ರಶ್ಮಿಕಾ- ಪೂಜಾನ ಮೀರಿಸೋ ಗಟ್ಟಿಗಿತ್ತಿ ಬಂದೇಬಿಟ್ಲು: ಎಲ್ಲೆಲ್ಲೂ ಈಗ ಮರಾಠಿ ಮಲ್ಲಿಗೆ ಘಮಲು!

'ಸೀತಾ ರಾಮಂ' ಮೃಣಾಲ್ ಹವಾ

ಇತ್ತೀಚೆಗೆ ಬಿಡುಗಡೆಯಾದ ತೆಲುಗಿನ 'ಸೀತಾ ರಾಮಂ' ಸಿನಿಮಾ ಸೂಪರ್ ಹಿಟ್ ಆಗಿದೆ. ಚಿತ್ರದಲ್ಲಿ ದುಲ್ಕರ್ ಸಲ್ಮಾನ್ ಜೋಡಿಯಾಗಿ ಈ ಮರಾಠಿ ಚೆಲುವೆ ಮೃಣಾಲ್ ಠಾಕೂರ್ ನಟಿಸಿ ಗೆದ್ದಿದ್ದಾರೆ. ಸಿನಿಮಾ ನೋಡಿದವರೆಲ್ಲಾ ಈಕೆಯ ಚೆಲುವಿಗೆ ನಟನೆಗೆ ಮಾರು ಹೋಗಿದ್ದಾರೆ. ಹಿಂದಿಗೂ ಡಬ್ ಆಗಿ ಚಿತ್ರ ಸಖತ್ ಸದ್ದು ಮಾಡ್ತಿದೆ. ಓಟಿಟಿಯಲ್ಲೂ ಸ್ಟ್ರೀಮಿಂಗ್ ಆಗಿ ಸಿನಿರಸಿಕರನ್ನು ಸೆಳೀತಿದೆ.

ನೆಟ್‌ ವರ್ಲ್ಡ್ ತುಂಬೆಲ್ಲಾ ಮೃಣಾಲ್ ರಂಗು

'ಸೀತಾ ರಾಮಂ' ಚಿತ್ರದಲ್ಲಿ ಪ್ರಿನ್ಸೆಸ್ ನೂರ್ ಜಹಾನ್ ಆಗಿ ಮೃಣಾಲ್ ಮೋಡಿ ಮಾಡಿದ್ದಾರೆ. ಚಿತ್ರದಲ್ಲಿ ರಶ್ಮಿಕಾ ಮಂದಣ್ಣ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಸದ್ಯ ಸೋಷಿಯಲ್ ಮೀಡಿಯಾ ತುಂಬೆಲ್ಲಾ ಮೃಣಾಲ್ ಠಾಕೂರ್ ಕ್ಯೂಟ್ ಫೋಟೋಸ್ ರಾರಾಜಿಸುತ್ತಿದೆ. 'ಸೀತಾ ರಾಮಂ' ಚಿತ್ರದಲ್ಲಿ ಆಕೆಯ ಸಣ್ಣ ಸಣ್ಣ ವಿಡಿಯೋಗಳನ್ನು ಕಟ್ ಮಾಡಿ ಅಭಿಮಾನಿಗಳು ಶೇರ್ ಮಾಡ್ತಿದ್ದಾರೆ. ಸದ್ಯ ಮೃಣಾಲ್ ಠಾಕೂರ್ ಕ್ರೇಜ್ ಜೋರಾಗಿದೆ.

ಎನ್‌ಟಿಆರ್‌ ಜೋಡಿಯಾಗಿ ಮೃಣಾಲ್?

ಕೊರಟಾಲ ಶಿವ ನಿರ್ದೇಶನದ ಮುಂದಿನ ಚಿತ್ರದಲ್ಲಿ ಜ್ಯೂ. ಎನ್‌ಟಿಆರ್ ಹೀರೊ ಆಗಿ ನಟಿಸ್ತಿದ್ಧಾರೆ. ಚಿತ್ರಕ್ಕೆ ನಾಯಕಿ ಯಾರು ಅನ್ನುವ ಚರ್ಚೆ ಬಹಳ ದಿನಗಳಿಂದ ನಡೀತಾನೆ ಇದೆ. ಈ ಹಿಂದೆ ಪೂಜಾ ಹೆಗ್ಡೆ, ರಶ್ಮಿಕಾ ಮಂದಣ್ಣ ಹಾಗೂ ಆಲಿಯಾ ಭಟ್ ಹೆಸರುಗಳು ಕೇಳಿಬರ್ತಿದೆ. ಆದರೆ ಈಗ ಮೃಣಾಲ್ ಠಾಕೂರ್ ನಾಯಕಿಯಾಗ್ತಾರೆ ಅನ್ನುವ ಗುಸುಗುಸು ಶುರುವಾಗಿದೆ. ಅಷ್ಟರಮಟ್ಟಿಗೆ ಮೃಣಾಲ್ ಠಾಕೂರ್ ಹವಾ ಶುರುವಾಗಿದೆ.

ಮರಾಠಿ ಚೆಲುವೆಯಿಂದ ಪ್ರಬಲ ಪೈಪೋಟಿ

ಒಂದೇ ಒಂದು ಸಿನಿಮಾ ಹಿಟ್ ಆಗಿದ್ದಕ್ಕೆ ಮೃಣಾಲ್ ಕಾರುಬಾರು ಈ ರೇಂಜಿಗಿದೆ. ಇನ್ನೊಂದು ಹಿಟ್ ಕೊಟ್ಟರೆ ಕಥೆ ಮುಗೀತು. ನಟನೆ ಬರದೇ ಇದ್ದರೂ ಬರೀ ಗ್ಲಾಮರಸ್‌ ಆಗಿ ಕಾಣಿಸಿಕೊಂಡು ಗೆಲ್ಲುವವರಿಗೆ ಮೃಣಾಲ್ ಪ್ರಬಲ ಪೈಪೋಟಿ ಎಂದೇ ಹೇಳಬಹುದು. ಯಾಕಂದರೆ ಅಂದದ ಜೊತೆಗೆ ಅಭಿನಯದಲ್ಲೂ ಈಕೆ ಸೈ ಅನ್ನಿಸಿಕೊಂಡಿದ್ದಾರೆ. ಪೂಜಾ ಹೆಗ್ಡೆ, ರಶ್ಮಿಕಾ ಮಂದಣ್ಣ ಇಬ್ಬರಿಗೂ ಮೃಣಾಲ್ ಟಫ್ ಕಾಂಪಿಟೇಟರ್ ಅನ್ನುವ ಚರ್ಚೆ ಫಿಲ್ಮ್‌ ನಗರ್‌ನಲ್ಲಿ ನಡೀತಿದೆ. ಮರಾಠಿ ಚೆಲುವೆ ಆಗಿರುವುದರಿಂದ ಈಕೆಗೆ ಬಾಲಿವುಡ್ ಎಂಟ್ರಿ ಕೂಡ ಕಷ್ಟ ಆಗುವುದಿಲ್ಲ.