500 ಕೋಟಿ ಬಜೆಟ್: ಅರ್ಧದಷ್ಟು ಹಣ ಕಲಾವಿದರ ಸಂಭಾವನೆಗೆ ಖರ್ಚು?

500 ಕೋಟಿ ಬಜೆಟ್?

ನಾಗ್ ಅಶ್ವಿನ್ ಮತ್ತು ಪ್ರಭಾಸ್ ಕಾಂಬಿನೇಷನ್‌ನಲ್ಲಿ ಮೂಡಿ ಬರಲಿರುವ ಚಿತ್ರದ ಬಜೆಟ್ 500 ಕೋಟಿ ಎಂದು ಅಂದಾಜಿಸಲಾಗಿದೆ. ಆರಂಭದಲ್ಲಿ ಈ ಚಿತ್ರಕ್ಕೆ ಸುಮಾರು 300 ಕೋಟಿವರೆಗೂ ವೆಚ್ಚವಾಗಬಹುದು ಎಂದು ವರದಿಯಾಗಿತ್ತು. ಆದ್ರೀಗ, ಒಟ್ಟು ಬಜೆಟ್ 500 ಕೋಟಿಯವರೆಗೂ ಆಗಲಿದೆ ಎಂಬ ಸುದ್ದಿ ಬಹಿರಂಗವಾಗಿದೆ.

ಸ್ಟಾರ್‌ ಕಲಾವಿದರ ಎಂಟ್ರಿ

ನಾಗ್ ಅಶ್ವಿನ್ ಮತ್ತು ಪ್ರಭಾಸ್ ಜೋಡಿಯಲ್ಲಿ ಬರಲಿರುವ ಸಿನಿಮಾ ಸೈನ್ಸ್ ಫಿಕ್ಷನ್ ಕಥಾಹಂದರ ಹೊಂದಿದೆ. ನಿಗದಿತ ಯೋಜನೆ ಮೀರಿ ಬಜೆಟ್ ಹೆಚ್ಚಾಗಲು ಕಾರಣ ಸ್ಟಾರ್ ಕಲಾವಿದರ ಆಗಮನ ಎಂದು ಹೇಳಲಾಗಿದೆ. ಪ್ರಭಾಸ್ ಜೊತೆ ಬಾಲಿವುಡ್ ಸ್ಟಾರ್‌ಗಳ ಅಭಿನಯಿಸುತ್ತಿರುವುದು ಸಹಜವಾಗಿ ನಿರ್ಮಾಪಕರಿಗೆ ಹೊರೆಯಾಗಿದೆ.

ಅರ್ಧ ಬಜೆಟ್ ಸಂಭಾವನೆಗೆ ಮೀಸಲು

ಒಟ್ಟು 500 ಕೋಟಿ ಪ್ರಾಜೆಕ್ಟ್ ಇದಾಗಿದೆ. ಇದರಲ್ಲಿ ಅರ್ಧ ಹಣ ಅಂದ್ರೆ 250 ಕೋಟಿವರೆಗೂ ಕಲಾವಿದರ ಸಂಭಾವನೆಗಾಗಿ ಖರ್ಚು ಮಾಡಲಾಗುತ್ತಿದೆ. ಅಮಿತಾಭ್ ಬಚ್ಚನ್, ದೀಪಿಕಾ ಪಡುಕೋಣೆ ಈ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಇವರ ಜೊತೆ ಇನ್ನು ಏಂಟು ಜನರನ್ನು ಬಾಲಿವುಡ್‌ ಇಂಡಸ್ಟ್ರಿಯಿಂದ ಈ ಪ್ರಾಜೆಕ್ಟ್‌ಗೆ ಸೇರಿಕೊಳ್ಳಲಿದ್ದಾರೆ ಎನ್ನುವುದು ಹೊಸ ಟಾಕ್.

Recommended Video

ಗುಟ್ಟಿನ ಮದುವೆಯ ಬಗ್ಗೆ ಮಾತನಾಡಿದ ಪ್ರಣೀತಾ | Filmibeat Kannada

ಪ್ರಭಾಸ್ ಸಂಭಾವನೆ ಎಷ್ಟಿದೆ?

ಪ್ರಭಾಸ್ ಸಂಭಾವನೆ ಬರೋಬ್ಬರಿ 100 ಕೋಟಿ ಎಂದು ವರದಿಗಳಾಗಿದೆ. ಪ್ಯಾನ್ ಇಂಡಿಯಾ ಭಾಷೆಗಳಲ್ಲಿ ಬಿಡುಗಡೆಯಾಗುವುದರಿಂದ ಸಂಭಾವನೆಯಲ್ಲೂ ಪ್ರಭಾಸ್ ಏರಿಕೆ ಕಂಡಿದ್ದಾರೆ ಎಂದಿವೆ ಮೂಲಗಳು. ನಾಗ್ ಅಶ್ವಿನ್ ಚಿತ್ರದ ಒಟ್ಟು ಬಜೆಟ್ 500 ಕೋಟಿ, ಅದರಲ್ಲಿ ಪ್ರಭಾಸ್ ಸಂಭಾವನೆ 100 ಕೋಟಿ, ದೀಪಿಕಾ, ಬಿಗ್ ಬಿ ಸೇರಿದಂತೆ ಇತರೆ ಕಲಾವಿದರ ಸಂಭಾವನೆ 100 ಕೋಟಿ, ಚಿತ್ರೀಕರಣ ಹಾಗೂ ವಿಎಫ್‌ಎಕ್ಸ್ ಕೆಲಸಕ್ಕ 300 ಕೋಟಿ ಮೀಸಲು ಎನ್ನುವ ಲೆಕ್ಕಾಚಾರದಲ್ಲಿ ಪ್ರೊಡಕ್ಷನ್ ತಂಡ.