ಪವಿತ್ರಾ ಲೋಕೇಶ್- ನರೇಶ್, ಅಣ್ಣ ತಂಗಿಯಂತೆ: ಏನಿದು ಹೊಸ ಟ್ವಿಸ್ಟ್?

ಪವಿತ್ರಾ ಲೋಕೇಶ್- ನರೇಶ್‌ಗೆ ಹೊಸ ಪಟ್ಟ!

ಕಳೆದ ಕೆಲವು ದಿನಗಳಿಂದ ನರೇಶ್ ಮತ್ತು ಪವಿತ್ರಾ ಲೋಕೇಶ್ ಸಂಬಂಧದ ಬಗ್ಗೆ ನಾನಾ ಸುದ್ದಿ ಹರಿದಡುತ್ತಿವೆ. ಈ ವಿಚಾರ ತಣ್ಣಗಾಯಿತು ಎನ್ನುವಷ್ಟರಲ್ಲೇ ಮತ್ತೇ ಇವರ ಸಂಬಂಧದ ಬಗ್ಗೆ ಸುದ್ದಿ ಹಬ್ಬಿದೆ. ಇನ್ನು ನರೇಶ್ ಪತ್ನಿ ರಮ್ಯಾ ರಘುಪತಿ ಇವರು ಮದುವೆ ಆಗಿದ್ದಾರೆ ಎನ್ನುವ ಹೇಳಿಕೆ ಪ್ರತಿಕ್ರಿಯೆ ಕೊಟ್ಟಿದ್ದ ನರೇಶ್, ಅದು ನಮ್ಮ ಇಷ್ಟ ಬೇಕಾದರೆ ಮದುವೆ ಅಗ್ತೀವಿ ಎಂದಿದ್ದರು. ಅದರೆ ವಿಚಿತ್ರ ಎನ್ನುವಂತೆ ಈ ಜೋಡಿಗೆ ಈಗ ಅಣ್ಣ- ತಂಗಿ ಪಟ್ಟ ಸಿಕ್ಕಿದೆ. ಮದುವೆ ಆಗುವವರು ಅಣ್ಣ- ತಂಗಿ ಆಗಲು ಹೇಗೆ ಸಾಧ್ಯ ಎನ್ನುವುದು ಕುತೂಹಲಕಾರಿ ವಿಚಾರ.

ಪವಿತ್ರಾ, ನರೇಶ್ ಹೊಸ ಸಿನಿಮಾ ರಿಲೀಸ್!

ಇನ್ನೂ ಈಗ ಮತ್ತೊಮ್ಮ ನರೇಶ್​ ಹಾಗೂ ಪವಿತ್ರಾ ಲೋಕೇಶ್​ ಸಿಕ್ಕಾಪಟ್ಟೆ ಸುದ್ದಿಯಾಗುತ್ತಿದ್ದಾರೆ. ಇದಕ್ಕೆ ಕಾರಣ ಇವರು ನಟಿಸಿರುವ ಹೊಸ ಸಿನಿಮಾ 'ರಾಮ್​ ರಾವ್​ ಆನ್​ ಡ್ಯೂಟಿ'. ಮಾಸ್ ಮಹಾರಾಜ ರವಿತೇಜ ಅಭಿನಯದ 'ರಾಮ್​ ರಾವ್​ ಆನ್​ ಡ್ಯೂಟಿ' ಜುಲೈ 29ರಂದು ರಿಲೀಸ್ ಆಗಿದೆ. ಈ ಸಿನಿಮಾದಲ್ಲಿ ನರೇಶ್​ - ಪವಿತ್ರಾ ಲೋಕೇಶ್​ ನಟಿಸಿದ್ದಾರೆ. ಚಿತ್ರದಲ್ಲಿ ಇವರಿಬ್ಬರದ್ದೇ ಹವಾ. ಯಾಕೆಂದರೆ ದೊಡ್ಡ ವಿವಾದದ ಬಳಿಕ ಓ ಜೋಡಿ ಒಟ್ಟಿಗೆ ತೆರೆಯ ಮೇಲೆ ಕಾಣಿಸಿಕೊಂಡಿರುವುದೇ ಕಾರಣ.

ಒಟಹುಟ್ಟಿದವರ ಪಾತ್ರದಲ್ಲಿ ಪವಿತ್ರಾ, ನರೇಶ್!

ಈಗ 'ರಾಮ್​ ರಾವ್​ ಆನ್​ ಡ್ಯೂಟಿ' ಸಿನಿಮಾದ ಬಗ್ಗೆ ಮಾತನಾಡಲು ಕಾರಣ, ಈ ಚಿತ್ರದಲ್ಲಿ ಇರುವ ಇವರ ಪಾತ್ರಗಳು. 'ರಾಮ್​ರಾವ್​ ಆನ್​ ಡ್ಯೂಟಿ' ಸಿನಿಮಾದಲ್ಲಿ ಪವಿತ್ರಾ ಲೋಕೇಶ್​ ಹಾಗೂ ನರೇಶ್ ಒಡಹುಟ್ಟಿದವರ ರೀತಿಯ ಪಾತ್ರದಲ್ಲಿ ನಟಿಸಿದ್ದಾರೆ. ಈ ಸಿನಿಮಾ ನೋಡಿದ ಪ್ರೇಕ್ಷಕರು ಎಲ್ಲಿಂದ ಎಲ್ಲಿಗೆ ಸಂಬಂಧ ನೋಡಿ ಎಂದು ತಮಾಷೆ ಮಾಡಿ, ಟ್ರೋಲ್ ಮಾಡುತ್ತಿದ್ದಾರೆ.

ಪವಿತ್ರಾ- ನರೇಶ್‌ಗೆ ಶಿಳ್ಳೆ, ಚಪ್ಪಾಳೆ!

ಮದುವೆ ವಿಚಾರದಲ್ಲಿ ನಟ ನರೇಶ್ ಮತ್ತು ಪವಿತ್ರಾ ಲೋಕೇಶ್ ಕನ್ನಡ ಹಾಗು ತೆಲುಗಿನಲ್ಲಿ ದೊಡ್ಡ ಮಟ್ಟದಲ್ಲಿ ಸುದ್ದಿ ಆಗಿದ್ದರು. ಹಾಗಾಗಿ ಈ ಜೋಡಿಯನ್ನು ಮತ್ತೆ ಒಟ್ಟಿಗೆ ತೆರೆಯ ಮೇಲೆ ನೋಡಿದ ಅಭಿಮಾನಿಗಳು ಎಂಜಾಯ್ ಮಾಡಿದ್ದಾರೆ. ಜೊತೆಗೆ ಸಿನಿಮಾ ನೋಡಿ ಬಂದ ಪ್ರೇಕ್ಷಕರು ಪವಿತ್ರಾ ಲೋಕೇಶ್ ಹಾಗು ನರೇಸ್ ಪಾತ್ದ ಬಗ್ಗೆ ಪ್ರಸ್ತಾಪಿಸಿದ್ದಾರೆ. ಸಿನಿಮಾದಲ್ಲಿ ಇವರ ದೃಶ್ಯಗಳು ಬಂದಾಗ ಹೆಚ್ಚು ಶಿಳ್ಳೆ, ಚಪ್ಪಾಳೆ ಸದ್ದು ಮೂಡಿದೆಯಂತೆ. ಇದು ಸಿನಿಮಾ ನೋಡಿ ಬಂದ ಹಲವು ಪ್ರೇಕ್ಷಕರ ಅಭಿಪ್ರಾಯ.