Don't Miss!
- Technology ಪ್ರಜಾಪ್ರಭುತ್ವ ರಾಷ್ಟ್ರದಲ್ಲಿ ಡೀಪ್ಫೇಕ್ ದೊಡ್ಡ ಕಳವಳಕಾರಿ ಎಂದ ಮೋದಿ
- News ಚಿತ್ರದುರ್ಗದಲ್ಲಿ ಬಿಜೆಪಿಗೆ ಬಂಡಾಯದ ಬಿಸಿ: ಅಭ್ಯರ್ಥಿ ಬದಲಿಸದಿದ್ದರೆ ಪಕ್ಷೇತರ ಸ್ಪರ್ಧೆ, ಏ.3ಕ್ಕೆ ನಾಮಪತ್ರ ಸಲ್ಲಿಕೆ?
- Automobiles 20 ವರ್ಷದ ಬಳಿಕ ಲ್ಯಾಂಬೋರ್ಗಿನಿ ಲೋಗೋಗೆ ಹೊಸ ಟಚ್: ಈ ಕಂಪನಿಯ ಕಾರುಗಳು ಯಾಕೆ ಫೇಮಸ್?
- Lifestyle ಯಾವ ದಿಕ್ಕಿಗೆ ತಲೆ ಇಟ್ಟು ಮಲಗಬಾರದು..? ಹಿರಿಯರು ಈ ರೀತಿ ಹೇಳೋದೇಕೆ.?
- Sports RCB vs KKR: ಗೇಮ್ ಚೇಂಜರ್ ಆಗಬಹುದು ಈ ಪ್ಲೇಯರ್ಸ್; ಈ ಆಟಗಾರರ ಮೇಲೆ ಕಣ್ಣು
- Finance 25ನೇ ವಯಸ್ಸಿನಲ್ಲಿ 25,000 ರೂ.ನಿಂದ 7,000 ಕೋಟಿ ಗಳಿಸಿದ ವ್ಯಕ್ತಿ ಬಗ್ಗೆ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹೊಸಬರ ಸಿನಿಮಾವನ್ನು ಮೆಚ್ಚಿ ಕೊಂಡಾಡಿದ ಮಹೇಶ್ ಬಾಬು
ನಟ ಮಹೇಶ್ ಬಾಬು ಇತರರ ಸಿನಿಮಾಗಳನ್ನು ಅತಿಯಾಗಿ ನೊಡುತ್ತಾರೆ. ತಾವು ಹೆಚ್ಚು, ಸಿನಿಮಾ, ವೆಬ್ ಸರಣಿಗಳನ್ನು ನೋಡುವುದಾಗಿ ಲಾಕ್ಡೌನ್ ಸಮಯದಲ್ಲಿ ಸಂದರ್ಶನದಲ್ಲಿ ಹೇಳಿಕೊಂಡಿದ್ದರು.
ತಾವು ನೋಡಿದ ಒಳ್ಳೆಯ ಸಿನಿಮಾ, ವೆಬ್ ಸರಣಿ ಬಗ್ಗೆ ಟ್ವಿಟ್ಟರ್ನಲ್ಲಿ ಒಳ್ಳೆಯ ಮಾತುಗಳನ್ನು ಬರೆದು ಸಿನಿಮಾ ತಂಡಕ್ಕೆ ಪ್ರೋತ್ಸಾಹ ನೀಡುತ್ತಾರೆ ಮಹೇಶ್ ಬಾಬು. ಇದೀಗ ಹೊಸಬರ ತೆಲುಗು ಸಿನಿಮಾ ಒಂದರ ಬಗ್ಗೆ ಬಹು ಒಳ್ಳೆಯ ಮಾತುಗಳನ್ನಾಡಿದ್ದಾರೆ ಮಹೇಶ್ ಬಾಬು.
ಪ್ರೇಮಿಗಳ ದಿನಕ್ಕೆ ವಿಶೇಷ ಉಡುಗೊರೆ ಪಡೆದ ಮಹೇಶ್ ಬಾಬು, ಅಲ್ಲು ಅರ್ಜುನ್
ನಿರ್ದೇಶಕ ಬುಚ್ಚಿಬಾಬು ಸನಾ ಅವರ ಮೊದಲ ತೆಲುಗು ಸಿನಿಮಾ 'ಉಪ್ಪೆನ' ಸಖತ್ ಹಿಟ್ ಆಗಿದೆ. ಸಿನಿಮಾದ ನಾಯಕ ವೈಷ್ಣವ್ ತೇಜ್, ನಾಯಕಿ ಕೀರ್ತಿ ಗೆ ಸಹ ಇದು ಮೊದಲ ಸಿನಿಮಾ. ಈ ಸಿನಿಮಾ ನೋಡಿರುವ ಮಹೇಶ್ ಬಾಬು ಸಿನಿಮಾವನ್ನು ಬಹುವಾಗಿ ಮೆಚ್ಚಿಕೊಂಡಿದ್ದಾರೆ. ಸಿನಿಮಾ ಬಗ್ಗೆ ಸರಣಿ ಟ್ವೀಟ್ ಮಾಡಿದ್ದಾರೆ ಮಹೇಶ್.
ನಿರ್ದೇಶಕನನ್ನು ಕೊಂಡಾಡಿದ ಮಹೇಶ್ ಬಾಬು
'ಬುಚ್ಚಿಬಾಬು ಸನಾ ನೀವೊಂದು ಅತ್ಯದ್ಭುತ ಸಿನಿಮಾ ಮಾಡಿದ್ದೀರಿ. ಇದೊಂದು ಕ್ಲಾಸಿಕ್ ಸಿನಿಮಾ, ನೀವು ಮಾಡಿರುವ ಈ ಸಿನಿಮಾಕ್ಕೆ ಸಾವಿಲ್ಲ, ಇದೊಂದು ಟೈಮ್ಲೆಸ್ ಸಿನಿಮಾ' ಎಂದಿದ್ದಾರೆ ಮಹೇಶ್ ಬಾಬು.
ಸಿನಿಮಾದ ಹೃದಯ ಅದರ ಸಂಗೀತ: ಮಹೇಶ್ ಬಾಬು
'ಉಪ್ಪೆನ' ಸಿನಿಮಾದ ಹೃದಯವೆಂದರೆ ಸಂಗೀತ ನಿರ್ದೇಶಕ ದೇವಿಪ್ರಸಾದ್. ಈ ಸಿನಿಮಾದ ಹಾಡುಗಳು ಇತಿಹಾಸದಲ್ಲಿ ದಾಖಲಾಗುತ್ತವೆ. ಈವರೆಗೆ ನಿಮ್ಮ ಅತ್ಯುತ್ತಮ ಹಾಡುಗಳು ಮತ್ತು ಸಂಗೀತ 'ಉಪ್ಪೆನ' ಸಿನಿಮಾದ್ದು ಎಂದು ಹೊಗಳಿದ್ದಾರೆ ಮಹೇಶ್ ಬಾಬು.
ದಟ್ಟ ಅರಣ್ಯಕ್ಕೆ ನುಗ್ಗಲಿದ್ದಾರೆ ರಾಜಮೌಳಿ-ಮಹೇಶ್ ಬಾಬು
ಹೊಸಬರಾದ ವೈಷ್ಣವ್ ತೇಜ್-ಕೀರ್ತಿ ಶೆಟ್ಟಿ ಉತ್ತಮ ನಟನೆ
ಹೊಸಬರಾದರೂ ವೈಷ್ಣವ್ ತೇಜ್ ಹಾಗೂ ಕೀರ್ತಿ ಶೆಟ್ಟಿ ಅದ್ಭುತವಾಗಿ ನಟಿಸಿದ್ದಾರೆ ಎಂದಿರುವ ಮಹೇಶ್ ಬಾಬು, ನಿರ್ಮಾಪಕರಾದ ಸುಕುಮಾರ್ ಹಾಗೂ ಮೈತ್ರಿ ಸಿನಿಮಾಗೆ ಸಹ ಅಭಿನಂದನೆ ಸಲ್ಲಿಸಿದ್ದಾರೆ. ಕೆಲವು ದಿನಗಳ ಹಿಂದೆ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆದ ಉಪ್ಪೆನ ಸಿನಿಮಾ ಗಳಿಕೆಯಲ್ಲಿ ದಾಖಲೆಯನ್ನೇ ನಿರ್ಮಿಸಿದೆ.
Recommended Video
ನೆಟ್ಫ್ಲಿಕ್ಸ್ಗೆ ಬರಲಿದೆ 'ಉಪ್ಪೆನ'
'ಉಪ್ಪೆನ' ಸಿನಿಮಾವು ಕೆಲವೇ ದಿನಗಳಲ್ಲಿ ನೆಟ್ಫ್ಲಿಕ್ಸ್ನಲ್ಲಿ ಸಹ ಬಿಡುಗಡೆ ಆಗಲಿದೆ. ಏಪ್ರಿಲ್ 11 ರಂದು ಈ ಸಿನಿಮಾ ನೆಟ್ಫ್ಲಿಕ್ಸ್ಗೆ ಬರಲಿದೆ. ಭಾರಿ ದೊಡ್ಡ ಮೊತ್ತಕ್ಕೆ ಉಪ್ಪೆನ ಸಿನಿಮಾವನ್ನು ನೆಟ್ಫ್ಲಿಕ್ಸ್ ಖರೀದಿಸಿದೆ. ಹೊಸಬರ ಸಿನಿಮಾ ಆದರೂ ಭಾರಿ ಹಿಟ್ ಆಗಿದೆ ಸಿನಿಮಾ.