ಡಿವೋರ್ಸ್ ಬಳಿಕ ಮಗನ ಖಾಸಗಿ ವಿಚಾರದ ಬಗ್ಗೆ ತುಟಿ ಬಿಚ್ಚಿದ ನಾಗಾರ್ಜುನ

ಮಗನ ಸಂತೋಷವಷ್ಟೇ ಮುಖ್ಯ ಎಂದ ಟಾಲಿವುಡ್​ ಕಿಂಗ್​

ಟಾಲಿವುಡ್​ ಕಿಂಗ್​ ನಾಗಾರ್ಜುನ್​ ಈವರೆಗೂ ಮಗನ ಖಾಸಗಿ ಬದುಕಿನ ವಿಚಾರವಾಗಿ ಎಲ್ಲಿಯೂ ಮಾತನಾಡಿರಲಿಲ್ಲ. ಆದರೆ ಇದೀಗ ಮಗನ ಡಿವೋರ್ಸ್ ಬಗ್ಗೆ ಮಾತನಾಡಿದ್ದು, ನನಗೆ ಮಗನ ಸಂತೋಷವಷ್ಟೇ ಮುಖ್ಯ ಎಂದಿದ್ದಾರೆ. ಸದ್ಯ ಆತ ಖುಷಿಯಾಗಿದ್ದಾನೆ. ನಾಗ ಚೈತನ್ಯ ಜೀವನದಲ್ಲಿ ಈ ಘಟನೆ ನಡೆದಿರುವುದು ದುರಾದೃಷ್ಟಕರ. ಬೇರೆ ವಿಷಯದ ಬಗ್ಗೆ ನಾವು ತಲೆ ಕೆಡಿಸಿಕೊಳ್ಳುವುದಿಲ್ಲ. ಇದು ನಮ್ಮ ಜೀವನದ ಹೊರಗಿನ ವಿಚಾರ. ಪ್ರತಿಯೊಬ್ಬರು ಅವರವರ ಜೀವನವನ್ನು ಅವರು ನಿಭಾಯಿಸುತ್ತಾರೆ ಎಂದಿದ್ದಾರೆ.

ಮಗಿದು ಹೋದ ಕಥೆ ಎಂದು ಬೇಸರಪಟ್ಟ ಜೋಸೆಫ್​ ಪ್ರಭು

ಕಳೆದ ಕೆಲ ದಿನಗಳ ಹಿಂದೆ ಸಮಂತಾ ತಂದೆ ಜೋಸೆಫ್​ ಅವರು ನಾಗ ಚೈತನ್ಯ ಹಾಗೂ ಸಮಂತ ಮದುವೆಯ ಸಂತಸದ ಕ್ಷಣದ ಫೋಟೋಗಳನ್ನು ಶೇರ್​ ಮಾಡಿದ್ದರು. ಈ ಮೂಲಕ ಮಗಳ ಜೀವನದ ಅತಿಮುಖ್ಯ ಘಟಕದ ಕ್ಷಣಗಳನ್ನು ಮೆಲುಕು ಹಾಕಿದ್ದರು. ಫೋಟೋಗಳ ಜೊತೆಗೆ ಅಡಿ ಬರಹ ಕೂಡ ಬರೆದಿದ್ದ ಸಮಂತಾ ತಂದೆ ಜೋಸೆಫ್​ ತುಂಬಾ ಅಂದ್ರೆ ತುಂಬಾ ಹಿಂದಿನ ಕಥೆ ಇದು. ಆದರೆ ಸದ್ಯ ಈ ವಿಚಾರ ಜೀವಂತವಾಗಿಲ್ಲ. ಆದ್ದರಿಂದ ಹೊಸ ಕಥೆ ಆರಂಭಿಸೋಣ ಎಂದು ಬರೆದುಕೊಂಡಿದ್ದರು. ಈ ಫೋಸ್ಟ್​ ನೋಡಿದ ಸಮಂತಾ-ನಾಗಚೈತನ್ಯ ಅಭಿಮಾನಿಗಳು ತೀವ್ರ ಬೇಸರ ವ್ಯಕ್ತಪಡಿಸಿದ್ದರು.

ಸಮಂತಾ ನಟನೆಯ ಮುಂದಿನ ಚಿತ್ರ ಯಾವುದು..?

ಸಮಂತಾ ಹಾಗೂ ನಾಗಚೈತನ್ಯ ನಡುವಿನ ಸಂಬಂಧದ ಬಿರುಕಿಗೆ ಸಂಮಂತಾ ಆಯ್ಕೆ ಮಾಡುತ್ತಿದ್ದ ಬೋಲ್ಡ್​ ಪಾತ್ರಗಳೂ ಕಾರಣ ಎನ್ನುವ ಸುದ್ದಿ ಕೂಡ ಹರಿದಾಡಿತ್ತು. ಈ ವಿಚಾರಕ್ಕೆ ಪುಷ್ಟಿ ಕೊಡುವಂತೆ ಸಮಂತಾ ಹಾಟ್​ ಆ್ಯಂಡ್​ ಬೋಲ್ಡ್​ ಫೋಟೋಗಳು ಕೂಡ ಇತ್ತೀಚಿಗೆ ಹೆಚ್ಚಾಗಿ ವೈರಲ್​ ಆಗುತ್ತಿದೆ. ಸಮಂತಾ ಕೂಡ ನೆಗೆಟಿವ್​ ಕಮೆಂಟ್​ಗಳಿಗೆ ಡೋಂಟ್​ ಕೇರ್​ ಎನ್ನುತ್ತಿದ್ದು, ತಮಗಿಷ್ಟ ಬಂದಂತೆ ಫ್ಯಾನ್ಸ್​ಗಳ ಮುಂದೆ ಕಾಣಿಸಿಕೊಳ್ಳುತ್ತಿದ್ದಾರೆ. ಇನ್ನು ವೃತ್ತಿ ಜೀವನದಲ್ಲೂ ಸಮಂತ ಬ್ಯುಸಿಯಾಗಿದ್ದು, ಯಶೋಧ ಹಾಗೂ ಶಕುಂತಲಂ ಚಿತ್ರಗಳ ಕೆಲಸಲ್ಲಿ ತೊಡಗಿಸಿಕೊಂಡಿದ್ದಾರೆ.

ನಟಿ ಶೋಭಿತಾ ಜೊತೆ ಸ್ಯಾಮ್​ ಮಾಜಿ ಪತಿ ಲವ್ವಿ-ಡವ್ವಿ

ಇನ್ನು ಡಿವೋರ್ಸ್ ಬಳಿಕ ಸೈಲೆಂಟ್​ ಆಗಿದ್ದ ನಾಗಾಚೈತನ್ಯ ಇತ್ತೀಚಿಗೆ ಲಾಲ್​ ಸಿಂಗ್​ ಚೆಡ್ಡಾ ಸಿನಿಮಾ ಪ್ರಚಾರದ ವೇಳೆ ಮತ್ತೆ ಮುಖ್ಯ ಭೂಮಿಕೆಗೆ ಬಂದಿದ್ದರು. ಜೀವನದಲ್ಲಿ ಪ್ರೀತಿ ಎನ್ನುವ ಅಂಶ ಮುಖ್ಯವೆಂದಿದ್ದ ನಾಗಚೈತನ್ಯ ಮತ್ತೆ ಲವ್​ನಲ್ಲಿ ಬಿದ್ದಿದ್ದಾರೆ ಎನ್ನುವ ಗಾಸಿಪ್​ ಕೂಡ ಹರಿದಾಡುತ್ತಿದೆ. ಸದ್ಯ ನಟಿ ಶೋಭಿತಾ ಧುಲಿಪಲಾ ಹೆಸರಿನ ಜೊತೆ ನಾಗಚೈತನ್ಯ ಹೆಸರು ತಳುಕು ಹಾಕಿಕೊಂಡಿದ್ದು, ಇಬ್ಬರ ಮಧ್ಯೆ ಲವ್ವಿ-ಡವ್ವಿ ಶುರುವಾಗಿದೆ ಎನ್ನುವ ಮಾತು ಸಹ ಕೇಳಿ ಬರುತ್ತಿದೆ.