Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಏಕಾ-ಏಕಿ ಸಂಭಾವನೆ ಹೆಚ್ಚಿಸಿಕೊಂಡ ಪೂಜಾ ಹೆಗ್ಡೆ: ಒಂದು ಸಿನಿಮಾಕ್ಕೆ ಎಷ್ಟು?
ಕನ್ನಡತಿ ಪೂಜಾ ಹೆಗ್ಡೆ ಪ್ರಸ್ತುತ ತೆಲುಗು ಹಾಗೂ ಬಾಲಿವುಡ್ ಸಿನಿಮಾಗಳಲ್ಲಿ ಮಿರಿ-ಮಿರಿ ಮಿಂಚುತ್ತಿದ್ದಾರೆ. ಅದರಲ್ಲಿಯೂ ತೆಲುಗು ಚಿತ್ರರಂಗದಲ್ಲಿಯಂತೂ ಪೂಜಾ ಅದೃಷ್ಟದ ನಟಿ.
ಅಲ್ಲು ಅರ್ಜುನ್ ಜೊತೆಗೆ 'ದುವ್ವಾಡ ಜಗನ್ನಾಥ' ಸಿನಿಮಾ ಮೂಲಕ ತೆಲುಗು ಚಿತ್ರರಂಗಕ್ಕೆ ಎಂಟ್ರಿ ಕೊಟ್ಟ ಪೂಜಾ, ಬಹುತೇಕ ಟಾಪ್ ಹೀರೋಗಳ ಜೊತೆಯೂ ತೆರೆ ಹಂಚಿಕೊಂಡಿದ್ದಾರೆ.
ಹಿಟ್ ಮೇಲೆ ಹಿಟ್ ಸಿನಿಮಾಗಳನ್ನು ನೀಡಿರುವ ಪೂಜಾ ಹೆಗ್ಡೆ, ಇತ್ತೀಚಿನ ಹಿಟ್ ಸಿನಿಮಾ 'ಅಲಾ ವೈಕುಂಟಪುರಂಲೋ' ದ ನಂತರ ಏಕಾ-ಏಕಿ ಸಂಭಾವನೆ ಏರಿಸಿಕೊಂಡಿದ್ದಾರಂತೆ. ಆದರೂ ಸಹ ಪೂಜಾ ಹೆಗ್ಡೆಗೆ ಬೇಡಿಕೆ ಕಡಿಮೆ ಆಗಿಲ್ಲ. ಆಫರ್ಗಳ ಮೇಲೆ ಆಫರ್ಗಳು ಬರುತ್ತಲೇ ಇವೆ.
ಆರಂಭದಲ್ಲಿ ಫ್ಲಾಪ್ ನೀಡಿದ್ದ ಪೂಜಾ
ಸಿನಿಮಾ ಜೀವನದ ಆರಂಭದ ಸಮಯದಲ್ಲಿ ಫ್ಲಾಪ್ ಮೇಲೆ ಫ್ಲಾಪ್ ನೀಡಿದ್ದ ಪೂಜಾ ಹೆಗ್ಡೆ ಆ ನಂತರ ಸಖತ್ ಹಿಟ್ ಸಿನಿಮಾಗಳನ್ನು ಕೊಟ್ಟರು. ಅದರಲ್ಲಿಯೂ ಬಾಲಿವುಡ್ನಲ್ಲಿ ಹೃತಿಕ್ ರೋಷನ್ ಜೊತೆ ನಟಿಸಿದ ನಂತರ ಪೂಜಾ ಹೆಗ್ಡೆ ಡಿಮ್ಯಾಂಡ್ ತೆಲುಗಿನಲ್ಲಿ ತುಸು ಹೆಚ್ಚಾಯಿತು.
ಈ ಮೊದಲು ಸಹ ಸಂಭಾವನೆ ಏರಿಸಿಕೊಂಡಿದ್ದರು
ಮೊಹೆಂಜೊದಾರೊ ಹಾಗೂ ದುವ್ವಾಡ ಜಗನ್ನಾಥ ಸಿನಿಮಾಗಳ ಬಳಿಕ ಸಂಭಾವನೆ ಏರಿಸಿಕೊಂಡಿದ್ದ ಪೂಜಾ ಹೆಗ್ಡೆ ನಂತರ ಸಹಿ ಮಾಡಿದ 'ಸಾಕ್ಷ್ಯಂ' ಸಿನಿಮಾಕ್ಕೆ ಬರೋಬ್ಬರಿ 1.40 ಕೋಟಿ ತೆಗೆದುಕೊಂಡಿದ್ದರಂತೆ. ಆ ನಂತರ ಜೂ.ಎನ್ಟಿಆರ್ ಜೊತೆ 'ಅರವಿಂದ ಸಮೇತ', ಮಹೇಶ್ ಬಾಬು ಜೊತೆ 'ಮಹರ್ಷಿ' ಸಿನಿಮಾದಲ್ಲಿ ನಟಿಸಿದರು ಪೂಜಾ.
ಅಲಾ ವೈಕುಂಟಪುರಂಲೋ ಸಿನಿಮಾ ಬಳಿಕೆ ಸಂಭಾವನೆ ಹೆಚ್ಚಳ
ನಂತರ ಹೌಸ್ಫುಲ್ 4 ಸಿನಿಮಾದಲ್ಲಿ ನಟಿಸಿ ಬಂದು, ತೆಲುಗಿನಲ್ಲಿ ಅಲಾ ವೈಕುಂಟಪುರಂಲೊ ಸಿನಿಮಾ ಮಾಡಿದ ಪೂಜಾ ಈಗ ಮತ್ತೆ ಸಂಭಾವನೆ ಏರಿಸಿಕೊಂಡಿದ್ದಾರೆ. ಪ್ರಸ್ತುತ ಅವರ ಸಂಭಾವನೆ 2 ಕೋಟಿಗೆ ಸಮೀಪ ಹೋಗಿದೆಯಂತೆ. ತೆಲುಗಿನ ಕೆಲವು ಹೀರೋಗಳು ಸಹ ಇಷ್ಟು ಸಂಭಾವನೆ ತೆಗೆದುಕೊಳ್ಳುವುದಿಲ್ಲವಂತೆ.
ಪ್ರಭಾಸ್ ಜೊತೆಗೆ 'ರಾಧಾ-ಕೃಷ್ಣ'ದಲ್ಲಿ ನಟನೆ
ಪ್ರಸ್ತುತ ಪೂಜಾ ಹೆಗ್ಡೆ ಪ್ರಭಾಸ್ ಜೊತೆಗೆ 'ರಾಧಾ-ಕೃಷ್ಣ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಇದನ್ನು ಹೊರತುಪಡಿಸಿ ನಾಗಾರ್ಜುನ್ ಕಿರಿಯ ಪುತ್ರ ಅಖಿಲ್ ಜೊತೆಗೆ 'ಮೋಸ್ಟ್ ಎಲಿಜಿಬಲ್ ಬ್ಯಾಚುಲರ್' ಸಿನಿಮಾದಲ್ಲಿ ಸಹ ನಟಿಸುತ್ತಿದ್ದಾರೆ. ಬಾಲಿವುಡ್ನಿಂದಲೂ ಪೂಜಾ ಗೆ ಆಹ್ವಾನವಿದೆಯಂತೆ.