ಮೊದಲ ಮನೆ ಖರೀದಿಸಿದ ನಟಿ ಪೂಜಾ ಹೆಗ್ಡೆ: ಬೆಲೆ ಕಡಿಮೆ ಇಲ್ಲ

ದುಬಾರಿ ಬ್ಯಾಂಡ್ರಾ ಏರಿಯಾದಲ್ಲಿ ಪೂಜಾ ಮನೆ

ಭಾರತದ ಅತ್ಯಂತ ದುಬಾರಿ ಏರಿಯಾಗಳಲ್ಲಿ ಬ್ಯಾಂಡ್ರಾ ಸಹ ಒಂದು. ಇಲ್ಲಿ 3 ಬಿಎಚ್‌ಕೆ ಫ್ಲ್ಯಾಟ್ ಖರೀದಿಸಲು ಕನಿಷ್ಟ 3 ಕೋಟಿ ತೆರಬೇಕು. ಒಳಾಂಗಣ ವಿನ್ಯಾಸ ಇನ್ನಿತರೆಗಳೆಲ್ಲ ಸೇರಿದರೆ ಸುಮಾರು 4 ಕೋಟಿ ದಾಟುತ್ತದೆ ಮೊತ್ತ. ಪೂಜಾ ಹೆಗ್ಡೆ ಫ್ಲ್ಯಾಟ್‌ನ ಬೆಲೆ ಎಷ್ಟು ಎಂಬುದು ಅಧಿಕೃತವಾಗಿಲ್ಲ.

ಪೂಜಾ ಹೆಗ್ಡೆ ಸಂಭಾವನೆ ಎಷ್ಟು?

ನಟಿ ಪೂಜಾ ಹೆಗ್ಡೆ ತಮ್ಮ 'ಅಲಾ ವೈಕುಂಟಪುರಂಲೋ' ಸಿನಿಮಾದ ಬಳಿಕ ಸಂಭಾವನೆ ಏರಿಸಿಕೊಂಡರು. ಪ್ರಸ್ತುತ ತೆಲುಗು ಸಿನಿಮಾರಂಗದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆವ ನಟಿ ಪೂಜಾ ಹೆಗ್ಡೆ. ಅಲಾ ವೈಕುಂಟಪುರಂಲೋ ನಂತರ ಪೂಜಾ ಹೆಗ್ಡೆ ಸಿನಿಮಾ ಒಂದಕ್ಕೆ 2.50 ಕೋಟಿ ರು ಸಂಭಾವನೆ ಪಡೆಯುತ್ತಿದ್ದಾರೆ!

ರಾಧೆ-ಶ್ಯಾಮ್ ಸಿನಿಮಾ ಬಗ್ಗೆ ಸಾಕಷ್ಟು ನಿರೀಕ್ಷೆ

ಪೂಜಾ ಹೆಗ್ಡೆ ನಟಿಸಿರುವ ರಾಧೆ-ಶ್ಯಾಮ್ ಸಿನಿಮಾ ಜುಲೈ 30 ಕ್ಕೆ ಬಿಡುಗಡೆ ಆಗಲಿದೆ. ಸಿನಿಮಾದಲ್ಲಿ ಪ್ರಭಾಸ್ ಮುಖ್ಯ ಪಾತ್ರದಲ್ಲಿ ನಟಿಸಿದ್ದು, ಇದೊಂದು ಅಪ್ಪಟ ಪ್ರೇಮ ಕತೆ ಸಿನಿಮಾ ಆಗಿರಲಿದೆ. ಈ ಸಿನಿಮಾದ ಬಗ್ಗೆ ಸಾಕಷ್ಟು ನಿರೀಕ್ಷೆಗಳನ್ನು ಇಟ್ಟುಕೊಂಡಿರುವುದಾಗಿ ಹೇಳಿದ್ದಾರೆ ಪೂಜಾ ಹೆಗ್ಡೆ.

Recommended Video

ಈ ವರ್ಷ ಕೀರ್ತಿ ಸುರೇಶ್ ಮದುವೆ, ಹುಡುಗ ಯಾರು ಗೊತ್ತಾ | Filmibeat Kannada

ಸಲ್ಮಾನ್ ಖಾನ್ ಜೊತೆ ನಟಿಸಲಿದ್ದಾರೆ ಪೂಜಾ

ಪೂಜಾ ಹೆಗ್ಡೆ ನಟಿಸಿರುವ 'ಮೋಸ್ಟ್ ಎಲಿಜಿಬಲ್ ಬ್ಯಾಚ್ಯುಲರ್' ಸಿನಿಮಾ ಸಹ ಬಿಡುಗಡೆಗೆ ತಯಾರಾಗಿದೆ. ಇದೀಗ ಚಿರಂಜೀವಿ ನಟನೆಯ 'ಆಚಾರ್ಯ' ಸಿನಿಮಾದ ಚಿತ್ರೀಕರಣದಲ್ಲಿ ಪೂಜಾ ಪಾಲ್ಗೊಳ್ಳಲಿದ್ದಾರೆ. ಅದಾದ ಬಳಿಕ ಸಲ್ಮಾನ್ ಖಾನ್ ಜೊತೆಗೆ 'ಕಭಿ ಈದ್ ಕಭಿ ದಿವಾಲಿ' ಸಿನಿಮಾದಲ್ಲಿ ನಟಿಸಲಿದ್ದಾರೆ.