ಮಹೇಶ್‌ ಬಾಬು, ವಿಜಯ್ ಅಭಿಮಾನಿಗಳ ವಾರ್: ನೆಪವಾಯ್ತು ಸಾಂಗ್ ರಿಲೀಸ್!

ಮಹೇಶ್ ಬಾಬು v/s ವಿಜಯ್ ಅಭಿಮಾನಿಗಳು!

ಸಾಮಾಜಿಕ ಮಾಧ್ಯಮಗಳಲ್ಲಿ ಅಭಿಮಾನಿಗಳ ಕೋಳಿ ಜಗಳ ಹೊಸ ರೂಢಿಯಲ್ಲ. ನಾವು ಒಮ್ಮೊಮ್ಮೆ ಅವರಿಗೆ ಸಾಕ್ಷಿಯಾಗುತ್ತೇವೆ. ಈಗ ವಿಜಯ್ ಮತ್ತು ಮಹೇಶ್ ಅಭಿಮಾನಿಗಳ ಸರದಿ. ಇಬ್ಬರೂ ನಟರ ಅಭಿಮಾನಿಗಳು ಈಗ ಸಿನಿಮಾ ಕಾರಣಕ್ಕೆ ಟ್ವಿಟ್ಟರ್‌ನಲ್ಲಿ ವಾರ್ ಶುರು ಮಾಡಿದ್ದಾರೆ. ಇವರ ಜಗಳಕ್ಕೆ ಯಾರೋ ಇನ್ಯಾರನ್ನೂ ಬೈದಿದ್ದು ಅಲ್ಲ. ಒಂದೇ ದಿನ ಇಬ್ಬರು ನಟರ ಸಿನಿಮಾದ ಹಾಡುಗಳು ರಿಲೀಸ್ ಆಗುತ್ತಿವೆ ಎನ್ನುವುದು.

ಮಹೇಶ್ ಬಾಬು, ವಿಜಯ್ ಚಿತ್ರದ ಹಾಡು ಒಂದೇ ದಿನ ರಿಲೀಸ್!

ಹೌದು ನಟ ಮಹೇಶ್ ಬಾಬು ಮತ್ತು ವಿಜಯ್ ಅಭಿನಯದ ಮುಂದಿನ ಚಿತ್ರದ ಹಾಡುಗಳು ಒಂದೇ ದಿನಕ್ಕೆ ರಿಲೀಸ್ ದಿನಾಂಕವನ್ನು ಪ್ರಕಟ ಮಾಡಿಕೊಂಡಿವೆ. ಮಹೇಶ್ ಬಾಬು ಅವರ ಸರ್ಕಾರು ವಾರಿ ಪಾಠ ಚಿತ್ರದ ಮೊದಲ ಹಾಡು ಫೆಬ್ರವರಿ 14 ರಂದು ಬಿಡುಗಡೆಯಾಗಲಿದೆ. ಅದೇ ದಿನ, ವಿಜಯ್ ಅವರ ಮುಂದಿನ ಚಿತ್ರ 'ಬೀಸ್ಟ್' ಮೊದಲ ಹಾಡು ಕೂಡ ಅಂದೆ ರಿಲೀಸ್ ಅಗುತ್ತಿದೆ. ಈ ವಿಚಾರವನ್ನು ಚಿತ್ರ ತಂಡಗಳು ಈಗಾಗಲೇ ಪ್ರಕಟ ಮಾಡಿವೆ. ಈ ವಿಚಾರ ಹೊರ ಬರುತ್ತಿದ್ದ ಹಾಗೆ ಅಭಿಮಾನಿಗಳು ಕಿತ್ತಾಟ ಶುರು ಮಾಡಿದ್ದಾರೆ.

ಬಾಯ್‌ಕಾಟ್ ಹ್ಯಾಶ್‌ಟ್ಯಾಗ್ ಬಳಸುತ್ತಿರುವ ನಟ ವಿಜಯ್ ಅಭಿಮಾನಿಗಳು!

ಇಲ್ಲಿ ಒಂದೇ ದಿನ ಎರಡೂ ಚಿತ್ರದ ಹಾಡುಗಳು ರಿಲೀಸ್ ಆಗುತ್ತವೆ ಎನ್ನುವುದು ಮುಖ್ಯ ಕಾರಣ ಅಲ್ಲ. ಬದಲಿಗೆ ಎರಡು ಹಾಡುಗಳಲ್ಲಿ ಯಾವುದು ಹೆಚ್ಚು ಲೈಕ್ಸ್ ಪಡೆದು ಟ್ರೆಂಡ್ ಸೃಷ್ಟಿ ಮಾಡುತ್ತದೆ ಎನ್ನುವುದು. ಹಾಗಾಗಿಯೇ ನಟ ವಿಜಯ್ ಅಭಿಮಾನಿಗಳು ಈಗ ಬಾಯ್‌ಕಾಟ್ ಟ್ಯಾಗ್ ಬಳಸುತ್ತಿದ್ದಾರೆ ಎಂದು ಮಹೇಶ್‌ ಬಾಬು ಬಾಬು ಅಭಿಮಾನಿಗಳು ಆರೋಪ ಮಾಡಿದ್ದಾರೆ. ಹಾಗಾಗಿ ಇಲ್ಲಿಂದಲೇ ಇಬ್ಬರು ಅಭಿಮಾನಿಗಳ ನಡುವೆ ಟ್ವಿಟ್ಟರ್ ವಾರ್ ಶುರುವಾಗಿದೆ.

ಎರಡೂ ಚಿತ್ರದ ಮೇಲೆ ಹೆಚ್ಚಿರುವ ನಿರೀಕ್ಷೆ!

ಎರಡು ಚಿತ್ರದ ಹಾಡುಗಳ ಮೇಲೆ ನಿರೀಕ್ಷೆ ಹೆಚ್ಚಾಗಿ ಇದೆ. ಸಿನಿಮಾದ ಮೇಲು ನಿರೀಕ್ಷೆ ಇದ್ದೇ ಇದೆ. ಆದರೆ ಅಭಿಮಾನಿಗಳು ಹಾಡುಗಳನ್ನು ನೋಡಿ ಎಂಜಾಯ್ ಮಾಡುವ ಬದಲು, ಜಗಳ ಆರಂಭಿಸಿದ್ದಾರೆ. ಈ ಹಿಂದೆ ಹಲವು ಬಾರಿ ಇಬ್ಬರು ನಟರು ಕೂಡ ಹಲವು ಬಾರಿ ಜಗಳ ಮಾಡದಂತೆ, ಫ್ಯಾನ್ ವಾರ್ ನಿಲ್ಲಿಸಲು ಸಂದೇಶ ಕೊಟ್ಟಿದ್ದಾರೆ. ಅದರೆ ಅದರಿಂದ ಪ್ರಯೋಜನ ಆಗಿಲ್ಲ. ಅಭಿಮಾನಿಗಳು ಇಂಥ ವಿಚಾರಕ್ಕೂ ಜಗಳಕ್ಕಿಯುತ್ತಾರಲ್ಲ ಎಂದು ನೆಟ್ಟಿಗರು ಅಚ್ಚರಿ ವ್ಯಕ್ತಪಡಿಸುತ್ತಿದ್ದಾರೆ.