ಅಲ್ಲು ಅರ್ಜುನ್ ಜೊತೆಗಿನ ಕದನ: ಪ್ರಿನ್ಸ್ ಮಹೇಶ್ ಬಾಬು ಬಾಯ್ಬಿಟ್ಟಿದ್ದೇನು.?

ಸ್ಟಾರ್ ವಾರ್ ಬಗ್ಗೆ ಮಹೇಶ್ ಬಾಬು ಮಾತು

''ನಾನು ಕೇವಲ ನಟ. ನಟನೆ ಮಾಡುವುದಷ್ಟೇ ನನ್ನ ಕೆಲಸ. ಮಿಕ್ಕಿದ್ದನ್ನೆಲ್ಲ ನನ್ನ ನಿರ್ಮಾಪಕರು ನೋಡಿಕೊಳ್ಳುತ್ತಾರೆ. ಸಿನಿಮಾ ಬಿಡುಗಡೆಯ ದಿನಾಂಕ ಮತ್ತು ಕೆಲ ತಾಂತ್ರಿಕ ನಿರ್ಧಾರಗಳನ್ನು ತೆಗೆದುಕೊಳ್ಳುವುದು ಕೂಡ ನಿರ್ಮಾಪಕರೇ. ಅದು ಅವರ ಕೆಲಸ. ನನಗೆ ಮಾಡಲು ಬೇರೆ ಬೇಕಾದಷ್ಟು ಕೆಲಸಗಳಿವೆ'' ಎಂದು ಸಂದರ್ಶನವೊಂದರಲ್ಲಿ 'ಡೇಟ್ಸ್ ಕ್ಲ್ಯಾಶ್ ನಿಂದಾದ ಸ್ಟಾರ್ ವಾರ್' ಬಗ್ಗೆ ಮಹೇಶ್ ಬಾಬು ಹೇಳಿದ್ದಾರೆ.

ಅಲ್ಲು ಎದುರಲ್ಲಿ ತಮನ್ 'ಫೇಕ್ ಕಲೆಕ್ಷನ್' ಹೇಳಿಕೆ: ಮಹೇಶ್ ಬಾಬು ಫ್ಯಾನ್ಸ್ ಗರಂ

ಅದು ನನ್ನ ಕೆಲಸ ಅಲ್ಲ.!

''ಬಿಡುಗಡೆಯ ದಿನಾಂಕದ ಬಗ್ಗೆ ನಿರ್ಧಾರ ಕೈಗೊಳ್ಳಲು ಚೇಂಬರ್, ನಿರ್ಮಾಪಕರ ಸಂಘ, ವಿತರಕರ ಸಂಘ ಇದೆ. ಅವರ ಕೆಲಸವೇ ಅದು. ನನ್ನದಲ್ಲ'' ಎಂದು ಸಂದರ್ಶನದಲ್ಲಿ ಹೇಳಿದ್ದಾರೆ ಮಹೇಶ್ ಬಾಬು.

ಕಲೆಕ್ಷನ್ ನಲ್ಲಿ ಮಹೇಶ್ ಬಾಬು ಸಿನಿಮಾ ಹಿಂದಿಕ್ಕಿ ದಾಖಲೆ ಬರೆದ ನಟ ಅಲ್ಲು ಅರ್ಜುನ್

ಒಟ್ಟಿಗೆ ರೇಸ್ ಗೆ ಇಳಿದ ಸ್ಟಾರ್ಸ್

ಮಹೇಶ್ ಬಾಬು ಅಭಿನಯದ 'ಸರಿಲೇರು ನೀಕೆವ್ವರು' ಚಿತ್ರ ಜನವರಿ 11 ರಂದು ತೆರೆಗೆ ಬಂದಿತ್ತು. ಇನ್ನೂ ಅಲ್ಲು ಅರ್ಜುನ್ ಅಭಿನಯದ 'ಅಲಾ ವೈಕುಂಠಪುರಮುಲೋ' ಜನವರಿ 12 ರಂದು ರಿಲೀಸ್ ಆಗಿತ್ತು. ಡೇಟ್ಸ್ ಕ್ಲ್ಯಾಶ್ ನಿಂದಾಗಿ ಶನಿವಾರ ಮತ್ತು ಭಾನುವಾರ ಈ ಸಿನಿಮಾಗಳು ರಿಲೀಸ್ ಆದ್ವು. ಒಟ್ಟಿಗೆ ರೇಸ್ ಗೆ ಇಳಿದ ಮಹೇಶ್ ಬಾಬು ಮತ್ತು ಅಲ್ಲು ಅರ್ಜುನ್ ಇದೀಗ ಕಲೆಕ್ಷನ್ ಲೆಕ್ಕಾಚಾರದಲ್ಲಿ ಪೈಪೋಟಿ ನಡೆಸುತ್ತಿದ್ದಾರೆ.

'ಬಾಹುಬಲಿ' ಪ್ರಭಾಸ್ ರೆಕಾರ್ಡ್ ನ ಪೀಸ್ ಪೀಸ್ ಮಾಡಿದ ಅಲ್ಲು ಅರ್ಜುನ್.!

ಸೋಷಿಯಲ್ ಮೀಡಿಯಾದಲ್ಲಿ ಫ್ಯಾನ್ಸ್ ವಾರ್

ಡೇಟ್ಸ್ ಕ್ಲ್ಯಾಶ್ ನಿಂದ ಆರಂಭವಾದ ಮಹೇಶ್ ಬಾಬು ಮತ್ತು ಅಲ್ಲು ಅರ್ಜುನ್ ನಡುವಿನ 'ಸ್ಟಾರ್ ವಾರ್' ಇದೀಗ 'ಫೇಕ್ ಕಲೆಕ್ಷನ್'ವರೆಗೂ ಬಂದು ನಿಂತಿದೆ. ಹತ್ತು ದಿನಗಳ ಕಲೆಕ್ಷನ್ ಪಟ್ಟಿಯನ್ನ ಎರಡೂ ಚಿತ್ರತಂಡಗಳೂ ಬಿಡುಗಡೆ ಮಾಡಿವೆ. ಆದ್ರೆ, 'ಸರಿಲೇರು ನೀಕೆವ್ವರು' ಚಿತ್ರತಂಡ ಕೊಟ್ಟಿರುವ ಕಲೆಕ್ಷನ್ ಲೆಕ್ಕಾಚಾರ ಸುಳ್ಳು ಅಂತ ಅಲ್ಲು ಅರ್ಜುನ್ ಫ್ಯಾನ್ಸ್ ದೂರಿದ್ದರೆ, 'ಅಲಾ ವೈಕುಂಠಪುರಮುಲೋ' ಚಿತ್ರತಂಡ ನೀಡಿರುವ ಕಲೆಕ್ಷನ್ ಪಟ್ಟಿ ಸುಳ್ಳು ಅಂತ ಮಹೇಶ್ ಬಾಬು ಅಭಿಮಾನಿಗಳು ಆರೋಪಿಸಿದ್ದಾರೆ. ಇದರಿಂದ ಸಾಮಾಜಿಕ ಜಾಲತಾಣದಲ್ಲಿ ಮಹೇಶ್ ಬಾಬು ಫ್ಯಾನ್ಸ್ ಮತ್ತು ಅಲ್ಲು ಅರ್ಜುನ್ ಅಭಿಮಾನಿಗಳ ಮಧ್ಯೆ ದೊಡ್ಡ ಸಮರ ನಡೆಯುತ್ತಿದೆ.