ಪವನ್ ಕಲ್ಯಾಣ್ ಧರಿಸಿರುವ ವಾಚಿನ ಬೆಲೆ ಎಷ್ಟು ಗೊತ್ತಾ?

40 ಲಕ್ಷ ಬೆಲೆಯ ದುಬಾರಿ ವಾಚ್?

ಮೆಟ್ರೊದಲ್ಲಿ ಪ್ರಯಾಣಿಸಬೇಕಾದರೆ ಪವನ್ ಕಲ್ಯಾಣ್ ಕೈಲಿದ್ದ ವಾಚ್ ರೋಲೆಕ್ಸ್ ವಾಚ್ ಎನ್ನಲಾಗುತ್ತಿದ್ದು, ಆ ವಾಚಿನ ಮೌಲ್ಯ ಬರೋಬ್ಬರಿ 40 ಲಕ್ಷ ಎಂದು ಹೇಳಲಾಗುತ್ತಿದೆ. ಭಾರಿ ದುಬಾರಿಯಾದ ವಾಚನ್ನು ಪವನ್ ಕಟ್ಟಿಕೊಂಡಿದ್ದರು ಎನ್ನಲಾಗಿದೆ.

ಪವನ್ ಕಲ್ಯಾಣ್ ವಾಚ್‌ನದ್ದೇ ಸುದ್ದಿ

ಪವನ್ ಕಲ್ಯಾಣ್ ಅವರ ದುಬಾರಿ ವಾಚ್‌ ಈಗ ದೊಡ್ಡ ಸುದ್ದಿಯಾಗಿ ಹೊರಹೊಮ್ಮಿದೆ. ಪವನ್ ಕಲ್ಯಾಣ್ ತಮ್ಮನ್ನು ತಾವು ಸರಳವಾಗಿ ಜೀವಿಸುವ ವ್ಯಕ್ತಿ ಎಂದು ಕರೆದುಕೊಳ್ಳುತ್ತಾರೆ ಹಾಗಿದ್ದರೆ ದುಬಾರಿ ವಾಚ್ ಏಕೆ ಬಳಸುತ್ತಾರೆ ಎಂದು ಪ್ರಶ್ನೆಗಳು ಎದ್ದಿವೆ.

ಸರಳ ವ್ಯಕ್ತಿ ಎಂದು ಬಿಂಬಿಸುವ ಚಿತ್ರಗಳು

ಪವನ್ ಕಲ್ಯಾಣ್ ತಮ್ಮ ತೋಟದಲ್ಲಿ ಜಾನುವಾರುಗಳಿಗೆ ಸೇವೆ ಮಾಡುವ, ಖಾವಿ ಬಟ್ಟೆ, ಶಾಲು ಧರಿಸಿ ಕಾರ್ಯಕ್ರಮಗಳಿಗೆ ಓಡಾಡುವ, ಪುಸ್ತಕ ಓದುವ ಚಿತ್ರಗಳನ್ನು ಅವರೇ ಸ್ವತಃ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡು ತಾವೊಬ್ಬ ಸರಳ ವ್ಯಕ್ತಿ ಎಂದು ಬಿಂಬಿಸುವ ಪ್ರಯತ್ನ ಮಾಡಿದ್ದರು. ಆದರೆ ಈಗ ಎಲ್ಲಾ ಉಲ್ಟಾ ಆಗಿದೆ.

ಚಿತ್ರೀಕರಣಕ್ಕಾಗಿ ಧರಿಸಿದ್ದ ವಾಚ್?

ಆ ವಾಚನ್ನು ಚಿತ್ರೀಕರಣ ಉದ್ದೇಶಕ್ಕೆ ಬಳಸಿದ್ದಾರೆ ಎಂಬುದು ಕೆಲವರ ವಾದ. ಆದರೆ ವಕೀಲ್ ಸಾಬ್ ಸಿನಿಮಾ ಪಿಂಕ್ ಸಿನಿಮಾದ ರೀಮೇಕ್. ಆ ಸಿನಿಮಾ ನೋಡಿರುವವರಿಗೆ ಗೊತ್ತಿರುತ್ತದೆ, ಸಿನಿಮಾದ ನಾಯಕ ಮಧ್ಯಮ ಕುಟುಂಬದ ವಕೀಲ, ಶ್ರೀಮಂತ ಕುಟುಂಬದವನಲ್ಲ ಎಂದು.