TRPಯಲ್ಲಿ 'ಬಾಹುಬಲಿ'ಯನ್ನು ಹಿಂದಿಕ್ಕಿದ ಮಹೇಶ್ ಬಾಬು 'ಸರಿಲೇರು ನೀಕೆವ್ವರು'

ಬಾಹುಬಲಿ ದಾಖಲೆಯನ್ನು ಮುರಿದ ಮಹೇಶ್ ಬಾಬು

ಅತಿ ಹೆಚ್ಚು ಟಿ ಆರ್ ಪಿ ಪಡೆಯುವ ಜೊತೆಗೆ ಬಾಹುಬಲಿ ಸಿನಿಮಾದ ದಾಖಲೆಯನ್ನು ಪುಡಿ ಪುಡಿ ಮಾಡಿದೆ. ಬಾಹುಬಲಿ-2 ಸಿನಿಮಾ ರಿಲೀಸ್ ಆಗಿ ಮೂರು ವರ್ಷಗಳಾಗಿದ್ದು, ಈ ಮೂರು ವರ್ಷಗಳಲ್ಲಿಯೂ ಬಾಹುಬಲಿ ಟಿ ಆರ್ ಪಿಯಲ್ಲಿ ಮೊದಲ ಸ್ಥಾನದಲ್ಲಿತ್ತು. ಸಾಕಷ್ಟು ದಾಖಲೆಗಳನ್ನು ನಿರ್ಮಿಸಿರುವ ಬಾಹುಬಲಿ ಟಿ ಆರ್ ಪಿಯಲ್ಲೂ ಕಿಂಗ್ ಆಗಿತ್ತು. ಆದರೀಗ ಮಹೇಶ್ ಬಾಬು ಸಿನಿಮಾ ಪ್ರಭಾಸ್ ದಾಖಲೆಯನ್ನು ಮುರಿದು ಹಾಕಿದೆ.

ಸರಿಲೇರು ನೀಕೆವ್ವರು ಟಿ ಆರ್ ಪಿ ಎಷ್ಟು?

ಇತ್ತೀಚಿಗೆ ಟಿವಿಯಲ್ಲಿ ಪ್ರಸಾರವಾದ ಸರಿಲೇರು ನೀಕೆವ್ವರು ಸಿನಿಮಾ 23.4 ಟಿ ಆರ್ ಪಿ ಪಡೆದಿದೆ. ಅಂದ್ಹಾಗೆ ಇದುವರೆಗೂ ಮೊದಲ ಸ್ಥಾನದಲ್ಲಿದ್ದ ಬಾಹುಬಲಿ 22.7 ಟಿ ಆರ್ ಪಿ ಪಡೆದಿತ್ತು. ಒಂದು ಪಾಯಿಂಟ್ ಅಂತರದಲ್ಲಿ ಈಗ ಮಹೇಶ್ ಬಾಬು ಅಭಿನಯದ ಸರಿಲೇರು ನೀಕೆವ್ವರು ಮೊದಲ ಸ್ಥಾನದಲ್ಲಿದೆ.

ಹೆಚ್ಚು ಟಿ ಆರ್ ಪಿ ಪಡೆದಿರುವ ಸಿನಿಮಾಗಳು

ಟಾಲಿವುಡ್ ನಲ್ಲಿ ಹೆಚ್ಚು ಟಿ ಆರ್ ಪಿ ಪಡೆದು ಮೊದಲ ಸ್ಥಾನದಲ್ಲಿ ಈಗ ಸರಿಲೇರು ನೀಕೆವ್ವರು ಸಿನಿಮಾವಿದೆ. 23.4 ಟಿ ಆರ್ ಪಿಯೊಂದಿಗೆ ಮೊದಲ ಸ್ಥಾನ ಪಡೆದರೆ, 22.7 ಟಿ ಆರ್ ಪಿಯೊಂದಿಗೆ ಬಾಹುಬಲಿ-2 ಎರಡನೇ ಸ್ಥಾನದಲ್ಲಿದೆ. ಇನ್ನು ಮೂರನೆ ಸ್ಥಾನದಲ್ಲಿ ಶ್ರೀಮಂತಡು(22.5)ಸಿನಿಮಾವಿದೆ. ನಾಲ್ಕನೆ ಸ್ಥಾನದಲ್ಲಿ ಬಾಹುಬಲಿ (21.7)ಸಿನಿಮಾವಿದೆ.

ಲಾಕ್ ಡೌನ್ ಹಿನ್ನಲೆ ಹೆಚ್ಚಿದ ಟಿ ಆರ್ ಪಿ

ಸದ್ಯ ಲಾಕ್ ಡೌನ್ ಇರುವ ಕಾರಣ ಜನ ಮನೆಯಲ್ಲಿಯೆ ಇದ್ದಾರೆ. ಹಾಗಾಗಿ ಸರಿಲೇರು ನೀಕೆವ್ವರು ಸಿನಿಮಾಗೆ ಹೆಚ್ಚು ಟಿ ಆರ್ ಪಿ ಬಂದಿದೆ ಎಂದು ಹೇಳಲಾಗುತ್ತಿದೆ. ಈ ಸಮಯದಲ್ಲಿ ಸಿನಿಮಾ ಪ್ರಸಾರ ಮಾಡಿರುವುದು ಉತ್ತಮ ನಿರ್ಧಾರ ಎಂದು ಅನೇಕರು ಹೇಳುತ್ತಿದ್ದಾರೆ.

ಮಹೇಶ್ ಬಾಬು ಮತ್ತು ರಶ್ಮಿಕಾ ಅಭಿನಯದ ಸಿನಿಮಾ

ಕಲೆಕ್ಷನ್ ವಿಚಾರದಲ್ಲಿಯೂ ದಾಖಲೆ ನಿರ್ಮಿಸಿರುವ ಸರಿಲೇರು ನೀಕೆವ್ವರು ನಿರ್ದೇಶಕ ಅನಿಲ್ ರವಿಪುಡಿ ಸಾರಥ್ಯದಲ್ಲಿ ಮೂಡಿಬಂದ ಸಿನಿಮಾ. ಚಿತ್ರದಲ್ಲಿ ಮಹೇಶ್ ಬಾಬುಗೆ ನಾಯಕಿಯಾಗಿ ರಶ್ಮಿಕಾ ಮಂದಣ್ಣ ಕಾಣಿಸಿಕೊಂಡಿದ್ದಾರೆ. ಮೊದಲ ಬಾರಿಗೆ ರಶ್ಮಿಕಾ ಮಹೇಶ್ ಬಾಬು ಜೊತೆ ತೆರೆಹಂಚಿಕೊಂಡಿದ್ದಾರೆ. ಜನವರಿಯಲ್ಲಿ ರಿಲೀಸ್ ಆದ ಸಿನಿಮಾ ದೊಡ್ಡ ಮಟ್ಟಕ್ಕೆ ಸಕ್ಸಸ್ ಕಂಡಿದೆ.