ಮಹೇಶ್ ಬಾಬು ಪತ್ನಿ ನಮ್ರತಾ ಹಾಕಿಸಿಕೊಂಡಿರುವ ಟ್ಯಾಟೂ ವಿಷಯ ಬಹಿರಂಗ

ಟ್ಯಾಟೂ ತೋರಿಸಿ ಎಂದು ಸವಾಲು ಹಾಕಿದ ಅಭಿಮಾನಿ

ನಮ್ರತಾ ಅವರು ಕೈಮೇಲೆ ಟ್ಯಾಟೂ ಒಂದನ್ನು ಹಾಕಿಸಿಕೊಂಡಿದ್ದಾರೆ. ಈ ವಿಷಯ ಬಹುತೇಕರಿಗೆ ಗೊತ್ತಿರಲಿಲ್ಲ. ಆದರೆ ಪ್ರಶ್ನೋತ್ತರದ ವೇಳೆ ಅಭಿಮಾನಿಯೊಬ್ಬ, 'ಮೇಡಂ ನಿಮ್ಮ ಕೈ ಮೇಲಿರುವ ಟ್ಯಾಟೂತೋರಿಸಿ' ಎಂದು ಕೇಳಿದ್ದಾನೆ. ಇದಕ್ಕೆ ನಮ್ರತಾ ಟ್ಯಾಟೂ ಚಿತ್ರವನ್ನು ಕಳಿಸಿದ್ದಾರೆ.

ಮೂವರು ವ್ಯಕ್ತಿಗಳ ಹೆಸರು ಟ್ಯಾಟೂ

ನಮ್ರತಾ ಕೈ ಮೇಲೆ ಮೂವರು ವ್ಯಕ್ತಿಗಳ ಹೆಸರನ್ನು ಟ್ಯಾಟೂ ಹಾಕಿಸಿಕೊಂಡಿದ್ದಾರೆ. ಮೊದಲನೇಯದು ಪತಿ ಮಹೇಶ್ ಬಾಬು, ಅದರ ಕೆಳಗೆ ಮಕ್ಕಳಾದ ಸಿತಾರಾ ಮತ್ತು ಗೌತಮ್ ಹೆಸರನ್ನು ಟ್ಯಾಟೂ ಹಾಕಿಸಿಕೊಂಡಿದ್ದಾರೆ. ಹೆಸರುಗಳು ಹಿಂದಿ ಭಾಷೆಯಲ್ಲಿ ಬರೆದಿರುವಂತೆ ಕಾಣುತ್ತದೆಯಾದರೂ ಇಂಗ್ಲಿಷ್ ಭಾಷೆಯಲ್ಲಿ ಬರೆಯಲಾಗಿದೆ.

2005 ರಲ್ಲಿ ಮದುವೆಯಾದ ಮಹೇಶ್-ನಮ್ರತಾ

ಮಹೇಶ್ ಬಾಬು ಹಾಗೂ ನಮ್ರತಾ 2005 ರಲ್ಲಿ ಮದುವೆಯಾದರು ಅವರಿಗೆ ಸಿತಾರಾ ಮತ್ತು ಗೌತಮ್ ಎಂಬ ಇಬ್ಬರು ಮಕ್ಕಳಿದ್ದಾರೆ. ಗೌತಮ್ ಈಗಾಗಲೇ ನೇನೊಕ್ಕಿಡಿನೇ ಸಿನಿಮಾದಲ್ಲಿ ಮಹೇಶ್ ಬಾಬು ಅವರೊಟ್ಟಿಗೆ ನಟಿಸಿದ್ದಾರೆ.

ನಮ್ರತಾ ಸಾಕಷ್ಟು ವಿಷಯ ಮಾತನಾಡಿದ್ದಾರೆ

ಅಭಿಮಾನಿಗಳೊಂದಿಗೆ ಪ್ರಶ್ನೋತ್ತರದಲ್ಲಿ ನಮ್ರತಾ ಸಾಕಷ್ಟು ವಿಷಯಗಳನ್ನು ಬಹಿರಂಗಗೊಳಿಸಿದ್ದಾರೆ. ಮಹೇಶ್ ಬಾಬು ಅಭಿನಯದ ಇಷ್ಟದ ಸಿನಿಮಾ, ಮಕ್ಕಳು, ಲಾಕ್‌ಡೌನ್, ಇನ್ನೂ ಹಲವ ವಿಷಯಗಳ ಬಗ್ಗೆ ಅವರು ಮಾತನಾಡಿದ್ದಾರೆ.