ಮಹೇಶ್ ಬಾಬು 'ಸರ್ಕಾರು ವಾರಿ ಪಾಟ' ಸಿನಿಮಾದ ಕೀರ್ತಿ ಸುರೇಶ್ ಪಾತ್ರ ರಿವೀಲ್

ಬ್ಯಾಂಕ್ ಉದ್ಯೋಗಿ ಪಾತ್ರದಲ್ಲಿ ಕೀರ್ತಿ

ಮಹೇಶ್ ಬಾಬು ಅಭಿನಯದ ಸರ್ಕಾರು ಪಾರಿ ಪಾಟ ಸಿನಿಮಾದಲ್ಲಿ ಕೀರ್ತಿ ಸುರೇಶ್ ಬ್ಯಾಂಕ್ ಉದ್ಯೋಗಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಚಿತ್ರದಲ್ಲಿ ನಾಯಕನ ತಾಯಿ ಕೂಡ ಬ್ಯಾಂಕ್ ನಲ್ಲಿ ಕೆಲಸ ಮಾಡುತ್ತಿರುತ್ತಾರೆ. ನಾಯಕನ ತಾಯಿ ಜೊತೆ ನಾಯಕಿ ಅಂದರೆ ಕೀರ್ತಿ ಸುರೇಶ್ ಸಹ ಬ್ಯಾಂಕ್ ನಲ್ಲಿ ಕೆಲಸ ಮಾಡುತ್ತಿರುತ್ತಾರೆ.

ಭಾರತ ಬಿಟ್ಟು ಪರಾರಿಯಾದ ಉದ್ಯಮಿ ಕಥೆ

ದೊಡ್ಡ ಉದ್ಯಮಿಯೊಬ್ಬ ಬ್ಯಾಂಕ್ ನಲ್ಲಿ ವಂಚನೆ ಮಾಡಿ ದೇಶ ಬಿಟ್ಟು ಪರಾರಿಯಾಗುವ ಕಥೆ ಇದಾಗಿದೆಯಂತೆ. ಮೋಸ ಮಾಡಿ ಪರಾರಿಯಾದ ಉದ್ಯಮಿಯನ್ನು ನಾಯಕ ಭಾರತಕ್ಕೆ ಹೇಗೆ ಕರೆತರುತ್ತಾನೆ ಎನ್ನುವುದೇ ಸಿನಿಮಾ ಎಂದು ಹೇಳಲಾಗುತ್ತಿದೆ. ಅಂದ್ಹಾಗೆ ಈ ಸಿನಿಮಾ ದೇಶ ಬಿಟ್ಟು ಪರಾರಿಯಾಗಿರುವ ವಿಜಯ್ ಮಲ್ಯ ಅವರ ಕಥೆ ಎಂದು ಸಹ ಹೇಳಲಾಗುತ್ತಿದೆ.

ಮಹೇಶ್ ಬಾಬು ಸಿನಿಮಾದಲ್ಲಿ ನಿವೇತಾ ಥಾಮಸ್

ಮಹೇಶ್ ಬಾಬು ಜೊತೆ ದಕ್ಷಿಣ ಭಾರತದ ಖ್ಯಾತ ನಟಿ ನಿವೇತಾ ಥಾಮಸ್ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ ನಿವೇತಾ ಥಾಮಸ್ ಪಾತ್ರದ ಬಗ್ಗೆ ಇನ್ನೂ ರಿವೀಲ್ ಆಗಿಲ್ಲ. ಚಿತ್ರದಲ್ಲಿ ಇಬ್ಬರು ಖ್ಯಾತ ನಟಿಯರು ಇದ್ದಾರೆ ಅಂದ್ಮೇಲೆ ಸಿನಿಮಾದ ಮೇಲಿನ ನಿರೀಕ್ಷೆ ಮತ್ತಷ್ಟು ಹೆಚ್ಚಾಗಿದೆ.

ಕೀರ್ತಿ ಸುರೇಶ್ ಸಿನಿಮಾಗಳು

ನಟಿ ಕೀರ್ತಿ ಸುರೇಶ್ ಇತ್ತೀಚಿಗೆ ಪೆಂಗ್ವಿನ್ ಸಿನಿಮಾ ಮೂಲಕ ಅಭಿಮಾನಿಗಳ ಮುಂದೆ ಬಂದಿದ್ದಾರೆ. ಕೀರ್ತಿ ಅಭಿನಯದ ಮೊದಲ ಸಿನಿಮಾ ಡಿಜಿಟಲ್ ಫ್ಲಾಟ್ ಫಾರ್ಮಿನಲ್ಲಿ ರಿಲೀಸ್ ಆಗಿದ್ದು, ಕೀರ್ತಿ ಅಭಿನಯಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಇನ್ನೂ ಕೀರ್ತಿ ಬಳಿ ಸಾಕಷ್ಟು ಸಿನಿಮಾಗಳಿವೆ. ಗುಡ್ ಲಕ್, ಸಖಿ, ಮಿಸ್ ಇಂಡಿಯಾ, ರಂಗ್ ದೇ ಸೇರಿದಂತೆ ಸಾಲು ಸಾಲು ಸಿನಿಮಾಗಳು ಕೀರ್ತಿ ಬಳಿ ಇವೆ. ಈಗ ಮಹೇಶ್ ಬಾಬು ಸಿನಿಮಾ ಕೂಡ ಸೇರಿದೆ.