'ಲವ್ ಮಾಕ್ಟೇಲ್' ರೀಮೇಕ್: ತೆಲುಗಿನಲ್ಲಿ ಸಿನಿಮಾದ ಹೆಸರು ಅಂತಿಮ

ನಾಯಕ ಪಾತ್ರದಲ್ಲಿ ಸತ್ಯದೇವ್

ಲವ್ ಮಾಕ್‌ಟೇಲ್ ಸಿನಿಮಾದ ತೆಲುಗು ರೀಮೇಕ್‌ನಲ್ಲಿ ಪ್ರತಿಭಾನ್ವಿತ ನಟ ಸತ್ಯದೇವ್ ನಟಿಸುತ್ತಿದ್ದು, ಸಿನಿಮಾಕ್ಕೆ 'ಗುರ್ತುಂದಾ ಸೀತಾಕಾಲಂ' ಎಂದು ಹೆಸರಿಡಲಾಗಿದೆ. ಸಿನಿಮಾ ಚಿತ್ರೀಕರಣ ಇನ್ನಷ್ಟೆ ಪ್ರಾರಂಭವಾಗಬೇಕಿದೆ.

ಸಿನಿಮಾಕ್ಕೆ ಹೆಸರು ಚೆನ್ನಾಗಿ ಒಪ್ಪುತ್ತದೆ

'ಗುರ್ತುಂದಾ ಸೀತಾಕಾಲಂ' ನ ಕನ್ನಡ ಅನುವಾದ 'ನೆನಪಿದೆಯೇ ಚಳಿಗಾಲ' ಎಂದಾಗುತ್ತದೆ. ನಾಯಕ ನಟ ತನ್ನ ನೆನಪಿನ ಸುರಳಿಗಳನ್ನು ಬಿಚ್ಚುವ ಕತೆಯ ಸಿನಿಮಾಕ್ಕೆ ಈ ಹೆಸರು ಚೆನ್ನಾಗಿ ಒಪ್ಪುತ್ತದೆ ಎಂಬುದು ಲವ್ ಮಾಕ್ಟೆಲ್ ಅಭಿಮಾನಿಗಳ ಅಭಿಪ್ರಾಯ.

ನಾಗಶೇಖರ್ ನಿರ್ದೇಶನ

ಮೈನಾ, ಸಂಜು ವೆಡ್ಸ್ ಗೀತಾ ಖ್ಯಾತಿಯ ನಾಗಶೇಖರ್, ತೆಲುಗಿನಲ್ಲಿ ಸಿನಿಮಾವನ್ನು ನಿರ್ದೇಶಿಸುತ್ತಿದ್ದು, ಸೆಪ್ಟೆಂಬರ್‌ನಲ್ಲಿ ಚಿತ್ರೀಕರಣ ಪ್ರಾರಂಭವಾಗಲಿದೆ. ಸಿನಿಮಾದ ಇನ್ನಿತರೆ ಪಾತ್ರವರ್ಗವನ್ನು ಇನ್ನಷ್ಟೆ ಪರಿಚಯಿಸಬೇಕಿದೆ. ಸಿನಿಮಾಕ್ಕಾಗಿ ಲೊಕೇಶನ್ ಹುಡುಕುವ ಕಾರ್ಯ ನಡೆಯುತ್ತಿದೆ.

'ಲವ್ ಮಾಕ್ಟೆಲ್ 2' ಫರ್ಸ್ಟ್ ಲುಕ್ ಬಿಡುಗಡೆ

ಕನ್ನಡದಲ್ಲಿ ಹಿಟ್ ಆದ 'ಲವ್ ಮಾಕ್ಟೆಲ್' ಸಿನಿಮಾದ ಎರಡನೇ ಭಾಗ ಸಹ ಬರಲಿದ್ದು, ಲವ್ ಮಾಕ್ಟೆಲ್ 2 ಸಿನಿಮಾದ ಲುಕ್ ಈಗಾಗಲೇ ಬಿಡುಗಡೆ ಮಾಡಲಾಗಿದೆ. ಲಾಕ್‌ಡೌನ್ ಮುಗಿದ ಬಳಿಕ ಚಿತ್ರೀಕರಣ ಪ್ರಾರಂಭವಾಗಲಿದೆ.