ಬೇರೆಯವರ ಜೀವನ ಕೆದಕುವ ರಾಮ್‌ಗೋಪಾಲ್ ವರ್ಮಾ ಜೀವನದ ಬಗ್ಗೆ ಸಿನಿಮಾ!

ಪವನ್ ಕಲ್ಯಾಣ್ ಬಗ್ಗೆ ಸಿನಿಮಾ

ಖ್ಯಾತ ನಟ ಪವನ್ ಕಲ್ಯಾಣ್ ಅವರ ಜೀವನದ ಬಗ್ಗೆ ಸಿನಿಮಾ ನಿರ್ದೇಶಿಸುತ್ತಿರುವ ರಾಮ್ ಗೋಪಾಲ್ ವರ್ಮಾ ಈಗಾಗಲೇ ಟ್ರೇಲರ್ ಸಹ ಬಿಡುಗಡೆ ಮಾಡಿದ್ದಾರೆ. ಟ್ರೇಲರ್‌ನಲ್ಲಿಯೇ ಸಾಕಷ್ಟು ವಿವಾದಾತ್ಮಕ ಅಂಶಗಳು ಎದ್ದು ಕಾಣುತ್ತಿವೆ.

ರಾಮ್ ಗೋಪಾಲ್ ವರ್ಮಾ ಬಗ್ಗೆ ಸಿನಿಮಾ

ಆದರೆ ಇದಕ್ಕೆ ವಿರುದ್ಧವಾಗಿ ಈಗ ರಾಮ್‌ಗೋಪಾಲ್ ವರ್ಮಾ ಬಗ್ಗೆಯೇ ಸಿನಿಮಾ ನಿರ್ದೇಶಿಸಲಾಗುತ್ತಿದ್ದು, ಇದಕ್ಕೆ 'ಪರಾನ್ನ ಜೀವಿ' ಎಂದು ಹೆಸರಿಡಲಾಗಿದೆ. ಸಿನಿಮಾದ ಹೆಸರಿನ ಅರ್ಥ ಪರಾವಲಂಬಿ ಎಂದು.

ವರ್ಮಾ ಬಗ್ಗೆ ಹಾಡೊಂದು ಬಿಡುಗಡೆ

ಈಗಾಗಲೇ ಸಿನಿಮಾದ ಬಗ್ಗೆ ಹಾಡೊಂದನ್ನು ಬಿಡುಗಡೆ ಮಾಡಲಾಗಿದ್ದು, 'ಸತ್ತವರನ್ನೂ ಬಿಡದ, ಬದುಕಿರುವವರನ್ನು ಮುಕ್ಕುವ ಪರಾವಲಂಬಿ ಜೀವಿ ಆರ್‌ಜಿವಿ', 'ತಂಗಿ, ತಾಯಿ ವ್ಯತ್ಯಾಸ ಗೊತ್ತಿಲ್ಲ' ಎಂದು ರಾಮ್ ಗೋಪಾಲ್ ವರ್ಮಾ ಬಗ್ಗೆ ಹಾಡಿನಲ್ಲಿ ತೆಗಳಲಾಗಿದೆ.

ಪವನ್ ಕಲ್ಯಾಣ್ ಅಭಿಮಾನಿಯಿಂದ ನಿರ್ದೇಶನ

ಪವನ್ ಕಲ್ಯಾಣ್ ಅಭಿಮಾನಿ ಆಗಿರುವ ನೂತನ್ ನಾಯ್ಡು ಎಂಬುವರು ಈ ಸಿನಿಮಾ ನಿರ್ದೇಶನ ಮಾಡುತ್ತಿದ್ದಾರೆ. ಸಿನಿಮಾದಲ್ಲಿ ನಟಿಸಲು ವಿವಾದಗಳಿಂದಲೇ ಖ್ಯಾತಿ ಗಳಿಸಿರುವ ಶ್ರೀ ರೆಡ್ಡಿ ಅವರನ್ನು ಕೇಳಿಲಾಗಿತ್ತು, ಆದರೆ ಅವರು ನಟಿಸುವುದಿಲ್ಲವೆಂದಿದ್ದಾರೆ.