ಸಮಂತಾ ಚಿತ್ರ ನೋಡಿ ಹೃದಯಾಘಾತ: ಚಿತ್ರಮಂದಿರದಲ್ಲಿ ಪ್ರಾಣಬಿಟ್ಟ ವ್ಯಕ್ತಿ.!

ಚಿತ್ರ ಮುಗಿದರೂ ಆಚೆ ಬರಲಿಲ್ಲ.!

ಹೈದರಾಬಾದ್ ನ ಗೋಕುಲ್ ಥಿಯೇಟರ್ ನಲ್ಲಿ 'ಜಾನು' ಚಿತ್ರದ ಪ್ರದರ್ಶನ ನಡೆಯುತ್ತಿತ್ತು. ಎಲ್ಲರಂತೆ 'ಜಾನು' ಚಿತ್ರವನ್ನು ವೀಕ್ಷಿಸಲು ವ್ಯಕ್ತಿಯೊಬ್ಬ ಚಿತ್ರಮಂದಿರದ ಒಳಗೆ ಹೋಗಿದ್ದಾನೆ. ಆದ್ರೆ, ಚಿತ್ರ ಮುಗಿದರೂ ಆ ವ್ಯಕ್ತಿ ಥಿಯೇಟರ್ ನಿಂದ ಆಚೆ ಬರಲಿಲ್ಲ. ಹೀಗಾಗಿ, ಚಿತ್ರಮಂದಿರದ ಸಿಬ್ಬಂದಿ ಹತ್ತಿರ ಹೋದಾಗ ಅನುಮಾನಗೊಂಡಿದ್ದಾರೆ.

ಹೃದಯಾಘಾತದಿಂದ ನಿಧನ

ಚಿತ್ರಮಂದಿರದ ಸಿಬ್ಬಂದಿ ಕೂಡಲೆ ಪೊಲೀಸರಿಗೆ ಮಾಹಿತಿ ರವಾನಿಸಿದ್ದಾರೆ. ಪ್ರಕರಣವನ್ನು ದಾಖಲಿಸಿಕೊಂಡ ಪೊಲೀಸರು, ಆ ವ್ಯಕ್ತಿಯ ದೇಹವನ್ನು ಹತ್ತಿರದ ಗಾಂಧಿ ಆಸ್ಪತ್ರೆ ಕರೆದೊಯ್ದಿದ್ದಾರೆ. ಹೃದಯಾಘಾತದಿಂದ ಆ ವ್ಯಕ್ತಿ ಮೃತಪಟ್ಟಿದ್ದಾನೆಂದು ಆಸ್ಪತ್ರೆ ವೈದ್ಯರು ತಿಳಿಸಿದ್ದಾರೆ.

ಗುರುತು ಸಿಕ್ಕಿಲ್ಲ.!

ಅಸಲಿಗೆ, ಆ ವ್ಯಕ್ತಿಯ ಹೆಸರೇನು.? ಕುಟಂಬಸ್ಥರು ಯಾರು.? ಎಂಬುದು ತಿಳಿದುಬಂದಿಲ್ಲ. ಆ ವ್ಯಕ್ತಿಯ ಗುರುತು ಪತ್ತೆ ಹಚ್ಚಲು ಜೇಬಿನಲ್ಲಿ ಯಾವುದೇ ಗುರುತಿನ ಚೀಟಿ ಲಭ್ಯವಾಗಿಲ್ಲ.

'ಜಾನು' ಕುರಿತು

ಅಂದ್ಹಾಗೆ, ಸಿ.ಪ್ರೇಮ್ ಕುಮಾರ್ ನಿರ್ದೇಶನದ ಸಮಂತಾ ಮತ್ತು ಶರ್ವಾನಂದ್ ನಟನೆಯ ಚಿತ್ರ 'ಜಾನು'. ದಿಲ್ ರಾಜು ನಿರ್ಮಾಣ ಮಾಡಿರುವ ಈ ಚಿತ್ರಕ್ಕೆ ಗೋವಿಂದ್ ವಸಂತ ಸಂಗೀತ ನೀಡಿದ್ದಾರೆ.