Click it and Unblock the Notifications
ಸೌತ್ ಇಂಡಿಯಾ ಸ್ಟಾರ್ ಕಿಚ್ಚ ಸುದೀಪ್ 'ಚಕ್ರವ್ಯೂಹ'
ಹೀಗಾಗಿ, ಇಂದು ಜೆಪಿ ನಗರದಲ್ಲಿ ನಡೆಯಲಿರುವ ಬೃಹತ್ ಸಮಾರಂಭದಲ್ಲಿ ತಮ್ಮ ಹುಟ್ಟುಹಬ್ಬವನ್ನು ಗ್ರಾಂಡ್ ಆಗಿ ಆಚರಿಸಿಕೊಂಡ ಸುದೀಪ್, ತಮ್ಮ ಅಭಿಮಾನಿಗಳೆಲ್ಲರನ್ನೂ ತಾವೇ ಸ್ವತಃ ಮಾತನಾಡಿಸುತ್ತಿರುವುದು ವಿಶೇಷ. ಜೊತೆಗೆ, ಮತ್ತೊಂದು ವಿಶೇಷವೆಂದರೆ ಸುದೀಪ್ ನಾಯಕತ್ವದ ಎಮ್ ಎನ್ ಕುಮಾರ್ ನಿರ್ಮಾಣದ 'ಚಕ್ರವ್ಯೂಹ' ಹೆಸರಿನ ಹೊಸ ಚತುರ್ಭಾಷಾ ಸಿನಿಮಾ ಇಂದು, ಸುದೀಪ್ ಹುಟ್ಟುಹಬ್ಬದ ದಿನ ಘೋಷಣೆಯಾಗಿದೆ.
ಇಂದು ಘೋಷಣೆಯಾದ ಹೊಸ ಚಿತ್ರ 'ಚಕ್ರವ್ಯೂಹ', ಕನ್ನಡ, ತೆಲುಗು, ತಮಿಳು ಹಾಗೂ ಮಲಯಾಳಂ ಬಾಷೆಗಳಲ್ಲಿ ತಯಾರಾಗಲಿದ್ದು ನಂತರ ಇದನ್ನು ಹಿಂದಿಗೂ 'ಡಬ್' ಮಾಡಲಾಗುವುದು. ಅಂದಹಾಗೆ, ಕಿಚ್ಚ ಸುದೀಪ್ ಅಭಿನಯದ 'ವರದನಾಯಕ' ಬಿಡುಗಡೆಗೆ ಸಜ್ಜಾಗಿದ್ದರೆ 'ಬಚ್ಚನ್' ಚಿತ್ರೀಕರಣದ ಕೊನೆ ಹಂತದಲ್ಲಿದೆ. ಇದೀಗ ಹೊಸ ಚಿತ್ರದ ಘೋಷಣೆಯಾಗಿದೆ. ಇನ್ನೊಂದೆಡೆ, ತಮಿಳು ಹಾಗೂ ತೆಲುಗಿನಿಂದ ಆಫರ್ ಗಳ ಸುರಿಮಳೆಯಾಗುತ್ತಿದೆ.
ಮತ್ತೊಂದು ವಿಶೇಷವೆಂದರೆ, ಕಿಚ್ಚ ಸುದೀಪ್ ಇತ್ತೀಚಿಗೆ ಅಂದರೆ ಮೂರು ವಾರಗಳ ಕೆಳಗೆ ಹೊಸ 'ಜಾಗ್ವಾರ್' ಕಾರ್ ಖರೀದಿಸಿದ್ದಾರೆ. ಇದನ್ನು 'ಬರ್ತ್ ಡೇ ಗಿಫ್ಟ್' ಅಂದುಕೊಳ್ಳಲಾಗದಿದ್ದರೂ ಬರ್ತ್ ಡೇ ದಿನದಂದು ಈ ಕಾರ್ ಸುದೀಪ್ ಅವರಿಗೆ 'ಸಾಥ್' ನೀಡಿದ್ದಂತೂ ಸುಳ್ಳಲ್ಲ. ಒಟ್ಟಿನಲ್ಲಿ ಕನ್ನಡದ ಕಿಚ್ಚ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಪ್ರಕಾಶಿಸುತ್ತಿದ್ದಾರೆ. ಕಿಚ್ಚ ಸುದೀಪ್ ಅವರಿಗೆ 'ಒನ್ ಇಂಡಿಯಾ ಕನ್ನಡ'ದ ಹುಟ್ಟುಹಬ್ಬದ ಶುಭಾಶಯಗಳು... (ಒನ್ ಇಂಡಿಯಾ ಕನ್ನಡ)
Continue with Google