ಪಾತ್ರ ನೀಡಲು ಕಾಂಪ್ರಮೈಸ್ ಮಾಡಿಕೊಳ್ಳಲು ಹೇಳಿದ್ದರು: ಪವನ್ ಕಲ್ಯಾಣ್ ನಾಯಕಿ

ನನಗೂ ಇಂಥಹಾ ಅನುಭವಗಳಾಗಿವೆ: ನಿಕೇಶಾ

'ಸಿನಿಮಾ ಇಂಡಸ್ಟ್ರಿಯಲ್ಲಿ ಹೀರೋಯಿನ್‌ ಗೆ ಕಿರುಕುಳ ಕೊಡುವವರು ಹಲವರಿದ್ದಾರೆ. ನನಗೂ ಇಂಥಹಾ ಅನುಭವಗಳಾಗಿವೆ. ಆದರೆ ನಾನು ಇದಕ್ಕೆ ಒಪ್ಪಿಕೊಳ್ಳಲಿಲ್ಲ, ಹಾಗಾಗಿ ನನಗೆ ಹೆಚ್ಚಿನ ಅವಕಾಶಗಳು ಸಿಗಲಿಲ್ಲ ಎಂದು ನಿಕೇಶಾ ಪಟೇಲ್ ಹೇಳಿದ್ದಾರೆ.

ಕನಸು ಕಟ್ಟಿಕೊಂಡು ಬಂದಿರುತ್ತಾರೆ: ನಿಕೇಶಾ

ಸಿನಿಮಾ ಉದ್ಯಮಕ್ಕೆ ಬಹಳ ಕನಸು ಕಟ್ಟಿಕೊಂಡು ಬಂದಿರುತ್ತಾರೆ. ಆದರೆ ಕೆಲವು ನಾಯಕಿಯರು ಉತ್ತಮ ಸಿನಿಮಾ ಮಾಡಿದ ನಂತರವೂ ಹೆಚ್ಚು ಅವಕಾಶ ಪಡೆದುಕೊಳ್ಳಲು ವಿಫಲರಾಗುತ್ತಾರೆ ಅದಕ್ಕೆ ಕೆಲವು ವೃತ್ತಿಪರರಲ್ಲದ ಜನರೇ ಕಾರಣ ಎಂದು ನಿಕೇಶಾ ಬೇಸರ ವ್ಯಕ್ತಪಡಿಸಿದ್ದಾರೆ.

ಸಿನಿಮಾದ ಹಿನ್ನೆಲೆಯವರಿಗೆ ಈ ಸಮಸ್ಯೆ ಇಲ್ಲ

ಸಿನಿಮಾದ ಹಿನ್ನೆಲೆಯಿಂದಲೇ ಬಂದ ಯುವತಿಯರಿಗೆ ಈ ಸಮಸ್ಯೆ ಇರುವುದಿಲ್ಲ ಎಂದ ನಿಕೇಶಾ, ಸಿನಿಮಾ ಹಿನ್ನೆಲೆ ಇಲ್ಲದೆ ಬರುವ ಯುವತಿಯರು ಈ ಸಮಸ್ಯೆ ಎದುರಿಸುತ್ತಾರೆ ಎಂದು ಸಿನಿಮಾ ಉದ್ಯಮದ ಒಳಗು ಬಿಚ್ಚಿಟ್ಟಿದ್ದಾರೆ.

ಕನ್ನಡದಲ್ಲೂ ನಟಿಸಿದ್ದಾರೆ ನಿಕೇಶಾ ಪಟೇಲ್

ನಿಕೇಶಾ ಪಟೇಲ್ ಮೊದಲ ಸಿನಿಮಾ 'ಪುಲಿ' 2010 ರಲ್ಲಿ ಬಿಡುಗಡೆ ಆದ ಈ ಸಿನಿಮಾದಲ್ಲಿ ನಾಯಕರಾಗಿ ಪವನ್ ಕಲ್ಯಾಣ್ ನಟಿಸಿದ್ದರು. ಕನ್ನಡದಲ್ಲೂ 'ನಮಸ್ತೆ ಮೇಡಂ' ಸೇರಿ ಇನ್ನೂ ಹಲವು ಸಿನಿಮಾಗಳಲ್ಲಿ ಅವರು ನಟಿಸಿದ್ದಾರೆ.