ಮಹೇಶ್ ಬಾಬುಗೆ ಬಾಲಿವುಡ್ ನಟಿಯರು ಬೇಡವಂತೆ, ರಾಜಮೌಳಿಗೆ ಷರತ್ತು!

ಬಾಲಿವುಡ್ ನಟಿಯರಿಗೆ ನೋ ಎಂದ ಮಹೇಶ್ ಬಾಬು!

ಈ ಸಿನಿಮಾದಲ್ಲಿ ನಾಯಕಿ ಯಾರು ಎನ್ನುವ ವಿಚಾರದ ಬಗ್ಗೆ ಸುದ್ದಿ ಒಂದು ಹರಿದಾಡುತ್ತಿದೆ. ನಾಯಕಿಯರ ಆಯ್ಕೆಯಲ್ಲಿ ನಟ ಮಹೇಶ್ ಬಾಬು ನಿರ್ದೇಶಕ ರಾಜಮೌಳಿಗೆ ಷರತ್ತು ಒಂದನ್ನು ಹಾಕಿದ್ದಾರಂತೆ. ಈ ಚಿತ್ರಕ್ಕೆ ಬಾಲಿವುಡ್ ನಟಿ ಬೇಡ, ತೆಲುಗು ನಾಯಕಿಯನ್ನೇ ಆಯ್ಕೆ ಮಾಡಿ ಎಂದಿದ್ದಾರಂತೆ. ಈ ಸುದ್ದಿ ಟಾಲಿವುಡ್‌ನಲ್ಲಿ ಜೋರಾಗಿದೆ.

ರಾಜಮೌಳಿಗೆ ಸ್ಟೋರಿ ಆಯ್ಕೆಯಲ್ಲಿ ಗೊಂದಲ: ಮಹೇಶ್ ಬಾಬು ಸಿನಿಮಾ ಸೆಟ್ಟೇರಲ್ವಾ?

ಹಲವು ಬಾಲಿವುಡ್ ನಟಿಯರ ಜೊತೆ ಅಭಿನಯ!

ಮಹೇಶ್​ ಬಾಬು ಹಲವು ಬಾಲಿವುಡ್ ನಟಿಯರ ಜೊತೆಗೆ ಅಭಿನಯಿಸಿದ್ದಾರೆ. ಪ್ರೀತಿ ಜಿಂಟಾ, ಬಿಪಾಶಾ ಬಸು, ಲೀಸಾ ರೇ, ನಮ್ರತಾ, ಕೃತಿ ಸನೋನ್, ಸೋನಾಲಿ ಬಿಂದ್ರೆ, ಅಮೃತಾ ರಾವ್, ಕಿಯಾರಾ ಅಡ್ವಾಣಿ, ಪೂಜಾ ಹೆಗ್ಡೆ ಅನೇಕ ಹಿಂದಿ ನಾಯಕಿಯರೊಂದಿಗೆ ಕೆಲಸ ಮಾಡಿದ್ದಾರೆ. ಆದರೆ ಈಗ ಬಾಲಿವುಡ್ ನಟಿಯರು ಬೇಡವೆಂದಿದ್ದು, ಯಾರು ಈ ಚಿತ್ರಕ್ಕೆ ಆಯ್ಕೆ ಆಗಲಿದ್ದಾರೆ ಎನ್ನುವುದನ್ನು ನೋಡಬೇಕಿದೆ.

ರಾಜಮೌಳಿ ನಿರ್ದೇಶನ, ವಿಜಯೇಂದ್ರ ಪ್ರಸಾದ್ ಕಥೆ!

ಮಹೇಶ್ ಬಾಬು ಮತ್ತು ನಿರ್ದೇಶಕ ರಾಜಮೌಳಿ ಕಾಂಬಿನೇಶನ್‌ನಲ್ಲಿ ಬರ್ತಿರೋ ಈ ಚಿತ್ರ, ದುರ್ಗಾ ಆರ್ಟ್ಸ್ ಬ್ಯಾನರ್ ಅಡಿಯಲ್ಲಿ ಹಿರಿಯ ನಿರ್ಮಾಪಕ ಕೆ.ಎಲ್.ನಾರಾಯಣ ನಿರ್ಮಿಸಲಿದ್ದಾರೆ. ರಾಜಮೌಳಿ ಅವರ ತಂದೆ, ಖ್ಯಾತ ಚಿತ್ರ ಸಾಹಿತಿ ಕೆ.ವಿ.ವಿಜಯೇಂದ್ರ ಪ್ರಸಾದ್ ಕಥೆಯನ್ನು ಪ್ರಸ್ತುತ ಪಡಿಸುತ್ತಿದ್ದಾರೆ. ಸದ್ಯ ಸ್ಕ್ರಿಪ್ಟ್ ವರ್ಕ್‌ನಲ್ಲಿ ಚಿತ್ರತಂಡ ಬ್ಯುಸಿಯಾಗಿದೆ.

ಮಗನ ತ್ಯಾಗದ ಬಗೆಗಿನ ಸಿನಿಮಾ ಕಂಡು ಕಣ್ಣೀರುಗರೆದ ಸಂದೀಪ್ ಉನ್ನಿಕೃಷ್ಣನ್ ಪೋಷಕರು

ಪೂಜಾ ಹೆಗ್ಡೆ ಜೊತೆ ಮಹೇಶ್ ಬಾಬು!

ಇನ್ನು ಈ ಚಿತ್ರಕ್ಕೂ ಮುನ್ನ ಮಹೇಶ್ ಬಾಬು ಮತ್ತು ಪೂಜಾ ಹೆಗ್ಡೆ ಕಾಂಬಿನೇಷನ್ ಸಿನಿಮಾ ಬರಲಿದೆ. ಮತ್ತೊಂದೆಡೆ ಸ್ಕ್ರಿಪ್ಟ್ ಕೂಡ ಲಾಕ್ ಆಗಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ ಜುಲೈ ಕೊನೆಯ ವಾರದಲ್ಲಿ ಚಿತ್ರತಂಡ ಶೂಟಿಂಗ್ ಶುರುವಾಗಿದೆ. ಇನ್ನು ನಿರ್ದೇಶಕ ತ್ರಿವಿಕ್ರಂ ಜೊತೆಗೂ ಸಿನಿಮಾ ಮಾಡಲಿದ್ದಾರೆ.