನು ಸೃಷ್ಟಿಸುವ ನಿರೀಕ್ಷೆ ಇದೆ.

ಪ್ರಶಾಂತ್ ನೀಲ್ ಜೊತೆ ಜೂ.ಎನ್‌ಟಿಆರ್!

ಜೂ.ಎನ್‌ಟಿಆರ್ ಸದ್ಯ ಯಾವುದೋ ಒಂದು ರೀತಿಯ ಹೀರೋಯಿಸಂ ತೋರಿಸುವ ಸಿನಿಮಾಗಳಗೆ ಮಾತ್ರ ಸೀಮಿತ ಆಗದೆ, ಈಗೀಗ ಹೊಸ ಪ್ರಯೋಗಗಳತ್ತ ಮುಖ ಮಾಡಿದ್ದಾರೆ. ಹಾಗಾಗಿ ಭಿನ್ನ ಕಥೆಗಳನ್ನ ಹುಡುಕುತ್ತಿದ್ದಾರೆ. ಹಾಗಾಗಿ ಕನ್ನಡದ ನಿರ್ದೇಶಕ ಪ್ರಶಾಂತ್ ನೀಲ್ ನಿರ್ದೇಶನದಲ್ಲೂ ಅಭಿನಯಿಸುತ್ತಿದ್ದಾರೆ. ಜೂ.ಎನ್‌ಟಿಆರ್! 31ನೇ ಚಿತ್ರವನ್ನು ಪ್ರಶಾಂತ್ ನೀಲ್ ನಿರ್ದೇಶನ ಮಾಡುತ್ತಿದ್ದು, ಫಸ್ಟ್ ಲುಕ್ ಕೂಡ ರಿವೀಲ್ ಆಗಿದೆ.

ಜೂ.ಎನ್‌ಟಿಆರ್ ಮುಂದಿನ ಚಿತ್ರದ ಗತಿ ಏನು?

ರಾಜಮೌಳಿ ನಿರ್ದೇಶನಲ್ಲಿ ಅಭಿನಯಿಸಿ ದೊಡ್ಡ ಯಶಸ್ಸು ಕಂಡ ನಟರುಗಳು, ಆ ಚಿತ್ರದ ನಂತ್ರ ಬರುವ ಚಿತ್ರಗಳಲ್ಲಿ ಸೋಲು ಕಾಣುವ ಆತಂಕ ಇದ್ದೇ ಇದೆ. ಇದಕ್ಕೆ ಹಲವು ನಟರ ಸೊಲಿನ ಉದಾಹಣೆಗಳು ಇವೆ. ಇತ್ತೀಚೆಗಷ್ಟೇ rrr ಬಳಿಕ ಬಂದ ರಾಮ್‌ಚರಣ್ ತೇಜ 'ಆಚಾರ್ಯ' ಸೋತು ಹೋಯ್ತು. ಹಾಗಾಗಿ ಸದ್ಯ ಜೂ.ಎನ್‌ಟಿಆರ್ ತ್ತು ಕೊರಟಾಲ ಶಿವ ಕಾಂಬಿನೇಶನ್‌ನ ಮುಂದಿನ ಸಿನಿಮಾ ಏನಾಗುತ್ತೆ ಎನ್ನುವ ಅತಂಕ ಮನೆ ಮಾಡಿದೆ.