ಅಲ್ಲು ಅರ್ಜುನ್ ರಿಜೆಕ್ಟ್ ಮಾಡಿದ್ದ 'ಫೈಟರ್' ಸಿನಿಮಾ ದೇವರಕೊಂಡ ಪಾಲಾಗಿದ್ದೇಗೆ?

ಅಲ್ಲು ರಿಜೆಕ್ಟ್ ಮಾಡಿದ್ದ ಸಿನಿಮಾ

ನಿರ್ದೇಶಕ ಪುರಿ ಜಗನ್ನಾಥ್ ಫೈಟರ್ ಸಿನಿಮಾದ ಕಥೆಯನ್ನು ಮಾಡಿದ್ದೆ ಅಲ್ಲು ಅರ್ಜುನ್ ಗಾಗಿ. ಪುರಿಜಗನ್ನಾಥ್ ಕಥೆಯನ್ನು ರೆಡಿಮಾಡಿಕೊಂಡು ಅಲ್ಲು ಅರ್ಜುನ್ ಬಳಿ ಹೇಳಿದಾಗ, ಸ್ಟೈಲಿಶ್ ಸ್ಟಾರ್ ಸಿನಿಮಾವನ್ನು ರಿಜೆಕ್ಟ್ ಮಾಡಿದ್ದಾರೆ. ಫೈಟರ್ ಕಥೆ ಇಷ್ಟವಾಗದ ಕಾರಣ ಅಲ್ಲು ಸಿನಿಮಾ ಮಾಡಲು ನಿರಾಕರಿಸುತ್ತಾರೆ.

ಕಥೆಯನ್ನು ಬದಲಾವಣೆ ಮಾಡಿದ ಪುರಿ ಜಗನ್ನಾಥ್

ಅಲ್ಲು ಅರ್ಜುನ್ ಫೈಟರ್ ಸಿನಿಮಾ ರಿಜೆಕ್ಟ್ ಮಾಡಿದ ನಂತರ ಪುರಿ ಜಗನ್ನಾಥ್ ಕಥೆಯಲ್ಲಿ ಕೊಂಚ ಬದಲಾವಣೆ ಮಾಡುತ್ತಾರೆ. ಆ ನಂತರ ಸಿನಿಮಾವನ್ನು ಪುತ್ರ ಆಕಾಶ್ ಪುರಿ ಜಗನ್ನಾಥ್ ಅವರಿಗೆ ನಿರ್ದೇಶನ ಮಾಡಲು ನಿರ್ಧರಿಸುತ್ತಾರೆ. ಆದರೆ ಅದು ಸಹ ಸಾಧ್ಯವಾಗುವುದಿಲ್ಲ.

ವಿಜಯ್ ಪಾಲಾದ ಫೈಟರ್

ಆ ನಂತರ ಫೈಟರ್ ಸಿನಿಮಾವನ್ನು ವಿಜಯ್ ದೇವರಕೊಂಡ ಅವರಿಗೆ ಮಾಡಲು ನಿರ್ಧರಿಸುತ್ತಾರೆ. ಕಥೆ ದೇವರಕೊಂಡಾಗೂ ಮ್ಯಾಚ್ ಆಗುತ್ತೆ ಎನ್ನುವ ಕಾರಣಕ್ಕೆ ಪುರಿ ಜಗನ್ನಾಥ್ ವಿಜಯ್ ಗೆ ಕಥೆ ಹೇಳುತ್ತಾರೆ. ಕಥೆ ಕೇಳಿ ಗ್ರೀನ್ ಸಿಗ್ನಲ್ ನೀಡಿದ ವಿಜಯ್ ಫೈಟರ್ ಆಗಲು ಒಪ್ಪಿಕೊಳ್ಳುತ್ತಾರೆ. ಆನಂತರ ಸಿನಿಮಾಗಾಗಿ ವಿಜಯ್ ಭರ್ಜರಿ ತಯಾರಿಯನ್ನು ನಡೆಸಿದ್ದಾರೆ.

ಪ್ಯಾನ್ ಇಂಡಿಯಾ ಸಿನಿಮಾ 'ಫೈಟರ್'

ಫೈಟರ್ ಕೇವಲ ತೆಲುಗಿನಲ್ಲಿ ಮಾತ್ರವಲ್ಲದೆ ಪ್ಯಾನ್ ಇಂಡಿಯಾ ಸಿನಿಮಾವಾಗಿ ತಯಾರಾಗುತ್ತಿದೆ. ಚಿತ್ರದಲ್ಲಿ ವಿಜಯ್ ಗೆ ನಾಯಕಿಯಾಗಿ ಬಾಲಿವುಡ್ ನಟಿ ಅನನ್ಯ ಪಾಂಡೆ ಕಾಣಿಸಿಕೊಳ್ಳುತ್ತಿದ್ದಾರೆ. ಮೊದಲ ಬಾರಿಗೆ ಅನನ್ಯ ದಕ್ಷಿಣ ಭಾರತೀಯ ಸಿನಿಮಾದಲ್ಲಿ ಮಿಂಚುತ್ತಿದ್ದಾರೆ. ಇನ್ನೂ ಅಲ್ಲು ಅರ್ಜುನ್ ಸದ್ಯ ಪುಷ್ಪ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ.