ಏಕಾ-ಏಕಿ ಸಂಭಾವನೆ ಹೆಚ್ಚಿಸಿಕೊಂಡ ಪೂಜಾ ಹೆಗ್ಡೆ: ಒಂದು ಸಿನಿಮಾಕ್ಕೆ ಎಷ್ಟು?

ಆರಂಭದಲ್ಲಿ ಫ್ಲಾಪ್ ನೀಡಿದ್ದ ಪೂಜಾ

ಸಿನಿಮಾ ಜೀವನದ ಆರಂಭದ ಸಮಯದಲ್ಲಿ ಫ್ಲಾಪ್ ಮೇಲೆ ಫ್ಲಾಪ್ ನೀಡಿದ್ದ ಪೂಜಾ ಹೆಗ್ಡೆ ಆ ನಂತರ ಸಖತ್ ಹಿಟ್ ಸಿನಿಮಾಗಳನ್ನು ಕೊಟ್ಟರು. ಅದರಲ್ಲಿಯೂ ಬಾಲಿವುಡ್‌ನಲ್ಲಿ ಹೃತಿಕ್ ರೋಷನ್ ಜೊತೆ ನಟಿಸಿದ ನಂತರ ಪೂಜಾ ಹೆಗ್ಡೆ ಡಿಮ್ಯಾಂಡ್ ತೆಲುಗಿನಲ್ಲಿ ತುಸು ಹೆಚ್ಚಾಯಿತು.

ಈ ಮೊದಲು ಸಹ ಸಂಭಾವನೆ ಏರಿಸಿಕೊಂಡಿದ್ದರು

ಮೊಹೆಂಜೊದಾರೊ ಹಾಗೂ ದುವ್ವಾಡ ಜಗನ್ನಾಥ ಸಿನಿಮಾಗಳ ಬಳಿಕ ಸಂಭಾವನೆ ಏರಿಸಿಕೊಂಡಿದ್ದ ಪೂಜಾ ಹೆಗ್ಡೆ ನಂತರ ಸಹಿ ಮಾಡಿದ 'ಸಾಕ್ಷ್ಯಂ' ಸಿನಿಮಾಕ್ಕೆ ಬರೋಬ್ಬರಿ 1.40 ಕೋಟಿ ತೆಗೆದುಕೊಂಡಿದ್ದರಂತೆ. ಆ ನಂತರ ಜೂ.ಎನ್‌ಟಿಆರ್ ಜೊತೆ 'ಅರವಿಂದ ಸಮೇತ', ಮಹೇಶ್ ಬಾಬು ಜೊತೆ 'ಮಹರ್ಷಿ' ಸಿನಿಮಾದಲ್ಲಿ ನಟಿಸಿದರು ಪೂಜಾ.

ಅಲಾ ವೈಕುಂಟಪುರಂಲೋ ಸಿನಿಮಾ ಬಳಿಕೆ ಸಂಭಾವನೆ ಹೆಚ್ಚಳ

ನಂತರ ಹೌಸ್‌ಫುಲ್ 4 ಸಿನಿಮಾದಲ್ಲಿ ನಟಿಸಿ ಬಂದು, ತೆಲುಗಿನಲ್ಲಿ ಅಲಾ ವೈಕುಂಟಪುರಂಲೊ ಸಿನಿಮಾ ಮಾಡಿದ ಪೂಜಾ ಈಗ ಮತ್ತೆ ಸಂಭಾವನೆ ಏರಿಸಿಕೊಂಡಿದ್ದಾರೆ. ಪ್ರಸ್ತುತ ಅವರ ಸಂಭಾವನೆ 2 ಕೋಟಿಗೆ ಸಮೀಪ ಹೋಗಿದೆಯಂತೆ. ತೆಲುಗಿನ ಕೆಲವು ಹೀರೋಗಳು ಸಹ ಇಷ್ಟು ಸಂಭಾವನೆ ತೆಗೆದುಕೊಳ್ಳುವುದಿಲ್ಲವಂತೆ.

ಪ್ರಭಾಸ್ ಜೊತೆಗೆ 'ರಾಧಾ-ಕೃಷ್ಣ'ದಲ್ಲಿ ನಟನೆ

ಪ್ರಸ್ತುತ ಪೂಜಾ ಹೆಗ್ಡೆ ಪ್ರಭಾಸ್ ಜೊತೆಗೆ 'ರಾಧಾ-ಕೃಷ್ಣ' ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಇದನ್ನು ಹೊರತುಪಡಿಸಿ ನಾಗಾರ್ಜುನ್ ಕಿರಿಯ ಪುತ್ರ ಅಖಿಲ್ ಜೊತೆಗೆ 'ಮೋಸ್ಟ್ ಎಲಿಜಿಬಲ್ ಬ್ಯಾಚುಲರ್' ಸಿನಿಮಾದಲ್ಲಿ ಸಹ ನಟಿಸುತ್ತಿದ್ದಾರೆ. ಬಾಲಿವುಡ್‌ನಿಂದಲೂ ಪೂಜಾ ಗೆ ಆಹ್ವಾನವಿದೆಯಂತೆ.