Don't Miss!
- Lifestyle ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- Sports IPL 2024: ಕೆಕೆಆರ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಬಿಟ್ಟು ಆರ್ಸಿಬಿ ಆಟಗಾರರು ಮಾಡಿದ್ದೇನು?
- News ಅಮಿತ್ ಶಾ ಓರ್ವ ಗೂಂಡಾ, ರೌಡಿ.! ಯತೀಂದ್ರ ಸಿದ್ದರಾಮಯ್ಯ ತೀವ್ರ ವಾಗ್ದಾಳಿ
- Automobiles Hyundai Creta: ಜನಪ್ರಿಯ ಹ್ಯುಂಡೈ ಕ್ರೆಟಾ ಕಾರನ್ನು ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು? EMI ಏನು?
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Finance ನಿಮಗೆ ಗೊತ್ತಲ್ಲದೇ ನಿಮ್ಮ ಹೆಸರಲ್ಲಿ ಖಾತೆ ತೆರೆದಿರ್ತಾರೆ, ಪಿಂಚಣಿ ಯೋಜನೆ ಬಗ್ಗೆ ಹುಷಾರಾಗಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತೆಲುಗಿನಲ್ಲಿ ಮಿಂಚುತ್ತಿರುವ ಕನ್ನಡತಿ ಕೃತಿ ಶೆಟ್ಟಿ: ಮುಂದಿದೆ ಅವಕಾಶಗಳ ಮೂಟೆ
ಕರ್ನಾಟಕ ಮೂಲದ ನಟ-ನಟಿಯರು ಪರಭಾಷೆಯಲ್ಲಿ ಮಿಂಚುವುದು ಹೊಸದೇನಲ್ಲ. ಐಶ್ವರ್ಯಾ ರೈ, ದೀಪಿಕಾ ಪಡುಕೋಣೆ, ರಜನೀಕಾಂತ್, ರಶ್ಮಿಕಾ ಮಂದಣ್ಣ ಹೀಗೆ ಪಟ್ಟಿ ಉದ್ದವಾಗುತ್ತಾ ಸಾಗುತ್ತದೆ. ಈ ಪಟ್ಟಿಗೆ ಹೊಸ ಹೆಸರೊಂದು ಸೇರಿಕೊಂಡಿದೆ ಅದೇ ಕೃತಿ ಶೆಟ್ಟಿ.
ನಟಿ ಕೃತಿ ಶೆಟ್ಟಿ ಈ ವರೆಗೆ ಮಾಡಿರುವುದು ಕೇವಲ ಒಂದೇ ಸಿನಿಮಾ ಆದರೆ ಆಕೆಯ ಮುಂದೆ ಅವಕಾಶಗಳ ಮೂಟೆಯೇ ಬಂದು ಬಿದ್ದಿದೆ. ಮಂಗಳೂರಿನ ಈ ಕನ್ನಡ ಭಾಷಿಕ ಚೆಲುವೆ ಮಾಡಿದ ಒಂದೇ ಸಿನಿಮಾದಲ್ಲಿ ಮೋಡಿ ಮಾಡಿಬಿಟ್ಟಿದ್ದಾರೆ.
ಕೃತಿ ಶೆಟ್ಟಿ ತೆಲುಗಿನ 'ಉಪ್ಪೆನ' ಸಿನಿಮಾದಲ್ಲಿ ನಟಿಸಿದ್ದಾರೆ. ಈ ಸಿನಿಮಾ ಬಹು ದೊಡ್ಡ ಹಿಟ್ ಆಗಿ, ಹಲವು ದಾಖಲೆಗಳನ್ನು ಅಳಿಸಿ ಹೊಸ ದಾಖಲೆಯನ್ನು ಬರೆದಿದೆ. ಮಹೇಶ್ ಬಾಬು, ಚಿರಂಜೀವಿ ಅಂಥಹಾ ಸ್ಟಾರ್ ನಟರುಗಳು ಸಿನಿಮಾ ಬಗ್ಗೆ ಬಹು ಹೊಗಳಿಕೆಯ ಮಾತನ್ನಾಡಿದ್ದಾರೆ. ಚಿರಂಜೀವಿ ಅಂತೂ ಕೃತಿ ಶೆಟ್ಟಿಯನ್ನು ಬಹುವಾಗಿ ಹೊಗಳಿದ್ದಾರೆ.
ಮಂಗಳೂರಿನ ಚೆಲುವೆ ಕೃತಿ ಶೆಟ್ಟಿ
ನಟಿ ಕೃತಿ ಶೆಟ್ಟಿ ಮಂಗಳೂರಿನಲ್ಲಿ ಜನಿಸಿದರು ಬೆಳೆದಿದ್ದು ಮುಂಬೈ ನಲ್ಲಿ. ಹಲವು ಜಾಹೀರಾತುಗಳಲ್ಲಿ ನಟಿಸಿರುವ ಈ ನಟಿಗೆ 'ಉಪ್ಪೆನ' ಮೂಲಕ ಮೊದಲ ಬಾರಿಗೆ ಸಿನಿಮಾದಲ್ಲಿ ನಟಿಸುವ ಅವಕಾಶ ಒದಗಿಬಂತು. ಹೀಗೆ ಬಂದ ಅವಕಾಶವನ್ನು ಎರಡೂ ಕೈಯಲ್ಲಿ ಬಾಚಿಕೊಂಡ ಕೃತಿ, ತಮ್ಮ ಪ್ರತಿಭಾ ಪ್ರದರ್ಶನ ಮಾಡಿ ಎಲ್ಲರ ಗಮನ ಸೆಳೆದಿದ್ದಾರೆ.
ವೈಷ್ಣವ್ ತೇಜ್ಗೂ ಇದು ಮೊದಲ ಸಿನಿಮಾ
'ಉಪ್ಪೆನ' ಸಿನಿಮಾದಲ್ಲಿ ಮೆಗಾಸ್ಟಾರ್ ಕುಟುಂಬದ ಕುಡಿಯಾಗಿರುವ ವೈಷ್ಣವ್ ತೇಜ್ ಜೊತೆ ತೆರೆ ಹಂಚಿಕೊಂಡಿದ್ದಾರೆ ಕೃತಿ. ಸಿನಿಮಾವನ್ನು ನಿರ್ಮಾಣ ಮಾಡಿರುವುದು ಪ್ರತಿಷ್ಠಿತ ಮೈತ್ರೀ ಮೂವೀಸ್. ನಟ ವೈಷ್ಣವ್ ತೇಜ್ ಗೂ ಸಹ ಇದು ಮೊದಲ ಸಿನಿಮಾ.
ಕೃತಿ ಶೆಟ್ಟಿಗೆ ಇನ್ನೂ 17 ವರ್ಷ ವಯಸ್ಸು
ಕೇವಲ 17 ವರ್ಷ ವಯಸ್ಸಿನ ಕೃತಿ ಶೆಟ್ಟಿಗೆ ಈಗ ಅವಕಾಶಗಳ ಮೇಲೆ ಅವಕಾಶಗಳು ಅರಸಿ ಬರುತ್ತಿವೆ. ಇದೀಗ ಶ್ಯಾಮ್ ಸಿಂಗ್ ರಾಯ್ ಸಿನಿಮಾದಲ್ಲಿ ಪಾತ್ರವೊಂದನ್ನು ಮಾಡುತ್ತಿದ್ದಾರೆ ಕೃತಿ. ಇದಾದ ಬಳಿಕ ಸುಧೀರ್ ಬಾಬು ನಾಯಕರಾಗಿರುವ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಒಮ್ಮೆಲೆ ಸಂಭಾವನೆ ಏರಿಸಿಕೊಂಡಿರುವ ಕೃತಿ ಈಗ ಸಿನಿಮಾವೊಂದಕ್ಕೆ 85 ಲಕ್ಷ ಡಿಮಾಂಡ್ ಮಾಡುತ್ತಿದ್ದಾರಂತೆ.
Recommended Video
ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆ ಆಗುತ್ತಿದೆ 'ಉಪ್ಪೆನ'
'ಉಪ್ಪೆನ' ಸಿನಿಮಾ ಒಂದು ಸುಂದರ ಪ್ರೇಮಕತೆಯಾಗಿದ್ದು. ನಾಯಕ, ನಾಯಕಿ ಹಾಗೂ ನಿರ್ದೇಶಕ ಮೂವರಿಗೂ ಉಪ್ಪೆನ ಮೊದಲ ಸಿನಿಮಾ. ಸಿನಿಮಾವು ಏಪ್ರಿಲ್ ತಿಂಗಳಿನಲ್ಲಿ ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆ ಆಗಲಿದೆ. ಚಿತ್ರಮಂದಿರಗಳಲ್ಲಿ ಕೆಲವು ದಿನಗಳ ಹಿಂದೆ ಬಿಡುಗಡೆ ಆಗಿರುವ ಈ ಸಿನಿಮಾ ಸೂಪರ್ ಹಿಟ್ ಎನಿಸಿಕೊಂಡಿದೆ.