ಅದ್ಧೂರಿಯಾಗಿ ನಡೆಯಲಿದೆ ಚಿರಂಜೀವಿ ಸಹೋದರನ ಮಗಳ ಮದುವೆ

ಚಿರಂಜೀವಿ ಸಹೋದರ ನಾಗಬಾಬು ಪುತ್ರಿ ನಿಹಾರಿಕಾ ಅಭಿನಯಿಸಿರುವುದು ಐದೇ ಸಿನಿಮಾಗಳಲ್ಲಿಯಾದರೂ ಸಾಮಾಜಿಕ ಜಾಲತಾಣದ ಮೂಲಕ ಸಾಕಷ್ಟು ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ.

ನಿಹಾರಿಕಾ ಕೋನಿಡೇಲ ವಿವಾಹ ಈಗಾಗಲೇ ನಿಶ್ಚಯವಾಗಿದ್ದು, ಉದ್ಯಮಿ ಚೈತನ್ಯ ಎಂಬುವರನ್ನು ನಿಹಾರಿಕಾ ವರಿಸಲಿದ್ದಾರೆ. ನಿಶ್ಚಿತಾರ್ಥ ಕಾರ್ಯ ಈಗಾಗಲೇ ಮುಗಿದಿದ್ದು, ಮದುವೆ ದಿನಾಂಕ ಇನ್ನೂ ಬಹಿರಂಗಗೊಂಡಿಲ್ಲ.

ನಿಹಾರಿಕಾ ಸಹೋದರ ನಟ ವರುಣ್ ತೇಜ್, ತಂಗಿ ಮದುವೆ ಭಾರಿ ಅದ್ಧೂರಿಯಾಗಿ ಮಾಡಲು ನಿಶ್ಚಯಿಸಿದ್ದು, ಅದಕ್ಕಾಗಿ ಈಗಾಗಲೇ ತಯಾರಿ ಆರಂಭಿಸಿದ್ದಾರಂತೆ.

ನಿಹಾರಿಕಾ ಕೋನಿಡೇಲಾ ಹಾಗೂ ಚೈತನ್ಯ ಮದುವೆ ಡಿಸೆಂಬರ್ ನಲ್ಲಿ ನಡೆಸಲು ಕುಟುಂಬದವರು ತೀರ್ಮಾನಿಸಿದ್ದಾರೆ ಎನ್ನಲಾಗಿದೆ. ಅದೂ ಭಾರಿ ಅದ್ಧೂರಿಯಾಗಿ ಮದುವೆ ನಡೆಯಲಿದೆಯಂತೆ.

Recommended Video

ದೀಪಿಕಾ ಪಡುಕೋಣೆ-ರಣ್ವೀರ್ ಸಿಂಗ್, ಅನುಷ್ಕಾ-ವಿರಾಟ್ ಕೊಹ್ಲಿ ಅಂತೆ ಡೆಸ್ಟಿನೇಶನ್ ವೆಡ್ಡಿಂಗ್ ಮಾಡಲು ವರುಣ್ ತೇಜ್ ಹಾಗೂ ನಾಗಬಾಬು ನಿರ್ಧರಿಸಿದ್ದಾರಂತೆ. ಮದುವೆಯ ಪೂರ್ಣ ಜವಾಬ್ದಾರಿಯನ್ನು ವರುಣ್ ತೇಜ್ ಅವರೇ ವಹಿಸಿಕೊಂಡಿದ್ದಾರೆ.