Don't Miss!
- Technology Poco: ವಿಶೇಷ ಟ್ಯಾಬ್ಲೆಟ್ ಲಾಂಚ್ ಮಾಡಲು ಸಿದ್ಧವಾಗ್ತಿದೆ ಪೊಕೊ! ಸಖತ್ ಸ್ಟೈಲಿಶ್..
- Lifestyle ರುಚಿ ರುಚಿಯ ಸ್ಪೆಷಲ್ ಅಂಬೂರ್ ಬಿರಿಯಾನಿ ಮಾಡಿ ನೋಡಿ..! ಇಲ್ಲಿದೆ ರೆಸಿಪಿ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Automobiles ಪ್ರಸಿದ್ಧ ಪುಣ್ಯಕ್ಷೇತ್ರ ಶೃಂಗೇರಿ ಶಾರದಾಂಬಾ ದರ್ಶನಕ್ಕೆ ತೆರಳಬೇಕೇ.. ಹಾಗಾದರೆ ಈ ಸ್ಟೋರಿ ನೋಡಿ
- News ಮೀಸಲಾತಿ ಅಸ್ತ್ರ ಪ್ರಯೋಗಿಸಿದ ಮೋದಿ; ಮುಸ್ಲಿಂ ಸಮುದಾಯಕ್ಕೆ 4% ಮೀಸಲಾತಿ: ಸಿದ್ದರಾಮಯ್ಯ
- Sports IPL 2024: ಎಸ್ಆರ್ಹೆಚ್ ಸಂಘಟಿತ ಆಟಕ್ಕೆ ಬ್ರೇಕ್ ಹಾಕಲು ಆರ್ಸಿಬಿ ಏನು ಮಾಡಬೇಕು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ನಾನಿ 'ಅಂಟೆ ಸುಂದರಾನಿಕಿ' ಟಿವಿ ಪ್ರೀಮಿಯರ್ ಟಿಆರ್ಪಿ ನೋಡಿದ್ರೆ ನಿಮಗೂ ಶಾಕ್ ಆಗುತ್ತೆ!
ನ್ಯಾಚುರಲ್ ಸ್ಟಾರ್ ನಾನಿ ಹಾಗೂ ನಜ್ರಿಯಾ ನಜೀಮ್ ಅಭಿನಯದ 'ಅಂಟೆ ಸುಂದರಾನಿಕಿ' ಇದೇ ವರ್ಷದ ಜೂನ್ 10ರಂದು ತೆರೆಕಂಡಿತ್ತು. 'ಮೆಂಟಲ್ ಮದಿಲೊ' ಹಾಗೂ 'ಬ್ರೊಚೆವರೆವರುರಾ' ಎಂಬ ಹಿಟ್ ಹಾಗೂ ಜನಪ್ರಿಯ ಚಿತ್ರಗಳನ್ನು ನಿರ್ದೇಶಿಸಿದ್ದ ವಿವೇಕ್ ಆತ್ರೇಯಾ ನಿರ್ದೇಶನ ಈ ಚಿತ್ರಕ್ಕಿತ್ತು.
ಹೀಗೆ ಒಳ್ಳೆಯ ನಟ, ನಟಿ ಮತ್ತು ನಿರ್ದೇಶಕನ ಕಾಂಬಿನೇಷನ್ ಇದ್ದ ಈ ಚಿತ್ರ ಬಾಕ್ಸಾಫೀಸ್ ಕೊಳ್ಳೆ ಹೊಡೆಯಲಿದೆ ಎಂದೇ ಲೆಕ್ಕಾಚಾರ ಹಾಕಿದ್ದರು ಬಾಕ್ಸ್ ಆಫೀಸ್ ಪಂಡಿತರು. ಆದರೆ 30 ಕೋಟಿ ವೆಚ್ಚದೊಂದಿಗೆ ತಯಾರಾಗಿದ್ದ ಅಂಟೆ ಸುಂದರಾನಿಕಿ ಸಿನಿಮಾ 38 ಕೋಟಿ ಗಳಿಕೆ ಮಾಡುವಲ್ಲಿ ಮಾತ್ರ ಯಶಸ್ವಿಯಾಗಿತ್ತು. ಐಎಂಡಿಬಿಯಲ್ಲಿ 10ಕ್ಕೆ 7.6 ಅಂಕಗಳನ್ನು ಪಡೆದುಕೊಂಡಿರುವ ಈ ಚಿತ್ರ ಒಂದೊಳ್ಳೆ ಫ್ಯಾಮಿಲಿ ಎಂಟರ್ ಟೈನರ್ ಕೂಡ ಆಗಿದೆ.
ಈಗಿನ ಸಿನಿಪ್ರೇಕ್ಷಕರು ಇಷ್ಟಪಡುವಂತಹ ಕಥೆ ಹಾಗೂ ಚಿತ್ರಕಥೆ ಇದ್ದ ಈ ಚಿತ್ರ ಒಳ್ಳೆಯ ಓಪನಿಂಗ್ ಪಡೆದುಕೊಂಡಿತ್ತು. ಆದರೆ ಚಿತ್ರ ನಂತರದ ದಿನಗಳಲ್ಲಿ ನಿರೀಕ್ಷಿಸಿದ್ದ ಪ್ರದರ್ಶನ ಕಾಣುವಲ್ಲಿ ವಿಫಲವಾಯಿತು ಮತ್ತು ಹಲವೆಡೆ ವಿತರಕರಿಗೆ ಚಿತ್ರ ನಷ್ಟವನ್ನು ಕೂಡ ಉಂಟು ಮಾಡಿತು. ಹೀಗೆ ಚಿತ್ರಮಂದಿರದಲ್ಲಿ ಇದ್ದಾಗ ಅರ್ಹ ಫಲಿತಾಂಶವನ್ನು ಪಡೆಯುವಲ್ಲಿ ವಿಫಲವಾದ ಅಂಟೆ ಸುಂದರಾನಿಕಿ ಚಿತ್ರ ಇತ್ತೀಚಿಗಷ್ಟೆ ಜೆಮಿನಿ ಟಿವಿಯಲ್ಲಿ ಮೊದಲ ಬಾರಿಗೆ ಪ್ರಸಾರವಾಗಿತ್ತು. ಈ ಪ್ರೀಮಿಯರ್ ಪ್ರಸಾರದ ಟಿಆರ್ ಪಿ ರೇಟಿಂಗ್ ಹೊರಬಿದ್ದಿದ್ದು ಚಿತ್ರ ಕೇವಲ 1.88 ಟಿಆರ್ ಪಿ ಪಡೆದುಕೊಳ್ಳುವುದರ ಮೂಲಕ ಎಲ್ಲರನ್ನು ಅಚ್ಚರಿಗೆ ಒಳಗಾಗುವಂತೆ ಮಾಡಿದೆ.
ಓರ್ವ ಜನಪ್ರಿಯ ನಟ ಹಾಗೂ ಜನಪ್ರಿಯ ನಟಿ ಮತ್ತು ಪ್ರತಿಭಾವಂತ ನಿರ್ದೇಶಕ ಕೆಲಸ ಮಾಡಿರುವಂತಹ ಚಿತ್ರ ಇಷ್ಟು ಕಳಪೆ ಟಿಆರ್ ಪಿ ಪಡೆಯುವುದೆಂದರೆ ನಿಜಕ್ಕೂ ಶಾಕಿಂಗ್ ಎಂದು ಹಲವಾರು ಮಂದಿ ಈ ಕುರಿತು ಪ್ರತಿಕ್ರಿಯಿಸಿದ್ದಾರೆ. ಮತ್ತೊಂದೆಡೆ ಚಿತ್ರವನ್ನು ಓಟಿಟಿಯಲ್ಲಿ ಹಲವು ಸಿನಿಪ್ರಿಯರು ನೋಡಿದ ಕಾರಣ ಟಿವಿಯಲ್ಲಿ ಚಿತ್ರ ಹೆಚ್ಚು ಟಿ ಆರ್ ಪಿ ಗಳಿಸಲಿಲ್ಲ ಎಂದೂ ಸಹ ಕೆಲ ಮಂದಿ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.