ಬ್ರಿಟನ್‌ನಿಂದ ಬಂದ ಜೂ.ಎನ್‌ ಟಿ ಆರ್ ನಾಯಕಿ: ಅಬ್ಬಾ ಎಂಥಾ ಸುಂದರಿ

ಬ್ರಿಟನ್‌ನಿಂದ ಬಂದಿದ್ದಾಳೆ ಸುಂದರಿ

ಹೌದು, ಬ್ರಿಟನ್‌ನಿಂದ ಒಲಿವಿಯಾ ಮೋರಿಸ್ ಎಂಬ ಬಿಳಿ ಸುಂದರಿಯನ್ನು ಆರ್‌ಆರ್‌ಆರ್‌ ಸಿನಿಮಾದ ನಾಯಕಿಯನ್ನಾಗಿ ಆಯ್ಕೆ ಮಾಡಲಾಗಿದೆ. ಅದ್ಬುತ ಸುಂದರಿ ಜ್ಯು.ಎನ್‌ಟಿಆರ್‌ ಗೆ ನಾಯಕಿಯಾಗಲಿದ್ದಾರೆ.

ಸ್ವಾತಂತ್ರ್ಯ ಪೂರ್ವದ ಕತೆಯುಳ್ಳ ಸಿನಿಮಾ

ಆರ್‌ಆರ್‌ಆರ್‌ ಸಿನಿಮಾ ಸ್ವತಂತ್ರ್ಯ ಪೂರ್ವದ ಇಬ್ಬರು ಹೋರಾಟಗಾರರ ಕತೆಯಾಗಿದ್ದು, ಬ್ರಿಟೀಶ್ ಯುವತಿ ಜೂ.ಎನ್‌ಟಿಆರ್ ಪಾತ್ರದೊಂದಿಗೆ ಪ್ರೇಮದಲ್ಲಿ ಬಿದ್ದು ಆತನಿಗೆ ಸಹಾಯ ಮಾಡು ಕತೆಯನ್ನು ಇದು ಹೊಂದಿರಲಿದೆ ಎನ್ನಲಾಗುತ್ತಿದೆ.

ಕೋಮರಂ ಭೀಮ ಪಾತ್ರದಲ್ಲಿ ಎನ್‌ಟಿಆರ್

ಆರ್‌ಆರ್‌ಆರ್‌ ಸಿನಿಮಾದಲ್ಲಿ ಜೂ.ಎನ್ ‌ಟಿಆರ್ ಕೋಮರಂ ಭೀಮ ಪಾತ್ರದಲ್ಲಿ ನಟಿಸುತ್ತಿದ್ದು, ಬ್ರಿಟನ್ ನಟಿ ಒಲಿವಿಯಾ ಮೋರಿಸ್ ಜೆನ್ನಿಫರ್ ಪಾತ್ರದಲ್ಲಿ ನಟಿಸಲಿದ್ದಾರೆ. ಜೆನ್ನಿಫರ್ ಕೋಮರಂ ಭೀಮನೊಂದಿಗೆ ಪ್ರೀತಿಯಲ್ಲಿ ಬಿದ್ದು ತನ್ನ ಪೋಷಕರನ್ನು ಧಿಕ್ಕರಿಸಿ ಆತನಿಗೆ ಸಹಾಯವಾಗಿ ನಿಲ್ಲುವ ಕತೆ ಸಿನಿಮಾದಲ್ಲಿದೆ.

ಸೀತಾ ಪಾತ್ರದಲ್ಲಿ ಆಲಿಯಾ ಭಟ್

ಇನ್ನು ಆಲಿಯಾ ಭಟ್ ಸೀತಾ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಅಲ್ಲೂರಿ ಸೀತಾರಾಮ ರಾಜು ಪಾತ್ರಧಾರಿ ರಾಮ್‌ ಚರಣ್‌ ಗೆ ನಾಯಕಿ ಆಗಿದ್ದಾರೆ. ಇವರ ಹೊರತಾಗಿ ಅಜಯ್ ದೇವಗನ್ ಮತ್ತು ಶ್ರೆಯಾ ಶಿರಿನ್ ಸಹ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿದ್ದಾರೆ.

ಇನ್ನೂ ಹಲವು ನಟರು ಬಂದಿದ್ದಾರೆ

ಬ್ರಿಟನ್‌ನಿಂದ ಒಲಿವಿಯಾ ಮಾತ್ರವೇ ಅಲ್ಲದೆ ಇನ್ನೂ ಹಲವು ನಟರನ್ನು ಸಿನಿಮಾಕ್ಕಾಗಿ ಕರೆಸಿಕೊಳ್ಳಲಾಗಿದೆ. ಸಿನಿಮಾದ ಕತೆಯಲ್ಲಿ ಹಲವು ಬ್ರಿಟಿಷ್ ಅಧಿಕಾರಿಯ ಪಾತ್ರಗಳಿವೆ. ಆಲಿಸನ್ ಡೂಡಿ ಮತ್ತು ರೇಯ್ ಸ್ಟಿವನ್ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಲಿದ್ದಾರೆ.