ಮದುವೆ ಸಂಭ್ರಮದಲ್ಲಿ ನಿಹಾರಿಕಾ; ಸಂಗೀತ ಸಮಾರಂಭದಲ್ಲಿ ಮಿಂಚಿದ ಮೆಗಾಸ್ಟಾರ್ ಕುಟುಂಬ

ಸಂಗೀತ ಸಮಾರಂಭದ ವಿಡಿಯೋ ವೈರಲ್

ಮದುವೆ ಪೂರ್ವ ಶಾಸ್ತ್ರಗಳಲ್ಲಿ ನಿಹಾರಿಕಾ ಮಿಂಚುತ್ತಿದ್ದಾರೆ. ಇದೀಗ ಸಂಗೀತ ಸಮಾರಂಭದ ವಿಡಿಯೋ ಮತ್ತು ಫೋಟೋಗಳು ವೈರಲ್ ಆಗಿವೆ. ನಿಹಾರಿಕಾ ಮತ್ತು ಭಾವಿ ಪತಿ ಚೈತನ್ಯ ಇಬ್ಬರು ಹಿಂದಿ ಹಾಡಿಗೆ ಹೆಜ್ಜೆ ಹಾಕಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ನೀಲಿ ಬಣ್ಣದ ಗೌನ್ ಮಿಂಚಿದ ನಿಹಾರಿಕಾ

ನೀಲಿ ಬಣ್ಣದ ವಿ ನೆಕ್ ಗೌನ್ ಧರಿಸಿ ಕಂಗೊಳಿಸಿದ್ದಾರೆ. ಸ್ಟೈಲಿಶ್ ಚೋಕರ್ ನೆಕ್ಲೆಸ್ ಮತ್ತು ಕಿವಿಯೋಲೆ ಧರಿಸಿದ್ದಾರೆ. ಇನ್ನು ಮದುಮಗ ಚೈತನ್ಯ ಶ್ವೇತ ವರ್ಣದ ಶೇರ್ವಾನಿ ಧರಿಸಿದ್ದಾರೆ. ಸುಂದರವಾಗಿ ಕಾಣಿಸುತ್ತಿರುವ ನಿಹಾರಿಕಾ ಜೋಡಿ ಸ್ಟೇಜ್ ಮೇಲೆ ಡ್ಯಾನ್ಸ್ ಮಾಡುತ್ತಿರುವ ವಿಡಿಯೋ ಎಲ್ಲಾ ಕಡೆ ಹರಿದಾಡುತ್ತಿದೆ.

ಖಾಸಗಿ ವಿಮಾನದಲ್ಲಿ ಉದಯಪುರಕ್ಕೆ ಹೊರಟ ನವವಧು ನಿಹಾರಿಕಾ

ಅಮ್ಮನ ನಿಶ್ಚಿತಾರ್ಥದ ಸೀರೆ ಧರಿಸಿದ ನಿಹಾರಿಕಾ

ಮದುವೆ ಪೂರ್ವ ಶಾಸ್ತ್ರದಲ್ಲಿ ನಟಿ ನಿಹಾರಿಕಾ ಅವರ ಅಮ್ಮ ಪದ್ಮಜಾ ಅವರ ಸೀರೆ ಧರಿಸಿ ಮಿಂಚಿದ್ದರು. ನಿಹಾರಿಕಾ ತಾಯಿ ನಿಶ್ಚಿತಾರ್ಥದಲ್ಲಿ ಧರಿಸಿದ್ದ ಸೀರೆಯನ್ನು ನಿಹಾರಿಕಾ ತನ್ನ ಮದುವೆಗೆ ಧರಿಸಿ ಸಂತಸಪಟ್ಟಿದ್ದರು. ನೀಲಿ ಬಣ್ಣದ ಬನಾರಸ್ ಜರಿ ಸೀರೆ ಧರಿಸಿ ಫೋಟೋಗೆ ಪೋಸ್ ನೀಡಿದ್ದರು. 32 ವರ್ಷದ ಹಳೆಯ ಸೀರೆ ಇದಾಗಿದೆ. ನಿಹಾರಿಕಾ ತಾಯಿ ನಿಶ್ಚಿತಾರ್ಥದಲ್ಲಿ ಧರಿಸಿದ್ದ ಫೋಟೋ ಮತ್ತು ತನ್ನ ಫೋಟೋ ಎರಡನ್ನು ಶೇರ್ ಮಾಡಿದ್ದರು.

ನಿಮ್ಮ ಸಪೋರ್ಟ್ ಇದ್ರೇನೆ ನಮಗೆ ಒಂದು ಧೈರ್ಯ | Manasa | Pursothrama |Filmibeat Kannada

ಡಿಸೆಂಬರ್ 9ಕ್ಕೆ ಮದುವೆ

ಡಿಸೆಂಬರ್ 9ರಂದು ನಿಹಾರಿಕಾ ಮತ್ತು ಚೈತನ್ಯ ಮದುವೆ ನಡೆಯುತ್ತಿದೆ. ರಾಜಸ್ಥಾನದ ಉದಯಪುರದ ಉದಯ್ ವಿಲಾಸ ಅರಮನೆಯಲ್ಲಿ ಇಬ್ಬರ ಮದುವೆ ನಡೆಯಲಿದೆ. ಡಿಸೆಂಬರ್ 9 ಸಂಜೆ 7.15ರ ಮುಹೂರ್ತದಲ್ಲಿ ಚೈತನ್ಯ ನಿಹಾರಿಕಾ ಕೊರಳಿಗೆ ಮಾಂಗಲ್ಯ ಧಾರಣೆ ಮಾಡಲಿದ್ದಾರೆ. 8.30ರ ಬಳಿಕ ಊಟದ ವ್ಯವಸ್ಥೆ ಮಾಡಲಾಗಿದೆ.