1650 ಎಕರೆ ಅರಣ್ಯ ದತ್ತುಪಡೆದ ಬಾಹುಬಲಿ ಪ್ರಭಾಸ್!

ಹೈದರಾಬಾದ್ ಸಮೀಪದ ಕಾಜಿಹಳ್ಳಿ ಬಳಿಯ ಅರಣ್ಯ

ಹೈದರಾಬಾದ್ ಸಮೀಪದ ಕಾಜಿಪಲ್ಲಿ ಎಂಬಲ್ಲಿನ ಸಂರಕ್ಷಿತ ಅರಣ್ಯಪ್ರದೇಶವನ್ನು ಪ್ರಭಾಸ್ ದತ್ತು ಪಡೆದಿದ್ದಾರೆ. ಈ ಸಂರಕ್ಷಿತ ಅರಣ್ಯ ಪ್ರದೇಶವನ್ನು ಸಸ್ಯವೈವಿಧ್ಯ ಪ್ರದೇಶವನ್ನಾಗಿ ಮಾಡುವ ಗುರಿ ಪ್ರಭಾಸ್‌ಗೆ ಇದೆ. ಈ ನಿಟ್ಟಿನಲ್ಲಿ ಈಗಾಗಲೇ ಕೆಲಸ ಆರಂಭಿಸಿದ್ದಾರೆ.

ಔಷಧೀಯ ಗುಣವುಳ್ಳ ಸಸಿಗಳನ್ನು ನೆಡುವ ಉದ್ದೇಶ

ಪಕ್ಷಿ, ಪ್ರಾಣಿಗಳನ್ನು ಆಕರ್ಷಿಸುವ ವಿವಿಧ ಬಗೆಯ ಹಣ್ಣುಗಳ ಮರಗಳು, ಎತ್ತರದ ಮರಗಳು ಜೊತೆಗೆ ಔಷಧೀಯ ಗುಣವುಳ್ಳ ಸಸಿಗಳನ್ನು ಬೆಳೆಸುವ ನೀಲನಕ್ಷೆ ಈಗಾಗಲೇ ತಯಾರಿದೆಯಂತೆ. ಇದರ ಜೊತೆಗೆ ಕೊಳಗಳನ್ನು, ಕಾಲುಹಾದಿಗಳನ್ನು ನಿರ್ಮಿಸಲು ಸಹ ಯೋಜನೆ ಹಾಕಲಾಗಿದೆ.

ಜಿಮ್ ಟ್ರೈನರ್‌ಗೆ ಕಾರು ಉಡುಗೊರೆ

ಕೊರೊನಾ ಸಂಕಷ್ಟದ ಸಮಯದಲ್ಲಿ ಲಕ್ಷಾಂತರ ಹಣ ಸಹಾಯವನ್ನು ಮಾಡಿದ ನಟ ಪ್ರಭಾಸ್, ಕೆಲವು ದಿನಗಳ ಹಿಂದಷ್ಟೆ ತನ್ನ ಜಿಮ್ ಟ್ರೈನರ್‌ಗೆ ಭಾರಿ ದುಬಾರಿ ಕಾರೊಂದನ್ನು ಉಡುಗೊರೆಯಾಗಿ ಕೊಟ್ಟಿದ್ದರು. ಈಗ ಅರಣ್ಯ ಅಭಿವೃದ್ಧಿಗೆ ಕೈ ಹಾಕಿದ್ದಾರೆ.

ಸಿನಿಮಾಗಳಲ್ಲಿ ಪ್ರಭಾಸ್ ಸಖತ್ ಬ್ಯುಸಿ

ಸಿನಿಮಾದಲ್ಲಿಯೂ ಸಖತ್ ಬ್ಯುಸಿಯಾಗಿರುವ ಪ್ರಭಾಸ್, ರಾಧೆ-ಶ್ಯಾಮ್ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಇದರ ನಂತರ ದೀಪಿಕಾ ಪಡುಕೋಣೆ ಜೊತೆಗೆ ಇನ್ನೂ ಹೆಸರಿಡದ ಸಿನಿಮಾದಲ್ಲಿ ನಟಿಸಲಿದ್ದಾರೆ. ಅದರ ನಂತರ ಭಾರಿ ಬಜೆಟ್ ಸಿನಿಮಾ ಆದಿಪುರುಶ ಸಿನಿಮಾದಲ್ಲಿ ನಟಿಸಲಿದ್ದಾರೆ ಪ್ರಭಾಸ್.