'ಪ್ರಿನ್ಸ್' ಮಹೇಶ್ ಬಾಬು ಕುಟುಂಬದಿಂದ ಹೊಸ ನಟ ಎಂಟ್ರಿ

ಮಹೇಶ್ ಬಾಬು ಸೋದರಳಿಯ

ಮಹೇಶ್ ಬಾಬು ಸಹೋದರಿ ಪದ್ಮಾವತಿ ಮತ್ತು ಜಯದೇವ್ ಗಲ್ಲಾ ದಂಪತಿಯ ಹಿರಿಯ ಪುತ್ರ ಅಶೋಕ್ ಗಲ್ಲಾ. ಸೋದರಳಿಯ ಅಧಿಕೃತವಾಗಿ ಸಿನಿಮಾರಂಗಕ್ಕೆ ಕಾಲಿಟ್ಟಿದ್ದು, ಚೊಚ್ಚಲ ಸಿನಿಮಾ ಸಹ ಆರಂಭಿಸಿದ್ದಾರೆ. ಈ ಚಿತ್ರದ ಹೆಸರು 'ಹೀರೋ'.

ಕೌವ್ ಬಾಯ್‌ ಲುಕ್‌ನಲ್ಲಿ ಅಶೋಕ್ ಎಂಟ್ರಿ

'ಹೀರೋ' ಸಿನಿಮಾದ ಫಸ್ಟ್ ಲುಕ್ ಟೀಸರ್ ಬಿಡುಗಡೆಯಾಗಿದೆ. ಕೌವ್ ಬಾಯ್ ಲುಕ್‌ನಲ್ಲಿ ಅಶೋಕ್ ಗಲ್ಲಾ ಕಾಣಿಸಿಕೊಂಡಿದ್ದು, ಕೆಲವು ದೃಶ್ಯದಲ್ಲಿ ಥೇಟ್ ಮಹೇಶ್ ಬಾಬು ರೀತಿನೇ ಕಾಣ್ತಾರೆ. ಒಳ್ಳೆಯ ಎತ್ತರ, ಫಿಸಿಕ್‌ನಲ್ಲಿ ಕಾಣಿಸಿಕೊಂಡಿರುವ ಅಶೋಕ್, ಮಾವನ ಹಾದಿಯಲ್ಲಿ ಸಾಗಲು ಸಜ್ಜಾಗಿದ್ದಾರೆ ಎನ್ನುವುದಕ್ಕೆ ಈ ಟೀಸರ್ ಸಾಕ್ಷಿಯಾಗಿದೆ.

ತೆಲುಗಿನ ಸ್ಟಾರ್ ನಟನಾದರೂ ಮಹೇಶ್ ಬಾಬುಗೆ ತೆಲುಗು ಓದಲು, ಬರೆಯಲು ಬರಲ್ಲ

ಅಮ್ಮನೇ ನಿರ್ಮಾಪಕಿ

ಪದ್ಮಾವತಿ ಗಲ್ಲಾ ಈ ಚಿತ್ರ ನಿರ್ಮಾಣ ಮಾಡಿದ್ದಾರೆ. ಮಗನ ಮೊದಲ ಸಿನಿಮಾಗೆ ಖುದ್ದು ತಾಯಿಯೇ ಬಂಡವಾಳ ಹಾಕಿರುವುದು ವಿಶೇಷ. ಈ ಚಿತ್ರವನ್ನು ಶ್ರೀರಾಮ್ ಆದಿತ್ಯ ನಿರ್ದೇಶಿಸುತ್ತಿದ್ದಾರೆ. ಸಂಪೂರ್ಣವಾಗಿ ಚಿತ್ರೀಕರಣ ಮುಗಿದಿದ್ದು, ತೆರೆಗೆ ಬರಲು ಸಜ್ಜಾಗಿದೆ.

Recommended Video

ವರನಟ ಡಾ.ರಾಜ್ ಕುಮಾರ್ ಹೆಸರಲ್ಲಿ ದೊಡ್ಡ ಎಡವಟ್ಟು ಮಾಡಿದ ಗೂಗಲ್!! | Filmibeat Kannada

ನಿಧಿ ಅಗರ್‌ವಾಲ್ ನಾಯಕಿ

ಅಶೋಕ್ ಗಲ್ಲಾ ಚೊಚ್ಚಲ ಚಿತ್ರದಲ್ಲಿ ನಾಯಕಿಯಾಗಿ ನಿಧಿ ಅಗರ್‌ವಾಲ್ ಕಾಣಿಸಿಕೊಂಡಿದ್ದಾರೆ. ಈ ಹಿಂದೆ ಚಿತ್ರದ ಮುಹೂರ್ತಕ್ಕೆ ರಾಮ್ ಚರಣ್ ತೇಜ ಆಗಮಿಸಿ ಮೊದಲ ದೃಶ್ಯಕ್ಕೆ ಕ್ಲಾಪ್ ಮಾಡಿದ್ದರು.