ರಾಜಮೌಳಿ ತಂದೆ ಮೊಬೈಲ್‌ನಲ್ಲಿ ಹಿಟ್ ನಿರ್ದೇಶಕನ ಚಿತ್ರ ವಾಲ್‌ಪೇಪರ್! ಯಾರದು?

ಪುರಿ ಚಿತ್ರ ವಿಜಯೇಂದ್ರ ಮೊಬೈಲ್‌ ವಾಲ್‌ಪೇಪರ್

ವಿಜಯೇಂದ್ರ ಪ್ರಸಾದ್‌ಗೆ ತೆಲುಗಿನ ಸೂಪರ್ ಹಿಟ್‌ ನಿರ್ದೇಶಕ ಪುರಿ ಜಗನ್ನಾಥ್ ಎಂದರೆ ಬಹಳ ಇಷ್ಟವಂತೆ. ಪುರಿ ಜಗನ್ನಾಥ್ ಎಷ್ಟು ಇಷ್ಟವೆಂದರೆ ಆತನ ಚಿತ್ರವನ್ನು ಮೊಬೈಲ್‌ಗೆ ವಾಲ್‌ಪೇಪರ್‌ ಆಗಿ ಇಟ್ಟುಕೊಂಡಿದ್ದಾರೆ ಕೆ.ವಿ.ವಿಜಯೇಂದ್ರ ಪ್ರಸಾದ್. ಈ ವಿಷಯವನ್ನು 'ಅಲಿ ತೋ ಸರದಾಗ' ಹೆಸರಿನ ಕಾರ್ಯಕ್ರಮದಲ್ಲಿ ವಿಜಯೇಂದ್ರ ಪ್ರಸಾದ್ ಹೇಳಿದ್ದಾರೆ. ತಮ್ಮ ಮೊಬೈಲ್‌ನಲ್ಲಿ ಪುರಿ ಜಗನ್ನಾಥ್ ಚಿತ್ರವನ್ನು ವಾಲ್‌ಪೇಪರ್ ಆಗಿಟ್ಟುಕೊಂಡಿರುವ ಚಿತ್ರವನ್ನು ಸಹ ತೋರಿಸಿದ್ದಾರೆ.

ಪುರಿ ಜಗನ್ನಾಥ್ ಪ್ರತಿಭೆ ಕಂಡು ಅಸೂಯೆ: ವಿಜಯೇಂದ್ರ ಪ್ರಸಾದ್

'ನನಗೆ ಇಷ್ಟವಾಗುವ ನಿರ್ದೇಶಕ ಪುರಿ ಜಗನ್ನಾಥ್. ಆತನೆಂದರೆ ನನಗೆ ಅಸೂಯೆ ಸಹ. ಹಾಗಾಗಿ ಆತನ ಚಿತ್ರವನ್ನು ನನ್ನ ಮೊಬೈಲ್‌ನಲ್ಲಿ ವಾಲ್‌ಪೇಪರ್ ಆಗಿ ಇಟ್ಟುಕೊಂಡಿದ್ದೀನಿ. ನನ್ನ ಶತ್ರುವನ್ನು ಸದಾ ನೋಡುತ್ತಿದ್ದು ಆತನಿಗಿಂತಲೂ ಚೆನ್ನಾಗಿ ಸಿನಿಮಾ ಮಾಡಬೇಕು ಎಂದು ನೆನಪು ಮಾಡಿಕೊಳ್ಳುತ್ತಿರುತ್ತೇನೆ ಎಂದಿದ್ದಾರೆ ಕೆ.ವಿ.ವಿಜಯೇಂದ್ರ ಪ್ರಸಾದ್.

ರಾಜಮೌಳಿ ಪತ್ನಿ ಸಹ ಪುರಿ ಜಗನ್ನಾಥ್ ಅಭಿಮಾನಿ

ವಿಜಯೇಂದ್ರ ಪ್ರಸಾದ್ ಮಾತ್ರವಲ್ಲ ರಾಜಮೌಳಿ ಪತ್ನಿ ರಮಾ ಸಹ ಪುರಿ ಜಗನ್ನಾಥ್ ಅಭಿಮಾನಿ. ಒಮ್ಮೆ ಕಾರ್ಯಕ್ರಮವೊಂದರಲ್ಲಿ ಮಾತನಾಡಿದ್ದ ರಾಜಮೌಳಿ, 'ಒಂದು ಸಿನಿಮಾ ಮಾಡಲು ವರ್ಷಗಳೇ ತೆಗೆದುಕೊಳ್ಳುತ್ತೀಯ. ಹೋಗಿ ಪುರಿ ಜಗನ್ನಾಥ್ ಬಳಿ ಕಲಿ ಕೆಲವೇ ತಿಂಗಳಲ್ಲಿ ಇಂಡಸ್ಟ್ರಿ ರೆಕಾರ್ಡ್‌ ಹಿಟ್ ಆಗುವ ಸಿನಿಮಾ ಹೇಗೆ ಮಾಡುತ್ತಾರೆ ಎಂಬುದನ್ನು ಕಲಿತುಕೊ ಎಂದು ನನ್ನ ಪತ್ನಿ ಹೇಳುತ್ತಿರುತ್ತಾರೆ' ಎಂದಿದ್ದರು ರಾಜಮೌಳಿ.

Recommended Video

ನ್ಯಾಷನಲ್ ಕ್ರಶ್ ರಶ್ಮಿಕಾಗೆ ಪ್ರಭಾಸ್ ಮೇಲೆ ಕ್ರಶ್ | Filmibeat Kannada

ಕನ್ನಡದಲ್ಲಿಯೂ ಸಿನಿಮಾ ನಿರ್ದೇಶಿಸಿದ್ದಾರೆ ಪುರಿ

ಪುರಿ ಜಗನ್ನಾಥ್ ತೆಲುಗಿನ ಅತ್ಯುತ್ತಮ ನಿರ್ದೇಶಕರಲ್ಲಿ ಒಬ್ಬರು. ಕನ್ನಡದಲ್ಲಿಯೂ 'ಅಪ್ಪು', 'ಯುವರಾಜ' ಸಿನಿಮಾಗಳನ್ನು ನಿರ್ದೇಶಿಸಿರುವ ಪುರಿ, ತೆಲುಗಿನಲ್ಲಿ 'ಪೋಕಿರಿ', 'ಅಮ್ಮಾ ನಾನ್ನ ಓ ತಮಿಳಮ್ಮಾಯಿ', 'ಟೆಂಪರ್', 'ಬ್ಯುಸಿನೆಸ್‌ ಮ್ಯಾನ್' ಇನ್ನೂ ಹಲವಾರು ಸಿನಿಮಾಗಳ್ನು ನಿರ್ದೇಶಕ ಮಾಡಿದ್ದಾರೆ.