Don't Miss!
- Finance Bengaluru Suburban Rail Project: ದೊಡ್ಡಜಾಲದಿಂದ ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ರೈಲು ಸಂಪರ್ಕ, ವಿವರ
- Automobiles Maruti: ಜಪಾನ್ನಲ್ಲಿ ಗರಿಷ್ಟ ಗುಣಮಟ್ಟದ ಸ್ವಿಫ್ಟ್ ಕಾರು! ಭಾರತಕ್ಕೆ ಮಾತ್ರ ಕಳಪೆ ಗುಣಮಟ್ಟ ಏಕೆ?
- News ನಂಬರ್ ಪ್ಲೇಟ್ ವಿಚಾರದಲ್ಲಿ ವಾಹನ ಮಾಲೀಕರೇ ಈ ತಪ್ಪು ಮಾಡಬೇಡಿ!
- Technology Jio: ಅಗ್ಗದ ಜಿಯೋ ಸಿನಿಮಾ ಪ್ರೀಮಿಯಂ ಚಂದಾದಾರಿಕೆ ಘೋಷಣೆ! 29 ರೂ.ಗಳಿಂದ ಪ್ರಾರಂಭ..
- Lifestyle ಖುಲಾಯಿಸಿತು ಅದೃಷ್ಟ: ಫ್ಯಾಂಟಸಿ ಗೇಮ್ನಲ್ಲಿ ₹1.5 ಕೋಟಿ ಗೆದ್ದ ಮೆಕ್ಯಾನಿಕ್..!
- Sports IPL 2024: ಸಿಕ್ಸ್ ಹೊಡೆದು ತಪ್ಪಾಯ್ತು ಎಂದಿದ್ದೇಕೆ ರಿಷಬ್ ಪಂತ್ ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಿಡುಗಡೆಯಾಗಿ 36 ದಿನ ಕಳೆದ ನಂತರ ತನ್ನ ಸಿನಿಮಾ ನೋಡಿದ ನಟ ನಿಖಿಲ್!
2014ರಲ್ಲಿ ಬಿಡುಗಡೆಯಾಗಿದ್ದ ಕಾರ್ತಿಕೇಯ ಚಿತ್ರ ಆಗಿನ ಕಾಲಕ್ಕೆ ಸೆನ್ಸೇಷನಲ್ ಬ್ಲಾಕ್ಬಸ್ಟರ್ ಆಗಿತ್ತು. ಕೇವಲ ತೆಲುಗಿನಲ್ಲಿ ಮಾತ್ರ ಬಿಡುಗಡೆಯಾಗಿದ್ದ ಈ ಸಿನಿಮಾ 4 ಕೋಟಿ ಬಜೆಟ್ನಲ್ಲಿ ತಯಾರಾಗಿ 20 ಕೋಟಿ ಕಲೆಹಾಕಿತ್ತು. ಹೀಗೆ ಅಂದು ದೊಡ್ಡ ಮಟ್ಟದ ಹಿಟ್ ಕೊಟ್ಟಿದ್ದ ಈ ತಂಡ ಬರೋಬ್ಬರಿ ಏಳು ವರ್ಷಗಳ ನಂತರ ಸೀಕ್ವೆಲ್ ಆದ ಕಾರ್ತಿಕೇಯ 2 ಚಿತ್ರವನ್ನು ಬಿಡುಗಡೆಗೊಳಿಸಿತು.
ಕಳೆದ ಬಾರಿ ಸುಬ್ರಹ್ಮಣ್ಯ ದೇವಾಲಯದ ಕುರಿತಾದ ಮಿಸ್ಟರಿ ಕತೆಯನ್ನು ಹೇಳಿದ್ದ ಈ ತಂಡ ಕಾರ್ತಿಕೇಯ 2 ಚಿತ್ರದಲ್ಲಿ ಕೃಷ್ಣನ ಹಾಗೂ ಆತನ ಸಂಪತ್ತಿನೊಂದರ ಸುತ್ತ ಸುತ್ತುವ ಡಿವೋಷನಲ್ ಫ್ಯಾಂಟಸಿ ಕತೆಯನ್ನು ಹೇಳಿತ್ತು. ಅಂದು ಕೇವಲ ತೆಲುಗಿನಲ್ಲಿ ಚಿತ್ರ ಬಿಡುಗಡೆ ಮಾಡಿದ್ದ ತಂಡ ಈ ಬಾರಿ ತೆಲುಗು ಹಾಗೂ ಹಿಂದಿಯಲ್ಲಿ ಒಟ್ಟಿಗೆ ಚಿತ್ರವನ್ನು ಬಿಡುಗಡೆಗೊಳಿಸಿತ್ತು. ಮೊದಲೇ ಬಾಲಿವುಡ್ ವಿರುದ್ಧ ಸಿಡಿದೆದ್ದಿದ್ದ ಹಿಂದಿ ಸಿನಿಮಾ ಪ್ರೇಕ್ಷಕರು ಕೃಷ್ಣನ ಕುರಿತಾಗಿ ಮೂಡಿ ಬಂದಿದ್ದ ಕಾರ್ತಿಕೇಯ 2 ಸಿನಿಮಾವನ್ನು ಒಪ್ಪಿ ಅಪ್ಪಿಕೊಂಡಿದ್ದರು.
ಮೊದಲ ದಿನ ಹಿಂದಿ ಡಬಿಂಗ್ಗೆ ಕೇವಲ ಐವತ್ತು ಪ್ರದರ್ಶನಗಳನ್ನು ಮಾತ್ರ ಹೊಂದಿದ್ದ ಕಾರ್ತಿಕೇಯ 2 ಸಿನಿಮಾ ವಾರಾಂತ್ಯಕ್ಕೆ ಸಾವಿರ ಶೋಗಳನ್ನು ಮುಟ್ಟಿತ್ತು. ಹೀಗೆ ದೊಡ್ಡ ಮಟ್ಟದ ಯಶಸ್ಸನ್ನು ಕಂಡ ಚಿತ್ರದ ನಟ ನಿಖಿಲ್ ಸಿದ್ಧಾರ್ಥ್ ಚಿತ್ರವನ್ನು ಬೆಳ್ಳೆ ಪರದೆ ಮೇಲೆ ಬರೋಬ್ಬರಿ 37ನೇ ದಿನ ಕಣ್ತುಂಬಿಕೊಂಡಿದ್ದಾರೆ.
ಹೈದರಾಬಾದ್ನ ಪ್ರಸಾದ್ ಸಿನಿಮಾಸ್ ಮಲ್ಟಿಪ್ಲೆಕ್ಸ್ನಲ್ಲಿ ಸಿನಿಮಾ ವೀಕ್ಷಿಸಿದ ನಿಖಿಲ್ ಸಿದ್ಧಾರ್ಥ ತಾವು ಚಿತ್ರಮಂದಿರದೊಳಗೆ ಕುಳಿತು ಸಿನಿಮಾ ವೀಕ್ಷಸುತ್ತಿರುವ ಎರಡು ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ. '37ನೇ ದಿನ, ಕೊನೆಗೂ ಕಾರ್ತಿಕೇಯ 2 ಸಿನಿಮಾ ನೋಡ್ತಿದ್ದೇನೆ, ಹೌಸ್ಫುಲ್ ಆಗಿದೆ' ಎಂದು ಬರೆದುಕೊಂಡಿದ್ದಾರೆ. ಇನ್ನು ಈಗಾಗಲೇ 120 ಕೋಟಿಗೂ ಹೆಚ್ಚು ಕಲೆಕ್ಷನ್ ಅನ್ನು ಚಿತ್ರ ಮಾಡಿದೆ.