ದರ್ಶನ್ ರೀಮೇಕ್ ಮಾಡಿದ್ದ 'ಆ' ಸಿನಿಮಾ ರೀ-ರಿಲೀಸ್: ವಾರಕ್ಕೂ ಮೊದಲೇ ಟಿಕೆಟ್‌ ಸೋಲ್ಡ್‌ಔಟ್!

'ಪೋಕಿರಿ' ಸಿನಿಮಾ ಕಥೆಯೇನು?

ಮುಳ್ಳನ್ನು ಮುಳ್ಳಿನಿಂದಲೇ ತೆಗೆಯಬೇಕು ಅನ್ನುವಂತೆ ಐಪಿಎಸ್‌ ಆಫೀಸರ್ ಕೃಷ್ಣ ಮನೋಹರ್ ತನ್ನನ್ನು ತಾನು ಪೋಕಿರಿ ಅನ್ನುವಂತೆ ಬಿಂಬಿಸಿಕೊಂಡು ಮಾಫಿಯಾ ಗ್ಯಾಂಗ್‌ನಲ್ಲಿ ಸೇರಿ ಗ್ಯಾಂಗ್‌ನಲ್ಲಿ ಒಬ್ಬೊಬ್ಬರನ್ನು ಮಟ್ಟ ಹಾಕುತ್ತಾ ಹೋಗ್ತಾನೆ. ಕ್ಲೈಮ್ಯಾಕ್ಸ್‌ನಲ್ಲಿ ಆತ ಅಂಡರ್‌ಕವರ್‌ ಆಫೀಸರ್ ಅಂತ ಗೊತ್ತಾಗಿ ಎಲ್ಲಾ ಶಾಕ್ ಆಗ್ತಾರೆ. ಈ ಟ್ವಿಸ್ಟ್‌ ಸಿನಿಪ್ರೇಮಿಗಳಿಗೆ ಸಖತ್ ಇಷ್ಟವಾಗಿತ್ತು.

'ಪೋಕಿರಿ' ರಿಮೇಕ್‌ನಲ್ಲಿ ದರ್ಶನ್ ಮಿಂಚು

4 ವರ್ಷಗಳ ನಂತರ 'ಪೋಕಿರಿ' ಸಿನಿಮಾ ಪೊರ್ಕಿ' ಹೆಸರಿನಲ್ಲಿ ಕನ್ನಡಕ್ಕೆ ರಿಮೇಕ್ ಆಗಿತ್ತು. ಎಂ. ಡಿ ಶ್ರೀಧರ್ ನಿರ್ದೇಶನದ ಈ ಚಿತ್ರದಲ್ಲಿ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಹಾಗೂ ಪ್ರಣಿತಾ ಸುಭಾಷ್ ಲೀಡ್‌ ರೋಲ್‌ಗಳಲ್ಲಿ ಮಿಂಚಿದ್ದರು.

ಹಿಂದಿ, ತಮಿಳಿಗೂ ಚಿತ್ರ ರಿಮೇಕ್‌

'ಪೋಕಿರಿ' ಸಿನಿಮಾ 'ವಾಂಟೆಡ್' ಹೆಸರಿನಲ್ಲಿ ಬಾಲಿವುಡ್‌ಗೆ ರಿಮೇಕ್ ಆಗಿ ಸಖತ್‌ ಕಂಡಿತ್ತು. ಸೋತು ಸುಣ್ಣವಾಗಿದ್ದ ಸಲ್ಮಾನ್‌ ಖಾನ್‌ಗೆ ಚಿತ್ರರಂಗದಲ್ಲಿ ಈ ಸಿನಿಮಾ ಮರುಹುಟ್ಟು ಕೊಟ್ಟಿತ್ತು. ಇನ್ನು ತಮಿಳಿನಲ್ಲಿ ಇಳಯ ದಳಪತಿ ವಿಜಯ್ 'ಪೊಕ್ಕಿರಿ' ಆಗಿ ಸೂಪರ್ ಸಕ್ಸಸ್ ಕಂಡಿದ್ದರು.

66 ಕೋಟಿ ರೂ. ಗಳಿಕೆ ಕಂಡಿದ್ದ 'ಪೋಕಿರಿ'

ಈಗ ಪ್ಯಾನ್‌ ಇಂಡಿಯಾ ಟ್ರೆಂಡ್‌ ಶುರುವಾಗಿ ಸಿನಿಮಾಗಳು ಸಾವಿರಾರು ಕೋಟಿ ರೂ. ಕಲೆಕ್ಷನ್ ಮಾಡ್ತಿವೆ. ಆದರೆ 16 ವರ್ಷಗಳ ಹಿಂದೆ 'ಪೋಕಿರಿ' ಸಿನಿಮಾ ಬರೋಬ್ಬರಿ 66 ಕೋಟಿ ರೂ. ಗಳಿಸಿ ಟಾಲಿವುಡ್‌ ಶೇಕ್‌ ಮಾಡಿತ್ತು. ಈ ದಾಖಲೆ ಮುರಿಯಲು 3 ವರ್ಷಗಳೇ ಬೇಕಾಯಿತು. 'ಪೋಕಿರಿ' ಸಿನಿಮಾ 4K ಮಾಸ್ಟರ್ಡ್‌ ವರ್ಷನ್‌ನಲ್ಲಿ ರೀ-ರಿಲೀಸ್ ಆಗ್ತಿದೆ ಅನ್ನೋ ಸುದ್ದಿ ಕೇಳಿ ಅಭಿಮಾನಿಗಳು ಖುಷಿಯಾಗಿದ್ದಾರೆ.