ಹೃದಯ ಗೆಲ್ಲುತ್ತಿದೆ ಮಹೇಶ್ ಬಾಬು ಮಾಡಿದ ಈ ಕಾರ್ಯ

ಮಹೇಶ್ ಬಾಬು ಪ್ರಸಾದನ ಕಲಾವಿದರ ಹೆಸರು ಪಟ್ಟಾಭಿ

ಮಹೇಶ್ ಬಾಬು ಪ್ರಸಾದನ ಕಲಾವಿದರ ಹೆಸರು ಪಟ್ಟಾಭಿ ಎಂದು. ಜುಲೈ 8 ರಂದು ಅವರ ಹುಟ್ಟುಹಬ್ಬ. ಪಟ್ಟಾಭಿ ಅವರೊಂದಿಗೆ ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಮಹೇಶ್ ಪಟ್ಟಾಭಿಯನ್ನು ಹೊಗಳಿ ವಿಶ್ ಮಾಡಿದ್ದಾರೆ.

ಎಲ್ಲದಕ್ಕೂ ತಯಾರಾಗಿರುತ್ತಾರೆ ಪಟ್ಟಾಭಿ: ಮಹೇಶ್

ಉದ್ದನೆಯ ಚಿತ್ರೀಕರಣದ ಅವಧಿ ಇರಲಿ ಅಥವಾ ಕೊನೆಯ ಕ್ಷಣದ ಮೇಕಪ್‌ ಅಪ್ ಟಚಪ್‌ ಇರಲಿ ಪಟ್ಟಾಭಿ ಎಲ್ಲದಕ್ಕೂ ತಯಾರಿರುತ್ತಾರೆ. ನಿಮಗೆ ದೇವರ ಆಶೀರ್ವಾದ ಇರಲಿ, ಜೀವನ ಸಂತೋಷದಾಯಕವಾಗಿರಲಿ ಎಂದು ಮಹೇಶ್ ಬಾಬು ವಿಶ್ ಮಾಡಿದ್ದಾರೆ.

ಮಹೇಶ್ ಬಾಬು ಪತ್ನಿಯಿಂದಲೂ ಶುಭಾಶಯ

ಮಹೇಶ್ ಬಾಬು ಅವರ ಇನ್‌ಸ್ಟಾಗ್ರಾಂ ಪೋಸ್ಟ್ ಗೆ ಕಮೆಂಟ್‌ ಮಾಡಿರುವ ಮಹೇಶ್ ಬಾಬು ಪತ್ನಿ ನಮ್ರತಾ ಶಿರೋಡ್ಕರ್, 'ಹುಟ್ಟುಹಬ್ಬದ ಶುಭಾಶಯ ಪಟ್ಟಾಭಿ ಅವರೇ, ಈಗಲೂ ಯಾವಾಗಲೂ ನಮ್ಮ ಹಾರೈಕೆ ನಿಮ್ಮೊಂದಿಗೆ ಇರುತ್ತದೆ' ಎಂದು ಹೇಳಿದ್ದಾರೆ.

ಸರ್ಕಾರು ವಾರಿ ಪಾಠ ಸಿನಿಮಾ

ಮಹೇಶ್ ಬಾಬು ಅವರು 'ಸರ್ಕಾರು ವಾರಿ ಪಾಠ' ಸಿನಿಮಾದಲ್ಲಿ ನಟಿಸಲಿದ್ದಾರೆ. ಸಿನಿಮಾದ ಪೋಸ್ಟರ್ ಈಗಾಗಲೇ ಬಿಡುಗಡೆ ಆಗಿದೆ. ಗೋವಾ, ಆಂಧ್ರಪ್ರದೇಶಗಳಲ್ಲಿ ಸಿನಿಮಾ ಚಿತ್ರೀಕರಣ ಆಗಲಿದೆ. ಸಿನಿಮಾವನ್ನು ಪರಶುರಾಮ್ ನಿರ್ದೇಶಿಸಲಿದ್ದಾರೆ.