ಗೆಳತಿಯೊಂದಿಗಿನ ಚಿತ್ರ ಹಂಚಿಕೊಂಡ ರಾಣಾ ದಗ್ಗುಬಾಟಿಗೆ ನೆಟ್ಟಿಗರ ತಪರಾಕಿ

ರಾಣಾ ದಗ್ಗುಬಾಟಿ-ಮಿಹಿಕಾ ಬಜಾಜ್ ರೋಕಾ ಕಾರ್ಯಕ್ರಮ

ನಿನ್ನೆ ರಾಣಾ ದಗ್ಗುಬಾಟಿ ಮತ್ತು ಮಿಹಿಕಾ ಬಜಾಜ್ ಅವರ ರೋಕಾ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು. ಎರಡೂ ಮನೆಯವರ ಹಿರಿಯರು ಕುಳಿತು ಮದುವೆ ಮಾತುಕತೆ ಮಾಡಿಕೊಳ್ಳುವ ಕಾರ್ಯಕ್ರಮ ಇದಾಗಿತ್ತು. ಕೆಲವು ಚಿತ್ರರಂಗದ ಗಣ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.

ಸಾಮಾಜಿಕ ಜಾಲತಾಣದಲ್ಲಿ ವೈರಲ್

ಕಾರ್ಯಕ್ರಮದ ಗ್ರೂಫ್‌ ಫೊಟೊ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿತ್ತು. ಈ ಚಿತ್ರವನ್ನು ನೋಡಿದ ನೆಟ್ಟಿಗರು ರಾಣಾ ದಗ್ಗುಬಾಟಿ ಗೆ ಕ್ಲಾಸ್ ತೆಗೆದುಕೊಂಡಿದ್ದಾರೆ.

ಸಾಮಾಜಿಕ ಅಂತರ ಕಾಯ್ದುಕೊಂಡಿಲ್ಲ

ಕೊರೊನಾ ಸಮಯದಲ್ಲಿ ಅತಿ ಅವಶ್ಯಕವಾದ ಸಾಮಾಜಿಕ ಅಂತರವನ್ನು ಯಾರೂ ಕಾಯ್ದುಕೊಂಡಿಲ್ಲ. ಕನಿಷ್ಟ ಮುಖಗವುಸನ್ನೂ ಸಹ ಧರಿಸಿಲ್ಲ ಎಂದು ನೆಟ್ಟಿಗರು ರಾಣಾ ಗೆ ಕ್ಲಾಸ್ ತೆಗೆದುಕೊಂಡಿದ್ದಾರೆ.

ಸಮಂತಾ-ನಾಗ ಚೈತನ್ಯಾ ಭಾಗಿ

ರೋಕಾ ಕಾರ್ಯಕ್ರಮದಲ್ಲಿ ವಿಕ್ಟರಿ ವೆಂಕಟೇಶ್ ಮತ್ತು ಕುಟುಂಬ, ನಾಗ ಚೈತನ್ಯಾ, ಸಮಂತಾ ಅಕ್ಕಿನೇನಿ ಸೇರಿದಂತೆ ಹಲವು ಗಣ್ಯರು ಭಾಗವಹಿಸಿದ್ದರು. ಕಾರ್ಯಕ್ರಮದಲ್ಲಿ ಯಾರೂ ಸಹ ಮುಖಗವುಸು ಧರಿಸಿರಲಿಲ್ಲ. ಸಾಮಾಜಿಕ ಅಂತರ ಸಹ ಪಾಲನೆಯಾಗಿಲ್ಲ.