ಸಮಂತಾ ಅಥವಾ ರಶ್ಮಿಕಾ ಇಬ್ಬರಲ್ಲಿ ಯಾರು ಬೆಸ್ಟ್?: ಮಹೇಶ್ ಬಾಬು ಆಯ್ಕೆ ಇದು

ಈ ಅನುಭವ ಒಮ್ಮೆ ಮಾತ್ರ

ಮನೆಯವರೊಂದಿಗೆ ಲಾಕ್ ಡೌನ್ ಸಮಯ ಕಳೆದ ಅನುಭವವು ಜೀವನಕ್ಕೆ ಒಮ್ಮೆ ಮಾತ್ರ ಸಿಗುವಂಥಹದ್ದು ಎಂದು ಹೇಳಿದರು. ಅವರ ಜತೆಯಲ್ಲಿ ಅನೇಕ ಕೆಲಸಗಳನ್ನು ಮಾಡಿದೆ. ಇದನ್ನೆಲ್ಲ ಈ ಮೊದಲು ಮಾಡಲು ಸಾಧ್ಯವಾಗುತ್ತಿರಲಿಲ್ಲ. ಈಗ ಅದಕ್ಕೆಲ್ಲ ಸಮಯ ಸಿಕ್ಕಿತು ಎಂದರು.

ಈ ಜೀವನ ಸಹಜ ಎನಿಸಲಿದೆ

ಲಾಕ್ ಡೌನ್ ನಂತರದ ಬದುಕು ಬಹಳ ವಿಭಿನ್ನವಾಗಿರಲಿದೆ. ಸುರಕ್ಷಿತರಾಗಿರಿ, ಮಾಸ್ಕ್ ಧರಿಸಿ ಮತ್ತು ಎಚ್ಚರಿಕೆಯಿಂದಿರಿ. ಈ ಹೊಸ ಸನ್ನಿವೇಶವನ್ನು ಸಹಜ ಎಂಬಂತೆ ನಾವು ಒಪ್ಪಿಕೊಳ್ಳಬೇಕಾಗಿದೆ. ಹೀಗಾಗಿ ಸುರಕ್ಷಿತರಾಗಿರಿ ಎಂದು ಸಲಹೆ ನೀಡಿದರು.

ಇಬ್ಬರೂ ಇಷ್ಟ

ರಶ್ಮಿಕಾ ಮಂದಣ್ಣ ಮತ್ತು ಸಮಂತಾ ಅಕ್ಕಿನೇನಿ ಇಬ್ಬರಲ್ಲಿ ನಿಮಗೆ ಯಾರು ಇಷ್ಟ ಎಂದು ಅಭಿಮಾನಿಯೊಬ್ಬರು ಪ್ರಶ್ನಿಸಿದರು. ಅದಕ್ಕೆ ಮಹೇಶ್ ಬಾಬು, 'ನನಗೆ ಇಬ್ಬರೂ ಬಹಳ ಇಷ್ಟ. ಇಬ್ಬರೂ ವಿಸ್ಮಯ ಮೂಡಿಸುವ ಸಹ ನಟಿಯರು' ಎಂದು ಪ್ರತಿಕ್ರಿಯಿಸಿದರು.

ರಾಜಮೌಳಿ ಜತೆ ಸಿನಿಮಾ

ಪುರಿ ಜಗನ್ನಾಥ್ ಜತೆ ಸಿನಿಮಾ ಮಾಡಲು ಕಾಯುತ್ತಿದ್ದೇನೆ. ನನ್ನ ಮೆಚ್ಚಿನ ನಿರ್ದೇಶಕರಲ್ಲಿ ಅವರೂ ಒಬ್ಬರು. ನನ್ನ ಬಳಿ ಬಂದು ಯಾವಾಗ ಕಥೆ ಹೇಳಿ ಸಿನಿಮಾ ಮಾಡುತ್ತಾರೋ ಎಂದು ಕಾದಿದ್ದೇನೆ. ರಾಜಮೌಳಿ ಅವರೊಂದಿಗೆ ಸಿನಿಮಾ ಮಾಡುವುದನ್ನು ಖಂಡಿತಾ ನೀವು ನಿರೀಕ್ಷಿಸಬಹುದು. ಆ ಗಳಿಗೆಯನ್ನೇ ನಾನು ಬಹಳ ಎದುರು ನೋಡುತ್ತಿದ್ದೇನೆ ಎಂದು ತಿಳಿಸಿದರು.

ಮಗ ಹೀರೋ ಆಗುತ್ತಾನಾ?

ಮಗ ಗೌತಮ್ ಭವಿಷ್ಯದಲ್ಲಿ ಹೀರೋ ಆಗುತ್ತಾನೆಯೇ? ಎಂಬ ಪ್ರಶ್ನೆಗೆ, ನನ್ನ ಊಹೆ ಪ್ರಕಾರ ಅವನು ಹೀರೋ ಆಗಲು ಬಯಸುತ್ತಾನೆ. ಕಾಲ ಮಾತ್ರವೇ ಅದಕ್ಕೆ ಉತ್ತರ ನೀಡಲಿದೆ ಎಂದರು. ನಾನು ಎಂದಿಗೂ ಮಹಾನ್ ನಟ, ನನ್ನ ಮಕ್ಕಳಿಗೆ ಅದ್ಭುತ ತಂದೆ ಹಾಗೂ ಹೆಂಡತಿಗೆ ಉತ್ತಮ ಗಂಡ ಎಂದು ಜನರು ನೆನಪಿಸಿಕೊಳ್ಳುವಂತೆ ಬಯಸಿದ್ದೇನೆ ಎಂದರು.

ಕರ್ನಾಟಕದ ಫ್ಯಾನ್ಸ್ ಕೂಲ್

ಕರ್ನಾಟಕದ ಅಭಿಮಾನಿಗಳು ಸೂಪರ್ ಕೂಲ್ ಎಂದ ಅವರು, ತಮಗೆ ನೀಲಿ ಬಣ್ಣ ಹಾಗೂ ಹೈದರಾಬಾದಿ ಬಿರಿಯಾನಿ ಎಂದರೆ ಬಹಳ ಇಷ್ಟ ಎಂದರು. ನಿಮ್ಮ ಮೊದಲ ಕ್ರಶ್ ಯಾರು ಎಂಬುದಕ್ಕೆ, 26ನೇ ವಯಸ್ಸಲ್ಲಿ ಆಗಿದ್ದು, ನಮ್ರತಾ ಶಿರೋಡ್ಕರ್ ಮೇಲೆ. ಬಳಿಕ ಆಕೆಯನ್ನೇ ಮದುವೆಯಾದೆ. ನನ್ನ ಬೆಸ್ಟ್ ಫ್ರೆಂಡ್ ಕೂಡ ಆಕೆಯೇ ಎಂದು ತಿಳಿಸಿದರು.