ಮತ್ತೊಂದು ಚಿತ್ರಕ್ಕೆ ಪವನ್ ಕಲ್ಯಾಣ್ ಸಹಿ; ಕನ್ನಡ ಮೂಲದ ನಟಿ ನಾಯಕಿ?

ಪವನ್ ಕಲ್ಯಾಣ್ ಜೊತೆಗೆ ಅನುಷ್ಕಾ ಮೊದಲ ಸಿನಿಮಾ?

ಪವನ್ ಕಲ್ಯಾಣ್ ಎದುರು ನಟಿ ಅನುಷ್ಕಾ ಶೆಟ್ಟಿ ನಟಿಸುವ ಸಾಧ್ಯತೆ ಇದೆ. ತೆಲುಗು ಸಿನಿಮಾದಲ್ಲಿ ನಟನೆ ಆರಂಭಿಸಿ 15 ವರ್ಷವಾದರೂ ಅನುಷ್ಕಾ ಪವನ್ ಕಲ್ಯಾಣ್ ಜೊತೆ ನಟಿಸಿರಲಿಲ್ಲ, ಅನುಷ್ಕಾ ಶೆಟ್ಟಿ ಹೆಸರು ಅಂತಿಮವಾದಲ್ಲಿ ಮೊದಲ ಬಾರಿಗೆ ಅನುಷ್ಕಾ ಪವನ್ ಕಲ್ಯಾಣ್ ಒಟ್ಟಾಗಿ ನಟಿಸಲಿದ್ದಾರೆ.

ವಿರೂಪಾಕ್ಷ ಎಂದು ಹೆಸರಿಡಲಾಗಿದೆ

ಸಿನಿಮಾಕ್ಕೆ 'ವಿರೂಪಾಕ್ಷ' ಎಂಬ ಹೆಸರಿಡಲಾಗಿದೆ. ಆದರೆ ಚಿತ್ರತಂಡ ಹೆಸರನ್ನು ಅಧಿಕೃತವಾಗಿ ಘೋಷಣೆ ಮಾಡಿಲ್ಲ. ಅನುಷ್ಕಾ ಶೆಟ್ಟಿ ಜೊತೆಗೆ ಇನ್ನೂ ಕೆಲವು ಹೆಸರುಗಳು ನಾಯಕಿ ಪಾತ್ರಕ್ಕೆ ಪಟ್ಟಿಯಲ್ಲಿವೆ ಎನ್ನಲಾಗಿದೆ.

ಅತಿಥಿ ಪಾತ್ರಕ್ಕಷ್ಟೇ ಸೀಮಿತವಾ ಅನುಷ್ಕಾ ಶೆಟ್ಟಿ?

ಅನುಷ್ಕಾ ಶೆಟ್ಟಿ ಅವರನ್ನು ಅತಿಥಿ ಪಾತ್ರಕ್ಕೆ ಕೇಳಲಾಗಿದೆ ನಾಯಕಿ ಪಾತ್ರಕ್ಕಾಗಿ ಅಲ್ಲವೆಂಬ ಮಾತುಗಳು ಸಹ ಅಲ್ಲಲ್ಲಿ ಕೇಳಿ ಬರುತ್ತಿವೆ. ಚಿರಂಜೀವಿ ಅವರ ಇತ್ತೀಚಿನ ಚಿತ್ರ ಸೈರಾ ನರಸಿಂಹ ರೆಡ್ಡಿ ಸಿನಿಮಾದಲ್ಲಿ ಝಾನ್ಸಿ ರಾಣಿಯ ಪಾತ್ರದಲ್ಲಿ ಅನುಷ್ಕಾ ಶೆಟ್ಟಿ ಕಾಣಿಸಿಕೊಂಡಿದ್ದರು. ಇದೇ ರೀತಿಯ ಪಾತ್ರವನ್ನು ವಿರೂಪಾಕ್ಷ ಸಿನಿಮಾದಲ್ಲಿಯೂ ಮಾಡಲಿದ್ದಾರೆ ಎಂಬ ಮಾತುಗಳು ಕೇಳಿಬರುತ್ತಿವೆ.

ನಿಶ್ಯಬ್ಧಂ ಬಿಡುಗಡೆಗೆ ಕಾಯುತ್ತಿರುವ ಅನುಷ್ಕಾ ಶೆಟ್ಟಿ

ಅನುಷ್ಕಾ ಶೆಟ್ಟಿ ಪ್ರಮುಖ ಪಾತ್ರದಲ್ಲಿ ನಟಿಸಿರುವ 'ನಿಶ್ಯಬ್ಧಂ' ಸಿನಿಮಾ ಬಿಡುಗಡೆಗೆ ತಯಾರಾಗಿದೆ. ಕೊರೊನಾ ಕಾರಣದಿಂದಾಗಿ ಸಿನಿಮಾ ಬಿಡುಗಡೆ ಮುಂದಕ್ಕೆ ಹೋಗಿದೆ.