ಶೋಭಿತಾ ಧುಲಿಪಾಲ ಜೊತೆಗಿನ ಗಾಸಿಪ್ ಬಗ್ಗೆ ನಾಗಚೈತನ್ಯ ಪ್ರತಿಕ್ರಿಯೆ!

ಶೋಭಿತಾ, ನಾಗಚೈತನ್ಯ ಡೇಟಿಂಗ್ ಸುದ್ದಿ!

ತೆಲುಗು ನಟಿ ಶೋಭಿತಾ ಧುಲಿಪಾಲ ಜೊತೆಗೆ ನಟ ನಾಗಚೈತನ್ಯ ಡೇಟಿಂಗ್ ಮಾಡುತ್ತಿದ್ದಾರೆ. ಈ ಜೋಡಿ ಕದ್ದು ಮುಚ್ಚಿ ಡೇಟಿಂಗ್‌ನಲ್ಲಿ ಬ್ಯುಸಿ ಇದೆ ಎನ್ನಲಾಗಿತ್ತು. ಅಲ್ಲದೇ ಇವರು ಐಷರಾಮಿ ಹೋಟೆಲ್‌ಗಳಲ್ಲೇ ಡೇಟಿಂಗ್ ಮಾಡುತ್ತಿದ್ದರು. ಶೋಭಿತಾ ನಾಗಚೈತನ್ಯರ ಹೊಸ ಪ್ರೇಮಿ ಎನ್ನುವ ಸುದ್ದಿ ತೆಲುಗು ಚಿತ್ರರಂಗದಲ್ಲಿ ಜೋರಾಗಿತ್ತು. ಆದರೆ ಇದೆಲ್ಲವು ಗಾಸಿಪ್ ರೂಪದಲ್ಲಿ ಹರಿದಾಡುತ್ತಿದೆ.

ನಾಗಚೈತನ್ಯ ಎರಡನೇ ಮದುವೆ?

ನಾಗಚೈತನ್ಯ ಮತ್ತು ಶೋಭಿತಾ ಧುಲಿಪಾಲ ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನುವ ಸುದ್ದಿಯ ಬಳಿಕ, ಈ ಜೋಡಿ ಹಲವು ಬಾರಿ ಡೇಟಿಂಗ್ ಹೋಗಿದ್ದು, ಹೋಟೆಲ್‌ನಲ್ಲಿ ಮೀಟ್ ಮಾಡುತ್ತಿದ್ದರು ಎನ್ನಲಾಗಿತ್ತು. ಆದರೆ ಇದೆಲ್ಲವೂ ಗಾಸಿಪ್ ರೂಪದಲ್ಲೇ ಇದೆ. ಈಗ ಇದಕ್ಕೆ ಮತ್ತಷ್ಟು ರೆಕ್ಕೆ ಪುಕ್ಕ ಬಂದಿದೆ. ಶೋಭಿತಾಳನ್ನು ನಾಗಚೈತನ್ಯ ಮದುವೆ ಆಗುತ್ತಾರೆ ಎನ್ನಲಾಗುತ್ತಿದೆ. ಇದಕ್ಕೆ ನಾಗಚೈತನ್ಯ ಕುಟುಂಬದ ಒಪ್ಪಿಗೆಯೂ ಇದೆ ಎನ್ನಲಾಗಿತ್ತು.

ಶೋಭಿತಾ ಬಗ್ಗೆ ನಾಗಚೈತನ್ಯ ಮಾತು!

ಇತ್ತೀಚೆಗಿನ ಸಂದರ್ಶನ ಒಂದರಲ್ಲಿ ನಟ ನಾಗಚೈತನ್ಯಗೆ ಹಲವರ ಬಗ್ಗೆ ಪ್ರಶ್ನೆ ಕೇಳಲಾಯ್ತು. ವಿಜಯ್ ದೇವರಕೊಂಡ, ರಾಶಿ ಖಾನ್ನಾ, ಕೃತಿ ಶೆಟ್ಟಿ ಮತ್ತು ಶೋಭಿತಾ ಧುಲಿಪಾಲ ಬಗ್ಗೆ ಪ್ರಶ್ನೆ ಕೇಳಲಾಯಿತು. ಎಲ್ಲರ ಬಗ್ಗೆ ಸರಿಯಾಗಿ ಉತ್ತರ ಕೊಟ್ಟ ನಾಗಚೈತನ್ಯ, ಶೋಭಿತಾ ಬಗ್ಗೆ ವಿಭಿನ್ನ ಪ್ರತಿಕ್ರಿಯೆ ಕೊಟ್ಟಿದ್ದಾರೆ. ಶೋಭಿತಾ ಧುಲಿಪಾಲ ಹೆಸರು ಕೇಳಿದಾಕ್ಷಣ ಜೋರಾಗಿ ನಕ್ಕ ನಾಗಚೈತನ್ಯ. "ಈ ಪ್ರಶ್ನೆಗೆ ನಾಗು ನಕ್ಕು ಸ್ಮೈಲ್ ಮಾಡುತ್ತೇನೆ ಅಷ್ಟೆ" ಎಂದಿದ್ದಾರೆ.

ಸಮಂತಾ ಪ್ರತಿಕ್ರಿಯೆ!

ಹೀಗೆ ನಾಗಚೈತ್ಯ ಡೇಟಿಂಗ್ ವಿಚಾರದಲ್ಲಿ ಸಮಂತಾ ಹೆಸರು ಕೇಳಿ ಬಂದಿದ್ದಕ್ಕೆ, ನಟಿ ಸಮಂತಾ ಉತ್ತರ ನೀಡಿದ್ದರು. ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಹಂಚಿಕೊಂಡ ಸಮಂತಾ, "ಹುಡುಗಿಯರ ಬಗ್ಗೆ ಗಾಸಿಪ್ ಬಂದರೆ, ಅದು ನಿಜವೆಂದು ನಂಬಲಾಗುತ್ತದೆ. ಹುಡುಗರ ಬಗ್ಗೆ ಗಾಸಿಪ್ ಬಂದರೆ ಇದಕ್ಕೆ ಹುಡುಗಿಯೇ ಕಾರಣ, ಎನ್ನುತ್ತೀರಾ. ಬುದ್ಧಿವಂತರಾಗಿ. ಜಗತ್ತು ಮುಂದುವರೆಯುತ್ತಿದೆ. ನೀವೂ ಕೂಡ ಮುಂದುವರೆಯಿರಿ. ನಿಮ್ಮ ಕೆಲಸ ಮತ್ತು ಕುಟುಂಬದ ಕಡೆಗೆ ಹೆಚ್ಚಿನ ಗಮನ ಕೊಡಿ. ಮುಂದೆ ಸಾಗಿ." ಎಂದು ತಮ್ಮ ಪೋಸ್ಟ್‌ನಲ್ಲಿ ಬರೆದುಕೊಂಡಿದ್ದರು.