ಆದಿಪುರುಷ್: ಪ್ರಭಾಸ್ ಜೊತೆ ನಟಿಸುತ್ತಿಲ್ಲವೆಂದ ಅನುಷ್ಕಾ ಶೆಟ್ಟಿ

ಆದಿಪುರುಷ್ ಸಿನಿಮಾದ ಸೀತೆ ಪಾತ್ರದಲ್ಲಿ ನಟಿಸುತ್ತಿಲ್ಲ: ಅನುಷ್ಕಾ

'ನಾನು ಪ್ರಭಾಸ್ ನಟಿಸುತ್ತಿರುವ ಆದಿಪುರುಷ್ ಸಿನಿಮಾದಲ್ಲಿ ಸೀತೆ ಪಾತ್ರದಲ್ಲಿ ಅಭಿನಯಿಸುತ್ತಿಲ್ಲ' ಎಂದಿದ್ದಾರೆ ನಟಿ ಅನುಷ್ಕಾ. ಆ ಮೂಲಕ ಪ್ರಭಾಸ್-ಅನುಷ್ಕಾ ಅಭಿಮಾನಿಗಳಿಗೆ ಸಣ್ಣ ನಿರಾಸೆ ಉಂಟು ಮಾಡಿದ್ದಾರೆ.

ಆದಿಪುರುಷ್ ಸಿನಿಮಾದಲ್ಲಿ ನಟಿಸುತ್ತಿಲ್ಲ: ಅನುಷ್ಕಾ ಶೆಟ್ಟಿ

ಆನ್‌ಲೈನ್ ಸಂದರ್ಶನವೊಂದರಲ್ಲಿ ಭಾಗವಹಿಸಿದ್ದ ನಟಿ ಅನುಷ್ಕಾ ಶೆಟ್ಟಿ, 'ಆದಿಪುರುಷ್' ಸಿನಿಮಾದ ಬಗ್ಗೆ ಪತ್ರಿಕೆಗಳಲ್ಲಿ ಓದಿದ್ದೇನೆ. ರಾಮನ ಪಾತ್ರದಲ್ಲಿ ಪ್ರಭಾಸ್ ಅನ್ನು ನೋಡಲು ಉತ್ಸುಕಳಾಗಿದ್ದೇನೆ. ಆದರೆ ನಾನು ಈ ಸಿನಿಮಾದಲ್ಲಿ ಸೀತೆಯ ಪಾತ್ರ ನಿರ್ವಹಿಸುತ್ತಿದ್ದೇನೆ ಎಂಬುದು ಸುಳ್ಳು' ಎಂದಿದ್ದಾರೆ ಅನುಷ್ಕಾ ಶೆಟ್ಟಿ.

ಅತಿ ದೊಡ್ಡ ಬಜೆಟ್‌ನ ಸಿನಿಮಾ

ಪ್ರಭಾಸ್ ನಟನೆಯ 'ಆದಿಪುರುಷ್' ಸಿನಿಮಾ ಭಾರತೀಯ ಸಿನಿಉದ್ಯಮದ ಅತಿದೊಡ್ಡ ಬಜೆಟ್ ಸಿನಿಮಾ ಎನ್ನಲಾಗುತ್ತಿದೆ. ಸಿನಿಮಾವನ್ನು ಟಿ-ಸೀರೀಸ್‌ನ ಪ್ರಶಾಂತ್ ಭೂಷಣ್ ನಿರ್ಮಿಸುತ್ತಿದ್ದು, ಓಮ್ ರಾವತ್ ನಿರ್ದೇಶಿಸುತ್ತಿದ್ದಾರೆ. ಸಿನಿಮಾದ ನಾಯಕಿ ಹಾಗೂ ಉಳಿದ ಪಾತ್ರಗಳು ಇನ್ನಷ್ಟೇ ಅಂತಿಮಗೊಳ್ಳಬೇಕಿದೆ.

Recommended Video

ಅವತ್ತು ಪುಟಗೋಸಿ ಅಕೋಕೆ ಹಿಂದೆ, ಮುಂದೆ ನೋಡಲಿಲ್ಲ SPB |Om Sai Prakash | Filmibeat Kannada

ಅಕ್ಟೋಬರ್ 2 ರಂದು ಬಿಡುಗಡೆ

ಇನ್ನು ಅನುಷ್ಕಾ ಶೆಟ್ಟಿ ನಟನೆಯ 'ನಿಶ್ಯಬ್ದಂ' ಸಿನಿಮಾ ಒಟಿಟಿಗೆ ಮಾರಾಟವಾಗಿದ್ದು, ಅಮೆಜಾನ್ ಪ್ರೈಂ ನಲ್ಲಿ ಅಕ್ಟೋಬರ್ 2 ರಂದು ಬಿಡುಗಡೆ ಆಗಲಿದೆ. ಥ್ರಿಲ್ಲರ್ ಕತೆಯುಳ್ಳ ಈ ಸಿನಿಮಾದಲ್ಲಿ ಮಾಧವನ್ ಹಾಗೂ ಅರ್ಜುನ್ ರೆಡ್ಡಿ ಖ್ಯಾತಿಯ ಶಾಲಿನಿ ಪಾಂಡೆ ಸಹ ನಟಿಸಿದ್ದಾರೆ.