ಕಾರ್ತಿಕೇಯ 2 ಅಬ್ಬರಕ್ಕೆ ರಜಿನಿ, ಪ್ರಭಾಸ್ ಸಿನಿಮಾ ಕಲೆಕ್ಷನ್ ದಾಖಲೆಗಳೇ ಉಡೀಸ್!

ಕಬಾಲಿ, ರಾಧೆ ಶ್ಯಾಮ್ ಹಿಂದಿಕ್ಕಿದ ಕಾರ್ತಿಕೇಯ 2

ಇದೇ ವರ್ಷ ಬಿಡುಗಡೆಯಾಗಿದ್ದ ಪ್ರಭಾಸ್ ಮತ್ತು ಪೂಜಾ ಹೆಗ್ಡೆ ಅಭಿನಯದ ರಾಧೆ ಶ್ಯಾಮ್ ಹಿಂದಿ ಡಬ್ಬಿಂಗ್ 19.30 ಕಲೆಕ್ಷನ್ ಮಾಡಿತ್ತು, 2010ರಲ್ಲಿ ತೆರೆಕಂಡಿಂದ್ದ ರೊಬೊಟ್ ( ಎಂದಿರನ್ ಹಿಂದಿ ಡಬ್ಬಿಂಗ್) 23.84 ಕೋಟಿ ಕಲೆಕ್ಷನ್ ಮಾಡಿತ್ತು, ಇದೇ ವರ್ಷ ತೆರೆಕಂಡಿದ್ದ ಮಾಧವನ್ ಅಭಿನಯದ ರಾಕೆಟ್ರಿ ದ ನಂಬಿ ಎಫೆಕ್ಟ್ ಹಿಂದಿ ಡಬ್ಬಿಂಗ್ 26.05 ಕೋಟಿ ಗಳಿಸಿತ್ತು, 2016ರಲ್ಲಿ ಬಿಡುಗಡೆಯಾಗಿದ್ದ ರಜಿನಿಕಾಂತ್ ಕಬಾಲಿ ಹಿಂದಿ ಡಬ್ಬಿಂಗ್ 28 ಕೋಟಿ ಕಲೆಕ್ಷನ್ ಮಾಡಿತ್ತು ಹಾಗೂ ಇದೇ ವರ್ಷ ಬಿಡುಗಡೆಗೊಂಡು ಸೂಪರ್ ಹಿಟ್ ಆಗಿರುವ ಕಾರ್ತಿಕೇಯ 2 ಹಿಂದಿ ಡಬ್ಬಿಂಗ್ 28.5 ಕೋಟಿ ಕಲೆಕ್ಷನ್ ಮಾಡಿದೆ. ಈ ಮೂಲಕ ಕಾರ್ತಿಕೇಯ 2 ಹಿಂದಿ ಗಳಿಕೆ ರಜಿನಿಕಾಂತ್ ಅಭಿನಯದ ಕಬಾಲಿ ಹಾಗೂ ರೊಬೊಟ್ ಹಿಂದಿ ಕಲೆಕ್ಷನ್ ಅನ್ನು ಮತ್ತು ಪ್ರಭಾಸ್ ಅಭಿನಯದ ರಾಧೆ ಶ್ಯಾಮ್ ಹಿಂದಿ ಗಳಿಕೆಯನ್ನು ಹಿಂದಿಕ್ಕಿ ಹಿಂದಿಗೆ ಡಬ್ ಆಗಿ ಅತಿಹೆಚ್ಚು ಕಲೆಕ್ಷನ್ ಮಾಡಿದ ದಕ್ಷಿಣ ಭಾರತದ ಸಿನಿಮಾಗಳ ಪಟ್ಟಿಯಲ್ಲಿ ಒಂಬತ್ತನೇ ಸ್ಥಾನದಲ್ಲಿದೆ.

ಹಿಂದಿಗೆ ಡಬ್ ಆಗಿ ಅತಿಹೆಚ್ಚು ಗಳಿಸಿದ ಸೌತ್ ಮೂವೀಸ್ ಟಾಪ್ 10 ಪಟ್ಟಿ

1 ಬಾಹುಬಲಿ 2 - 2017 - 510.99
2 ಕೆಜಿಎಫ್ - ಚಾಪ್ಟರ್ 2 2022 - 434.70
3 RRR - 2022 - 274.31
4 2.0 - 2018 - 189.55
5 ಸಾಹೋ - 2019 - 142.95
6 ಬಾಹುಬಲಿ - ದಿ ಬಿಗಿನಿಂಗ್ - 2015 - 118.7
7 ಪುಷ್ಪ: ದಿ ರೈಸ್ - ಭಾಗ 1 - 2021 - 108.26
8 ಕೆಜಿಎಫ್ - ಚಾಪ್ಟರ್ 1 - 2018 - 44.09
9 ಕಾರ್ತಿಕೇಯ 2 - 2022 - 28.50
10 ಕಬಾಲಿ - 2016 - 28

ಇಷ್ಟು ದೊಡ್ಡ ಮಟ್ಟದ ಕಲೆಕ್ಷನ್‌ಗೆ ಕಾರಣ?

ಕಾರ್ತಿಕೇಯ 2 ಹಿಂದಿಯಲ್ಲಿ ಈ ಮಟ್ಟಕ್ಕೆ ಸದ್ದು ಮಾಡುತ್ತಿದೆ ಆದರೆ, ಇದಕ್ಕೂ ಮುನ್ನ ಬಂದಿದ್ದ ಕಾರ್ತಿಕೇಯ ಸಿನಿಮಾ ಹಿಂದಿ ಡಬ್ ಆಗಿ ಚಿತ್ರಮಂದಿರದಲ್ಲಿ ಬಿಡುಗಡೆಯಾಗಿಯೇ ಇರಲಿಲ್ಲ. ಹೀಗೆ ಈ ಬಾರಿ ಮಾತ್ರ ಹಿಂದಿಯಲ್ಲಿ ಡಬ್ ಆದ ಚಿತ್ರ ಇಷ್ಟು ದೊಡ್ಡ ಯಶಸ್ಸು ಸಾಧಿಸಲು ಕಾರಣ ಬಾಲಿವುಡ್ ಸಿನಿಪ್ರೇಕ್ಷಕರಿಗೆ ಹಿಡಿಸುವಂತ ಕತೆ ಚಿತ್ರದಲ್ಲಿದ್ದದ್ದು. ಹಿಂದೂ ಪುರಾಣ ಹಾಗೂ ಕೃಷ್ಣನ ಸುತ್ತ ಚಿತ್ರದ ಕತೆ ಸಾಗುವ ಕಾರಣದಿಂದಾಗಿ ಅಲ್ಲಿನ ಜನ ಚಿತ್ರವನ್ನು ಮೆಚ್ಚಿಕೊಂಡರು. ಅದರಲ್ಲಿಯೂ ಅವರದ್ದೇ ಸಿನಿಮಾಗಳನ್ನು ಬಾಯ್‌ಕಾಟ್ ಮಾಡಿ ಒಂದೊಳ್ಳೆ ಕಂಟೆಂಟ್ ಇರುವ ಸೌತ್ ಸಿನಿಮಾಗಳನ್ನು ಮೆಚ್ಚಿಕೊಳ್ಳುತ್ತಿರುವ ಬಾಲಿವುಡ್ ಸಿನಿರಸಿಕರು ಈ ಚಿತ್ರದ ಕಂಟೆಂಟ್‌ಗೆ ಮಾರಿಹೋದರು. ಮೊದಲ ದಿನ ಕೇವಲ 50 ಪ್ರದರ್ಶನಗಳನ್ನು ಕಂಡಿದ್ದ ಕಾರ್ತಿಕೇಯ 2 ಹಿಂದಿ ಮೊದಲ ವಾರಾಂತ್ಯಕ್ಕೆ ದಿನವೊಂದಕ್ಕೆ 1000 ಪ್ರದರ್ಶನಗಳನ್ನು ಕಂಡಿತ್ತು.