KGF 2 Ticket Price in AP: ಆಂಧ್ರದಲ್ಲಿ 'ಕೆಜಿಎಫ್ 2'ಗೆ ಹೊಡೆತ, ಲೀಟರ್ ಪೆಟ್ರೋಲ್‌ಗಿಂತ ಕಡಿಮೆ ಬೆಲೆಗೆ ಟಿಕೆಟ್‌ಗಳು

ಟಿಕೆಟ್ ದರ ತಗ್ಗಿಸಿರುವ ಜಗನ್ ಸರ್ಕಾರ

ಆಂಧ್ರ ಪ್ರದೇಶ ಸರ್ಕಾರವು ಚಿತ್ರರಂಗದ ಬಗ್ಗೆ ಕಟು ನಿರ್ಧಾರಗಳನ್ನು ತಳೆದು ಎರಡು ವರ್ಷವಾಗುತ್ತಾ ಬಂದಿದೆ. ಕೊರೊನಾದಿಂದಾಗಿ ಚಿತ್ರರಂಗ ಬಳಲಿದ್ದ ಸಮಯದಲ್ಲಿಯೇ ಆಂಧ್ರದ ಎಲ್ಲ ಚಿತ್ರಮಂದಿರಗಳ ಟಿಕೆಟ್ ದರವನ್ನು ಧಾರುಣವಾಗಿ ತಗ್ಗಿಸಿದ್ದ ಆಂಧ್ರ ಸರ್ಕಾರ, ತೆಲುಗು ಚಿತ್ರರಂಗವನ್ನು ನೇರವಾಗಿ ಐಸಿಯುಗೆ ಕಳಿಸಿತ್ತು. ಹಲವು ಆವೇಷ ಭರಿತ ಹೇಳಿಕೆಗಳು, ಪ್ರತಿಭಟನೆಗಳು ಮಾಡಿದರು ಜಗನ್ ನೇತೃತ್ವದ ಸರ್ಕಾರ ಬಗ್ಗಿರಲಿಲ್ಲ. ಆದರೆ ಚಿರಂಜೀವಿ ಮಾತುಕತೆ ಬಳಿಕ ತುಸು ಬದಲಾವಣೆಗಳನ್ನು ತಂದುಕೊಂಡಿತು.

Recommended Video

Beast ಸಿನಿಮಾ ಹೇಗಿದೆ ಅಂದ್ರೆ KGF 2 ಬಗ್ಗೆ ಹೇಳ್ತಾರೆ ವಿಜಯ್ ಫ್ಯಾನ್ಸ್ | BEAST REVIEW | Vijay | Yash | KGF2

ಬಜೆಟ್ ಸಿನಿಮಾಗಳಿಗೆ ಟಿಕೆಟ್‌ ದರ ಹೆಚ್ಚಿಸಬಹುದು

ದೊಡ್ಡ ಬಜೆಟ್‌ ಸಿನಿಮಾಗಳಿಗೆ ಕೆಲ ವಿನಾಯಿತಿ ನೀಡಿ, ಕೆಲವು ವಾರಗಳ ಕಾಲ ದೊಡ್ಡ ಬಜೆಟ್ ಸಿನಿಮಾಗಳು ಟಿಕೆಟ್ ದರ ಹೆಚ್ಚಿಸಿಕೊಳ್ಳಬಹುದು ಎಂದು ಆದೇಶವನ್ನು ಬದಲಾಯಿಸಿತು. ಹೀಗಾಗಿ 'RRR' ಸಿನಿಮಾದ ಟಿಕೆಟ್ ರೇಟುಗಳು ಆಂಧ್ರದಲ್ಲಿ 150 ರಿಂದ 250, 300 ರವರೆಗೆ ಮಾರಾಟವಾದವು. ಈಗ 'ಕೆಜಿಎಫ್ 2' ಸಿನಿಮಾ ಸಹ ಆಂಧ್ರದಲ್ಲಿ ದೊಡ್ಡ ಸಂಖ್ಯೆಯ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿದೆ. 'ಕೆಜಿಎಫ್ 2' ಸಿನಿಮಾ ಸಹ ದೊಡ್ಡ ಬಜೆಟ್ ಸಿನಿಮಾ ಆದರೂ ಟಿಕೆಟ್ ದರ ಹೆಚ್ಚಿಸಿಕೊಳ್ಳಲು ಅವಕಾಶ ನೀಡಲಾಗಿಲ್ಲ.

ಅವಕಾಶ ನೀಡಿಲ್ಲ ಸರ್ಕಾರ

ಸರ್ಕಾರದ ಆದೇಶದ ಪ್ರಕಾರ, ದೊಡ್ಡ ಬಜೆಟ್ ಸಿನಿಮಾಗಳು ಟಿಕೆಟ್ ದರ ಹೆಚ್ಚಿಸಿಕೊಳ್ಳಬಹುದು. ಆದರೆ 'ಕೆಜಿಎಫ್‌ 2'ಗೆ ಆ ಅವಕಾಶ ನೀಡಲಾಗಿಲ್ಲ. 'ಕೆಜಿಎಫ್ 2' ಸ್ಥಳೀಯ ಸಿನಿಮಾ ಅಲ್ಲ ಎಂಬುದು ಕಾರಣ. ಹೀಗಾಗಿ ಆಂಧ್ರದ ಹಲವು ಕಡೆ 'ಕೆಜಿಎಫ್ 2' ಸಿನಿಮಾದ ಟಿಕೆಟ್ ದರ ಕೇವಲ 80 ರಿಂದ 100 ರುಪಾಯಿಗಳಷ್ಟೆ ಇದೆ. 'ಬೀಸ್ಟ್' ಸಿನಿಮಾದ ಟಿಕೆಟ್‌ ಕೆಲವೆಡೆ, 145 ರಿಂದ 100 ರುಪಾಯಿಗಳ ವರೆಗೆ ಇದೆ. ಕೆಲವೆಡೆ, 70, 80 ರುಪಾಯಿಗಳಿಗೂ ಟಿಕೆಟ್ ಲಭ್ಯವಿದೆ. ಈ ಕಾರಣದಿಂದಾಗಿ ಚಿತ್ರತಂಡವು ಸರ್ಕಾರದ ಜೊತೆ ಮಾತುಕತೆಗೆ ಸಹ ಯತ್ನಿಸುತ್ತಿದೆ ಎಂಬ ಸುದ್ದಿಗಳು ಹರಿದಾಡುತ್ತಿವೆ.

ವಿಶವದಾದ್ಯಂತ ಒಳ್ಳೆಯ ಅಡ್ವಾನ್ಸ್ ಬುಕಿಂಗ್

'ಕೆಜಿಎಫ್ 2' ಸಿನಿಮಾದ ಟಿಕೆಟ್‌ಗಳು ದೇಶದಾದ್ಯಂತ ಮಾತ್ರವಲ್ಲ ವಿಶ್ವದಾದ್ಯಂತ ಅಡ್ವಾನ್ಸ್ ಆಗಿ ಬುಕಿಂಗ್ ಆಗಿವೆ. ಮುಂಬೈನಲ್ಲಿ ಅಂತೂ ಕೆಲವೆಡೆ ಒಂದು ಟಿಕೆಟ್ 2000 ರುಪಾಯಿಗೆ ಮಾರಾಟವಾಗುತ್ತಿದೆ. ಮೊದಲ ದಿನದ ಕಲೆಕ್ಷನ್ ನಲ್ಲಿ ದಾಖಲೆ ಬರೆವ ಎಲ್ಲ ಲಕ್ಷಗಳು ಗೋಚರಿಸುತ್ತಿವೆ. ದೇಶದಲ್ಲಿ ಮಾತ್ರವಲ್ಲ ವಿದೇಶದಲ್ಲೂ ಸಹ ಕೆಲವು ನಗರಗಳಲ್ಲಿ 'ಕೆಜಿಎಫ್ 2' ಸಿನಿಮಾದ ಪ್ರೀಮಿಯರ್ ಶೋಗಳ ಟಿಕೆಟ್‌ಗಳು ಅಡ್ವಾನ್ಸ್ ಬುಕಿಂಗ್ ಆಗಿವೆ. ಸಿನಿಮಾವು ಏಪ್ರಿಲ್ 14 ರಂದು ತೆರೆ ಕಾಣುತ್ತಿದ್ದು, ಈ ಸಿನಿಮಾದ ಮುಂದೆ 'ಕೆಜಿಎಫ್ 2' ಮಂಕಾಗುವ ಎಲ್ಲ ಲಕ್ಷಣಗಳು ಇವೆ.